Jeremías 31:3 - Kashibo-Kakataibo Biblia

³ ꞌëx kana bërámabi ami mërakën. ꞌËn kana nuibairakë ꞌixun atu bëríbi xënibua ꞌaínbi nuibatin, usa ꞌixun kana uisokin karana nuibakë usabi okin mitsu nuibatin.

Jeremías 31:3 ပူးပေါင်းရင်းမြစ်များ

1 Reyes 10:9

¡Min ꞌIbu Diosan ka min Dios ꞌixun, upíokin ñu ꞌaia iskin nuibakin Israelkaman ꞌapu ꞌinun mi ꞌimiaxa! ¡Xënibua ꞌaínbi Israelkama ꞌikë mikama nuibakin Diosan, ꞌapu ꞌixunmi ꞌaisama okinma ñu atu ꞌaxúnti mi anëxuanxa usa ꞌain kamina bërí ꞌapu ꞌain!

Salmos 103:17

ꞌAínbi ka Diosan unikama nuibakë ax usabi nëtë́tima oi ꞌia, uikaman kara ax kikësabiokin ꞌaia a unikama; ꞌianan ka uin kara an kakësabiokin ꞌaia a nuibanan aín rëbúnkikamaribi aín chaitikama ꞌasaribiokin bëríbi nuibatia,

Isaías 43:4

ꞌËn kana ꞌitsaira mi nuibatin, mix kamina bëtsi ñu kamasamaira ꞌain ꞌimainun kana ꞌën mi nuibatin. Mitsu ꞌënan ꞌiti bikin ië́mikin bërúanuxun kana unikama ꞌimainun bëtsi menu ꞌikë unikama atu ꞌamiti ꞌain.

Isaías 45:17

ꞌAínbi ka Nukën ꞌIbun Israel unikama a ië́miakëxa, ië́mikin xënibua ꞌaínbi ꞌitiokin ië́miakëxa. Usa ꞌaish ka uínsaranbi katë́ti ñuumara ꞌitima ꞌikën.

Isaías 49:14

“Jerusalénnu tsókë unikama ax ka ësai kiakëxa: Nukën ꞌIbun ka nukama rakankëxa, nukaman Diosan ka nu manuakëxa.

Oseas 11:1

ꞌËn kana Israelkama ꞌën uni ꞌikë tuá xura ꞌakësokin nuibakën; usa ꞌixun kana atu Egipto menuax chikitia ꞌën bëchikë ka ax ꞌikë kixun kakën:

Oseas 11:4

ꞌËn kana atu ꞌitsaira nuibakin ënua ꞌutëkënun atu ꞌakiankën; usakin kana tuá xura ꞌakësokin ꞌanan, atun piti ꞌinánima ꞌikinma bërúankën,

Malaquías 1:2

Ësai ka Dios kia: ꞌËn kana mitsu nuibatin. ꞌAínbi kamina mitsun ësokin ꞌë kain: ¿Uisaxun karanuna min kamina nukama nuibati kixun ꞌunánti ꞌain? Kakëxun ka Diosan atu kaia: ꞌËn kana mitsu xukë́n rabë́ ꞌikëbi nuibakën, nuibakin kana Esaú ꞌimainun Jacob aira abëtan ñu ꞌati kuëënxun nuibakën,

Romanos 8:30

Uicamax cara usai ainan ꞌiti ꞌicë quixun ꞌunánquin ca Nucën Papa Diosan acama an sinánmicëxa ami catamëtia atun ꞌuchacama tërë́nquin ainan ꞌimiaxa. ꞌImiquin ca atux aín nëtënu abë ꞌiti ꞌimiaxa.

Deuteronomio 10:15

Usa ꞌain ka Nukën ꞌIbu nun chaitiokëkama nuibakëxa, nuibakin ka aín rëbúnkikama kaisakëxa, a kananuna nux ꞌain, usa ꞌaish kamina bëtsi ëmanu ꞌikë uni kamasama ënu nux bërí ꞌain.

Deuteronomio 33:26

Usa ꞌain ka anuishi sënë́nkin Moisésnën Israelkama ësokin kakëxa, nun Diosaribi bëtsi dios ka ꞌaíma ꞌikën, nun Dios ax ka kushiira ꞌaish raíri dios kamasamaira ꞌikën, ax ka naínu ꞌikë nëtë kuin mëu kushiira ꞌaish mitsu ꞌakini ꞌuti ꞌikën.

Deuteronomio 33:3

Nukën ꞌIbun ka aín unikama nuibatia, nuibanan ka uikaman kara aín bana kikësabiokin ꞌaia a bërúaia. Bërúanan ka uin kara a rabianan an kakë banakama kikësabiokin ꞌaia a ꞌakinia.

Deuteronomio 4:37

An ka nun chaitiokëkama nuibakëxa, ꞌimainun ka aín rëbúnkikamaribi ainan ꞌinun kaískin, aín kushínbi Egipto menua chikíankëxa.

2 Timoteo 1:9

Nucën Papa Diosan ca nu ië́miquin ainan ꞌimiacëxa, nuxnu ax cuëëncësabi oíshi upí ꞌinun. Nun ñu upí ꞌacë cupíma, axbi nuxnu ainan ꞌiti cuëënquinshi, ca nu nuibaquin Jesucristo cupí nu ainan ꞌimiacëxa. Camabi ñu uniocëma pain ꞌixun ca Nucën Papa Diosan nuibaquin, Cristo Jesusan nu ië́minun mëníocëxa.

Santiago 1:18

An ca unían aín bana ñuixuncëxun cuatínu ainan ꞌinun nu ꞌimiaxa, nux pain ꞌicë cupía raíri uníxribi Jesucristomi catamëcë ꞌaish camabi ñu an uniosamaira ꞌinun.

1 Pedro 1:3

Nucën Papa Dios, ax Nucën ꞌIbu Jesucristonën Dios ꞌianan aín Paparibi, a cananuna rabiti ꞌain. An ca nu nuibaquin bamaxbia baísquia Jesucristo an nun ꞌuchacama tërë́ncëxnu bacë́ntëcëncësa ꞌaish, ainan ꞌinun nu ꞌimiaxa, ënë nëtënuax ainan ꞌaíshnu aín nëtënuribi ꞌinun.

1 Juan 4:19

An paían nu nuiba ꞌain cananuna nuxribi Nucën Papa Diosmi sinani ami catamëtin.