Jeremías 31:25 - Kashibo-Kakataibo Biblia

²⁵ Anuxun kana axa numikëkama a ain piti ꞌinánan, axa xëaima kushiñuma ꞌi atsánkë akaman xëati ñu ꞌitsaira ꞌinun ꞌimiti ꞌain” Kiax kiakëxa.

Jeremías 31:25 ပူးပေါင်းရင်းမြစ်များ

Salmos 107:9

An ka axa shiman bamatisa tankë unikama ꞌumpax xëanun ꞌinania ꞌinánan ka ax numin bamatisa unikama aribi aín piti ꞌitsaira ꞌinania.

Salmos 23:3

ꞌianan ka amiribishi ami kushitëkënun ꞌë ꞌimiaxa, ꞌimianan ka bai upitan nikësa ꞌinun uisa ñu kara upí ꞌikë ashi ꞌanun ꞌë ꞌunánmia, ax ka usakin ñu ꞌaxunkin aín anë rabiti kuëënia.

Isaías 32:2

Usa ꞌaish ka atu achúshi achúshinëx suñu bëki nëtë masá kuatsinkëbë ñumi katamëkë usaribi ꞌiti ꞌikën, ꞌianan ka xëxá ꞌumpax shióbukian me ëskikë chabóti ꞌakë ain baí usaribi, ꞌianan anu uni ꞌikëma menua mapara chaiira an tupë́onkë ꞌain barin xarokëx ami katamëkë usaribi ꞌikanti ꞌikën.

Isaías 40:29

An ka axa atsánkë unikama kushitëkënun ꞌimia, ꞌimianan ka kushiñuma uni aribi amiribishi sinanatëkënia kushinun ꞌimia.

Isaías 41:17

Uni ñuñuma ꞌaish kuríkiñuma akaman ka ꞌumpax barikinbi mëraima. Usa ꞌaish ka ꞌumpax xëaima shimax aín tëru ëskia; ꞌaínbi kana ꞌëx aín ꞌIbu ꞌixun atu ꞌakinti ꞌain, ꞌëx Israel unikaman Dios ꞌixun kana atu ꞌakinkin ëntima ꞌain.

Isaías 50:4

Nukën ꞌIbun ka ꞌë ñu ꞌunánmiaxa atsánkë unikama bana ñuixunkin kuëminun. ꞌIanan ka pëkarakëma ꞌain ꞌaínshi ꞌëa kakëxun munu aín bana kuanun ꞌë kaxa.

Jeremías 31:12

Usakian chikinkëx utankëx ka kuëëni kantai Jerusalénnu ꞌikë matákamanuax kuëënti ꞌikën, usai ꞌia Nukën ꞌIbun ꞌakinkin ñu ꞌinánkëx ka: ꞌitsaira kuëënkanti ꞌikën kuëënika, trigo ꞌimainun uvas baka ꞌakë vino ꞌimainun xëni ꞌianan, ovejakama ꞌimainun vacakamañu ꞌiti ꞌikën. Usa ꞌain ka a unikamax an ië́mikëx amiribishi ꞌain ꞌIbu Diosmi katamëti aín menu tsókë ꞌaish unin aín xubu rapasu ꞌapáxun ꞌupiokin ñu bërúankësa usaribi ꞌaish, amiribishi ñusmatëkënima kushi ꞌikanti ꞌikën.

Jeremías 31:14

ꞌËn kana sacerdotekamaribi upíira piti pinun ꞌimiti ꞌain, ꞌën unikamaxribi ka ꞌën ꞌinánkëxun ꞌaisamaira ñu upíirabu bitsi kuëënti ꞌikën. ꞌËx mitsun ꞌIbu ꞌaish kana asérabi ësai kin.”

Ezequiel 34:14

Usakin ꞌakin kana anuaxa upíokin pi bukunun atun menua ꞌikë aín bashikama anubi atu buánti ꞌain. Anuxun ka upiti bukukin upíokin piti nëishokin ꞌaxun piti ꞌikën.

Mateo 11:28

Nucën Papa Diosan mi upí isnun quixun ꞌaisamaira ñu ꞌanan unin cacë ñuribi ꞌai bënëti atsáncë ꞌixun camina ꞌëmi catamëquin ꞌën mi ꞌaquinun ꞌë cati ꞌain. Cacëxun cana a ñucama mëníoquin ꞌënan ꞌaíshmi tanti ꞌicësaribitimi upí oquin sinani cuëënun mitsu ꞌimiti ꞌain.

Mateo 5:6

ꞌAcëñuma bamaia uni piti cuëëncësaribi oi Nucën Papa Diosan iscëx upí ꞌiti cuëëncë uni, a ca an usaía ꞌinun ꞌimiti ꞌicën. Usai ca ꞌiti ꞌicë quixun ꞌunani ca chuámarua tani cuëënia.

Lucas 1:53

Panancë unicama ca pimiaxa. Pimianan ca ñuñu unicama ñu ꞌinántëcënquinma ñancáishi cuantánun xuaxa.

Juan 4:14

Usa ꞌaínbi ca an ꞌën ꞌináncëxun ꞌunpax ꞌacë uni, ax amiribishi shimatëcëntima ꞌicën. Me ꞌucë mëúcüaxa chiquitia ꞌunpax xobucësaribiti ca ꞌën ꞌináncë ꞌunpax nëtëtima uninu ꞌiti ꞌicën. Usaía ꞌicëbë ca uni nëtë́timoi Nucën Papa Diosnan ꞌiti ꞌicën.

2 Corintios 7:6

Usai ꞌiabi ca Nucën Papa Dios, an uni tëmërai masá nuitutiabi chuámarua ꞌinun ꞌimicë, an Tito mitsunuax ënu unun mëníoxun nu chuámarua ꞌimiaxa.