Jeremías 31:19 - Kashibo-Kakataibo Biblia

¹⁹ ꞌËx kana mi rabiti ëanx mix kikësokin ꞌaíma mi ꞌura ꞌikësa ꞌian, ꞌaínbi kana ꞌën ñu ꞌakëkama ëni mimi sinántëkëan; usai ꞌikin kana ꞌën ꞌakë ꞌuchakama a mi ñuixua, usai ꞌi kana ꞌën kisinu kítimëti ꞌian; usai ꞌi kana katë́kësa ꞌianan ñuumasara tan, ꞌën bëná ꞌixun ꞌá ꞌuchakama sinani kana usai ꞌian.

Jeremías 31:19 ပူးပေါင်းရင်းမြစ်များ

Isaías 54:4

Usa ꞌain kamina rakuë́tima ꞌain katë́kësamina ꞌin, usa ꞌain kamina bërúankati ꞌain; mi ꞌichakin ñuikankëxbi anun rabinti ñu ka ꞌaíma ꞌiti ꞌikën. Bëná ꞌaíshmi bakë bëchikëñuma ꞌaish rabian akamina manuti ꞌain, ꞌimainun kamina xanu aín bënën kasunankë ꞌakësokin mi ꞌakan a sinántima ꞌain,

Ezequiel 36:26

usakin ꞌakin kana ꞌën mitsux ꞌatimati tsókë a mëníokanun ꞌimianan upíokin sinanimi tsónun ꞌimiti ꞌain. ꞌImikin kana mitsun nuitu iruarakë a ëmikin mitsun nuitu ñu bachusa ꞌaimi ꞌën kakëxun ꞌën bana kuanun ꞌimiti ꞌain.

Ezequiel 36:31

ꞌImainun ka uínsaran kara atux ꞌatimati tsóanan ñu ꞌatima ꞌai, ꞌuchaxa akama sinania anun rabinkanti ꞌikën, usai ꞌikin ka ꞌatimai ñu ꞌai ꞌuchai tsókë a sinánkanti ꞌikën.

Lucas 15:30

Usa ꞌixunbi camina an min curíquicama xanu ꞌaisamabë ꞌiquin cëñucë min bëchicë ënë́xa uan vaca bacë rëracacë rëmian.

Lucas 18:13

Fariseo uníxa usai quimainun ca an ꞌapu buánmiti curíqui bicë unin, ꞌuri niracëti manámi bësuima meuishi bësui, masá nuituquin aín nuitu mëëi abë banaquin, —Nucën Papa Dios, ꞌëx ꞌuchañu ꞌicë camina ꞌë nuibaquin ꞌën ꞌuchacama ꞌë tërë́nxunti ꞌai —quixun caxa.

Romanos 6:21

Ñancábi camina usa ñu ꞌacën. Mitsúxmi usai ꞌiá sinani camina bërí rabinin. Usa ñucama ꞌati an ëncëma unix ca usabi ꞌaish ashiti Nucën Papa Diosbë ꞌitimoi bamati ꞌicën.

Deuteronomio 30:2

sinánkin atun dios mitsu rabikë a ënkin kamina min nuitubëtanbi sinánkin ax kuëënkësa okinshi ꞌaia ka Nukën ꞌIbun mitsun bakë bëchikë këñunbi ꞌën bërí mitsu kakë ësokinbi ꞌakinti ꞌikën,

2 Timoteo 2:25

Usa ꞌixun ca ami nishquinma an Nucën Papa Diosan bana cuaisama tancë unicama munu upí oquin ꞌësëquin ꞌunánmiti ꞌicën. ꞌUnánmiquin ca —Nucën Papa Diosan ꞌimicëx ca sinanati Jesucristomi catamëti ꞌicë —quixun sinánti ꞌicën.