Jeremías 31:18 - Kashibo-Kakataibo Biblia

¹⁸ ꞌËn kana Efraínën rëbúnkikama ꞌitsaira masá nuituti ësai kikania kuan: ꞌËx kana bana kuakëma ꞌaish achúshi vaca tuá raëmisama usaribi ꞌiakën, usa ꞌikëbi kamina min ꞌë ꞌunánmamiakën; usa ꞌain kamina amiribishi mi rabitëkënun ꞌë ꞌimiti ꞌain, mix kamina ꞌën ꞌIbu Dios ꞌain.

Jeremías 31:18 ပူးပေါင်းရင်းမြစ်များ

Job 5:17

Usa ꞌain ka chuámarua ꞌiti ꞌikë ui uni kara Diosan ꞌunánmisatankin ꞌatima ñu inúnun ꞌimia ax; usai ꞌikinbi ka Dios kushiira ꞌixuan usai ꞌiti ꞌimikëxunbi ami ꞌatimakin sinánkinma abi tënëkë uni ax ꞌiti ꞌikën.

Salmos 118:18

Diosan ka ꞌaisamaira tëmëratanun ꞌë ꞌimiaxa, usokin ꞌakinbi ka ñutanun ꞌë ënkëma ꞌikën.

Salmos 32:9

Mix kamina burro ꞌimainun caballosa ꞌitima ꞌain, an ka uisakin kara kaia abi kuatima, usa ꞌikë ka anun nikinkin nitsinakin buinati aín, kuëbínu mëxin tëkërëkaxun nikinkëx uisakin kara ꞌaia usaibi ꞌia, usa ꞌain ka bëtsiokin ꞌaxun ꞌuramamitisama ꞌikën.

Salmos 80:19

Nun ꞌIbu Dios kamabi kushiñuira, ¡Bëráma nux ꞌiásabi tsónun kamina, nu ꞌakinti ꞌain! ¡Usokin nu ꞌakinkin kamina nu ië́miti ꞌain!

Salmos 80:3

Mix nun Dios ꞌixun kamina, ¡bëráma ꞌiásaibi ꞌinun nu ꞌakinti ꞌain! ¡Upiokin iskimi nu ꞌakinkëx kananuna nukamax ië́kë ꞌiti ꞌain!

Salmos 80:7

Nukën ꞌIbu Dios kamabi kushiñu nukama kamina, ¡bëráma ꞌiásabinu ꞌinun ꞌakinti ꞌain! ¡ꞌIanan kamina min upíokin nu isti ꞌain, usakinmi ꞌakëx kananuna ië́kë ꞌiti ꞌain!

Proverbios 3:11

Uni bënákama min kamina, Diosan usai ꞌiama ꞌinun kakëxun kuaisama tantima ꞌain ꞌimainun kamina an mi usai kamina ꞌitima ꞌai kixun kakëx a kuëënima nishtima ꞌain;

Isaías 1:5

Mitsux kamina uisaxun ñu ꞌatima ꞌati kara kixun sinani kushi kananin, usa ꞌain ka mitsun nami anu ꞌatima oti ꞌaíma ꞌikën. Usa ꞌain ka aín maxkánuribi ankëti chankukë ꞌaish, an ꞌimikëx kushiñuma ꞌikën.

Isaías 53:7

Ax ka ꞌatima okë ꞌiaxa, ꞌaínbi ka ñuumarasa ꞌixun ꞌinamëkin tënëti ꞌikën, ꞌianan ka uisa banarabi banatima ꞌikën; usai ꞌiaka, anuxun ꞌatinua carnero aín bënë bërí kanikë buankësa okin buankanti ꞌikën, usai ꞌika ax uisaibi banaima nëtë́ax aín rani tëakëxun carneronën tanshikë usaíshi ꞌiti ꞌikën.

Isaías 63:16

¡Mix kamina nukaman papa ꞌain! Abrahamnëa nukama ꞌunanima ꞌimainuan Israel unikama numi sinánkëbëmabi kamina, Nun ꞌIbu ꞌianan nukaman papa ꞌain; usa ꞌixun kamina ënënsaran nëtëma ꞌa ꞌixunma min ꞌakësabi okin nu bitëkënin.

Jeremías 2:30

ꞌËn kana ñankáishibi mitsun bakë bëchikëkama tëmëramiakën, atun ka ꞌën bana ꞌunánkin ax kikësokin ꞌaisama tankëxa. Mitsúnbi kamina paru ꞌinúan raëkëma, ꞌain piti bitsi në́kësa usaribi ꞌikin, an ꞌën bana ñuikë unikama ꞌakankën.

Jeremías 31:6

Usa ꞌain ka anúan an bërúankë unikama, munuma kuënkëni Efraínnën matákamanuax kiti achúshi nëtë ꞌiti ꞌikën. Mitsux kamina anuxun Nukën ꞌIbu Dios rabi Jerusalénnu kuanti uti ꞌain kiax ka kiti ꞌikën. Ax ka nukaman Dios ꞌikën.”

Jeremías 31:9

Ka kuat, abë banakin ñukánan inkuatsini ka ukanti ꞌikën. Inkuatsini aia kana ꞌën anua ꞌumpax ꞌitsaira ꞌikë me anu bëkin, bai upí anun kuani uisaibi ñumi tuaxkitima anun uanti ꞌain. Usa ꞌain kana ꞌëx Israel unikaman papa ꞌain, ꞌimainun ka Efraínëx ꞌën bakë bëchikë apansa ꞌikën, kiax ka kiakëxa.

Daniel 9:13

Kamabi ñu ꞌatimakama nuxnu ꞌinúkë ax ka Moisésnën kuënëo bananu kikësabi oi ꞌia; usa ꞌaínbi kananuna nun mixmi nun Dios ꞌikë mi barikëma ꞌain, ꞌianan kananuna nun ñu ꞌatima ꞌakëkama abi ënkëma ꞌain, ꞌimainun kananuna min bana kikësoibi ꞌikëma ꞌain.

Oseas 4:16

Israel unikamax bana kuati ꞌunánma unibu ꞌikën, usa ꞌaish ka burro xanu bërí kanikë bisama usaribi ꞌikën, usa ꞌikë, ¿kara Diosan pasto ꞌapákë upíira anua carnero kamara ꞌakësokin bërúanti ꞌik?

Oseas 5:15

Usakin ꞌatankëx kana anu ꞌëx ꞌikë anu, atunbia sinanakin kana ꞌucha kixun ꞌë baritamainun kuanti ꞌain. Tëmërai bënë́kin ka atun ꞌë bariti ꞌikën.”

Jonás 3:10

Usakin atun ñu ꞌatima ꞌakë ënia a mi sinania iskin ka Diosan Nínivenu ꞌikë unikama, uisabi kana atu otima ꞌai kixun sinánkin an usakin ꞌakatsi kikë usakin uisabi oma ꞌikën.

Malaquías 3:16

Usa ꞌain ka an Dios rabikë unikama atúxbi ësai kánani kiakëxa, kia ka atúxa kikë bana a bëmë́kin kuakëxa. ꞌIanan ka Diosan ismainunbi achúshi kirikanu an rabikë unikaman anë kuënëokëxa, a ka an Dios rabikë unikaman sinánti ꞌikën.

Malaquías 4:6

ꞌImainun ka aín papakama ꞌimainun aín bëchikëkamaribi upiti mëníonanti ꞌikën. Usai ꞌikëbëtama kana ukin a unikama atun me ꞌatima okin këñuti ꞌain. Usai ka Dios kiakëxa.

Lucas 1:17

Juan ax ca Nucën ꞌIbu Jesúsa unun ax pain rëcuë́ncuatsini uti ꞌicën. Ax ca Elías ꞌiásaribiti Nucën Papa Diosan cushiñu ꞌixun unicaman upí oquin sináncësaribi oquin aín bëchicë sinánun sinánmiti ꞌicën. Sinánmianan ca an aín bana cuaisama tancë unicama sinanamiquin, Nucën Papa Diosmi sinánun ꞌimiti ꞌicën. Usoquian ꞌimicëxun ca axa Nucën ꞌIbu Diosan xucëx ucëbëtan, Israel unibunën upí oquin aín bana cuati ꞌicën.

Lucas 15:20

Usaquin sinántancëx ca aín papanu cuanxa. Cuania ca ꞌuránxunbi aín papan mëraxa. Mërai nuibati cuëëni abáquiani cuanxun ca ꞌicúquin biquin bëtsucucaxa.

Hechos 3:26

Nucën Papa Diosan ca aín Bëchicë bamacëbi baísquimitancëxun judíos unicama mitsunu pain xuaxa, mitsúnmi a isi ami sinanaquin ñu ꞌatima ꞌati ënun quixun.

Filipenses 2:13

Nucën Papa Diosanbi ca ñu upí ꞌaími ax cuëëncësabi oi ꞌinun mitsu sinánmia. Sinánmianan ca a ꞌatimi sináncë ñu a ꞌanun mitsu aín cushi ꞌinania.

Hebreos 12:5

¿A bana mitsúxmi aín bëchicë ꞌicëa ꞌësëquin Nucën Papa Diosan cacë a caramina manuan? ësai quicë: ꞌËn bëchicë ꞌicë cana mi cain, Nucën ꞌIbu Diosan ca an nuibacë unicama ꞌixunbia ñu ꞌatima ꞌaia oquin amiribishi ꞌatëcënxunma ꞌanun quixun ꞌunánmiquin uisoquin cara ꞌati ꞌicë usoquin ꞌaia. Uicama cara aín bëchicë ꞌinun ꞌimiaxa acama ca usoquin ꞌaia. Usa ꞌain camina ñu ꞌaisama ꞌaia Nucën ꞌIbu Diosan mi uisa cara mi ocëxbi aín bana cuaisama tani bënë́tima ꞌain. ꞌIanan camina masá nuituti sináncasmaquin, uisai carana ꞌiti ꞌai quixun sinántima ꞌain.

Apocalipsis 3:19

Uicama carana nuibatin, acama cana ñu ꞌatima ꞌatëcënxunma ꞌanun ꞌësëanan uisoquin carana ꞌati ꞌai usoquin ꞌain. Usoquin ꞌën ꞌacëxmashi camina sinanati ꞌëx cuëëncësabi oi asérabi ꞌiti ꞌain.