Jeremías 31:16 - Kashibo-Kakataibo Biblia

¹⁶ ꞌAínbi ka Nukën ꞌIbun ësokin kaxa: “Raquel ꞌitsaira ini kamina; min bëunan mëskuti intëkëntima ꞌain, ꞌaínbi kana ꞌën mixmi ꞌitsaira masá nuitukë a kupín min biti ñu mi ꞌinánti ꞌain, usa ꞌain ka mixmi masánuituti inkë ꞌaínbi: min tuákama ax ami nishkë unikaman menuax, utëkënti ꞌikën. ꞌËx Mitsun ꞌibu ꞌaish kana asérabi ësai kin.

Jeremías 31:16 ပူးပေါင်းရင်းမြစ်များ

Génesis 43:31

Usai intankëx sënë́ntankëx bëchukakiani kuani ka kiakëxa: ¡Aín piti kamina ënë kama mëtikati ꞌain!

Génesis 45:1

Ësakin kaia Judá sënë́nkëbëtan ka Josénën tënëtisamaira tankin, an ñu mëëxunkë unikama a rapasu ꞌikëbi munuma kuënkë́nkin kakëxa: ënuax kamina kamaxi chikínkanti ꞌain. Ësokian kakëx ka an ñu mëëxunkë unikama José rapasunuax chikímainua, aín xukë́n kamáxëshi abë bërútia ka ꞌëx kana min xukë́n ꞌanáka José a ꞌain, kixun ꞌunánmiakëxa.

Salmos 126:5

Uikaman kara tëmërai nitë́xëkin aín bëunan mëskúkinbi ñu ꞌapatia ax ka aín ñu ꞌapákë tuaia aín bimi bitsi munuma kuëëni kikanti ꞌikën.

Eclesiastés 9:7

¡ꞌËn kana mitsu kuëënmikin kain! Usa ꞌain kananuna xëanan pianan kuëënti ꞌain, usakin ꞌaia ka Diosan nun ꞌakë ñukama ꞌupi isia.

Isaías 40:10

Nukën ꞌIbu ax ka ꞌuti ꞌikën, an ka aín kushinshi ax kushiira ꞌixun ñu ꞌati ꞌikën. Usa ꞌixun ka amia nishkë unikama a pain ꞌatimotankëxun aín unikama bitsínkin bëti ꞌikën.

Jeremías 23:3

ꞌËnbi kana ꞌën unin raírikama anuaxa abánun ꞌën ꞌimia anubi utëkënun ꞌimiti ꞌain, ꞌimikëx ka aín ëmanubi ꞌutëkënti ꞌikën, usai ika ovejakama ꞌain pastonu kuantëkënkë usairibi ꞌiti ꞌikën, anuax ka bakë bëchipati ꞌuakamë ꞌëoti ꞌikën.

Ezequiel 37:21

Usakin ꞌatankëxun kamina atu kati ꞌain: Ësai ka Dios kiaxa: ꞌËnbi kana Israel unikama anua ꞌikë ëma kamanuabi bëtëkënti ꞌain; bëkin kana me kamanuabi timëbëtsinkin atun menubi bëtëkënti ꞌain.

Oseas 1:11

Usa ꞌain ka Judánu ꞌikë unikama ꞌimainun Israel unikama timë́kë ꞌiti ꞌikën, usa ꞌixun ka achúshi ꞌapuishi anëkanti ꞌikën, usokin ꞌan ka kamabi menu ꞌikë Israel unikama Jerusalénnu timë́kanti ꞌikën. Usakin ꞌimikëbë ka a nëtëkaman Jezreel kakë me sapan anuax ꞌitsaira kuëënti ꞌikën.

1 Tesalonicenses 4:14

Jesús ax ca bamatancëx baísquiacëxa quixun ꞌunáncë ꞌixun cananuna, a ꞌimiasaribi oquin ca axa ami catamëcë ꞌaish bama unicama Jesucristo utëcëncëbëtan Nucën Papa Diosan baísquimiti ꞌicë quixun ꞌunanin.

Hebreos 11:6

Uicamax cara Nucën Papa Diosbë banatisa tania, uicamax cara ainan ꞌiisa tania, an ca —Nucën Papa Dios ca asérabi anu ꞌicë —quixun sinánti ꞌicën. Sinánan ca —an ca ꞌën ñucácëxun cuati ꞌicë —quixun sinánti ꞌicën. Usaía ax asérabi ami catamëcë uni anun cuni ca Nucën Papa Dios cuëënia. Axa ami catamëcëma unin ca Nucën Papa Dios cuëënmima.

Hebreos 6:10

Nucën Papa Dios, an ca aín sinan upí ꞌixun, mitsúnmi aín unicama nuibaquin upiti bucunun ꞌaquianan bëríribi usoquin mitsun ꞌaia, manuquinma sinania.

Rut 2:12

¡Minmi ꞌakë ñukama kupín ka Diosan mi ꞌakinti ꞌikën! ¡Israel unibunën Dios kamina an mi ꞌakinun barian! ¡Usa ꞌain ka ꞌatapa tuañunëan aín tuákama bërúankin aín pëchinu atsímikësa obëtsinkin mi bëaxa. Usa ꞌain ka kamabi min ꞌakë ñukama kupí mi ꞌakinti ꞌikën!