Jeremías 31:14 - Kashibo-Kakataibo Biblia

¹⁴ ꞌËn kana sacerdotekamaribi upíira piti pinun ꞌimiti ꞌain, ꞌën unikamaxribi ka ꞌën ꞌinánkëxun ꞌaisamaira ñu upíirabu bitsi kuëënti ꞌikën. ꞌËx mitsun ꞌIbu ꞌaish kana asérabi ësai kin.”

Jeremías 31:14 ပူးပေါင်းရင်းမြစ်များ

Salmos 107:9

An ka axa shiman bamatisa tankë unikama ꞌumpax xëanun ꞌinania ꞌinánan ka ax numin bamatisa unikama aribi aín piti ꞌitsaira ꞌinania.

Salmos 63:2

ꞌËn kana anumi ꞌikë min xubunua mi istisa tanin, anua mi iskësaribi okin kana min kushinmi ñu chaiirabu ꞌakë a istisa tanin,

Salmos 63:5

Usai ꞌitsaira kuëëni kana, unin timë́xun piti upíokin ꞌaxun pianan xëai kuëënkësa usaribiti ꞌikin, ꞌën kuëbitanbi kuëënkin mi rabiti ꞌain.

Salmos 63:6

Ñantan ꞌuxi rakábukë anuxunbi kana mimi sinanin;

Salmos 65:4

Chuámarua ka ami kaískë unikama an tania usa ꞌikë kamina mi ꞌurama ꞌinun atu ꞌimin, ꞌimikëx ka anuxun mi rabiti xubunu ꞌia. ¡Usa ꞌain ka min xubunu ꞌikë unikama min bana ꞌaiami ꞌakinkëx piti pi anun puchacë usa ꞌikën!

Salmos 90:14

Nu kamina min nuibakin nëtëkamabi ꞌimiti ꞌain, usai ꞌi kananuna mi rabi kuëëni kantai nux anun tsókë nëtëkaman ꞌiti ꞌain.

Isaías 61:6

Anan ka mitsu kati ꞌikën, Nukën ꞌIbun sacerdote ka atux ꞌikë kixun kanan, nukaman Diosan unikama ka atux ꞌikë kixunribi mitsu kati ꞌikën. Mitsun kamina bëtsi menu tsókë unikaman piti nëish tankin pi bukukanti ꞌain, ꞌianan kamina atun ꞌakë ñu upíirabu ꞌaish ichu ichukikë akamaribi tëñuanan mëñuti ꞌain.

Jeremías 31:25

Anuxun kana axa numikëkama a ain piti ꞌinánan, axa xëaima kushiñuma ꞌi atsánkë akaman xëati ñu ꞌitsaira ꞌinun ꞌimiti ꞌain” Kiax kiakëxa.

Ezequiel 34:14

Usakin ꞌakin kana anuaxa upíokin pi bukunun atun menua ꞌikë aín bashikama anubi atu buánti ꞌain. Anuxun ka upiti bukukin upíokin piti nëishokin ꞌaxun piti ꞌikën.

Mateo 5:6

ꞌAcëñuma bamaia uni piti cuëëncësaribi oi Nucën Papa Diosan iscëx upí ꞌiti cuëëncë uni, a ca an usaía ꞌinun ꞌimiti ꞌicën. Usai ca ꞌiti ꞌicë quixun ꞌunani ca chuámarua tani cuëënia.

Efesios 1:3

Nucën Papa Dios ax ca Nucën ꞌIbu Jesucristo aín Dios ꞌianan aín Papa ꞌicën. A rabinun ca ꞌacan. Aín nëtënuxun nu sinánxunquin ca nuxnu Cristonan cupí nuibaquin ꞌaisamaira ñu nu ꞌaquinquin upí oquin sinánmianan nu cuëënmia.

Efesios 3:19

Nun nu camaira ꞌunántisama ꞌicëbimi mitsun, uisaira oquin cara Cristonën mitsu nuibatia quixun, aín cushi an mitsun nuitu upí ꞌimiti axa asérabi mitsubë ꞌain ꞌunánun cana Nucën Papa Dios mitsu ñucáxunin.

Deuteronomio 33:23

Ësairibi ka Neftalí ñui kiakëxa: Nukën ꞌIbun ka Neftalí kakë uni aín aintsikama upíokin ꞌakinti ꞌikën; usa ꞌikë ka Diosan ꞌaisamaira ꞌinun upíokin sinánxunkin, ¡aín rëbumi ꞌianan amiaxa bari urukë amiokin me këñunbi anua ꞌikë baka atunan ꞌinun ꞌinánti ꞌikën!

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.

Apocalipsis 5:10

Ië́mianan camina atu Nucën Papa Diosbë ꞌapu ꞌinun ꞌimianan judíos sacerdotesa ꞌimiquin an Nucën Papa Diosbë banaquin a rabicë ꞌimian. Usaquinmi ꞌimicëx ca mibë ënë menu ꞌicë unicaman ꞌapusa ꞌiti ꞌain.