Jeremías 31:11 - Kashibo-Kakataibo Biblia

¹¹ Nukën ꞌIbun ka Jacobnën rëbúnki, aín unikama atusama kushiira unikamanua chikíankëxa.

Jeremías 31:11 ပူးပေါင်းရင်းမြစ်များ

Éxodo 15:16

Mix kamina Nun ꞌIbu ꞌain, atux ka ratuti ꞌikën, ꞌimainun ka rakuëkanti ꞌikën, atúxa kuainima maxá ꞌikësai bukunun min kushínbi ꞌiminun kana mi kain, usa ꞌain kamina min unikama inútamainun bërúanti ꞌain, nukamax kananuna min unibu ꞌain.

Isaías 44:23

¡Naíkamë ꞌëo ax ka munuma kuëëni kuënkënti ꞌikën, usakian Nukën ꞌIbun ñu ꞌakë a isi! ¡Munuma kuënkëni ka me chaiira nankë́kë kamax unix ꞌikësaribiti ꞌiti ꞌikën! ¡Aín bashikama ꞌimainun ninu ꞌikë ikama axribi ka munuma unix ꞌikësai kuëënti ꞌikën, Nukën ꞌIbun ka aín kushi chaiira ismikin Israel unikama Jacobnën rëbúnkikama ië́miaxa usa ꞌain!

Isaías 49:24

¿An ꞌakánanti ꞌunánkë kushi uni ax kara ꞌakanankin bëtsi kupitanuma ꞌaxun bikë ñu a bikuantisa ꞌiti ꞌit? ¿Ñatankin ꞌatimaira sinanñu ꞌapun bikë ax kara anuax abáti ꞌit?

Isaías 49:25

Ësai ka Nukën ꞌIbu asérabi kiakëxa: “Kushi uni aka ꞌakanankian bikë ñukama a bëtsi unin bikuanti ꞌikën, ꞌianan ka ꞌapu ꞌatimaira sinánñu a bëtsi unin aín ñukama bikuanti ꞌikën. ꞌËn kana axa mitsubë nishanani kuëbikanankë uni a kamabëtan isti ꞌain; ꞌianan kana mitsun bakë bëchikëkama ië́miti ꞌain.

Jeremías 15:21

ꞌËn kana ꞌatima unikaman mi ꞌibuakëx atubë ꞌikëbi mi anua chikíanan, ¡an bënë́kinshi ñu ꞌati kuëënkë unikamanua ꞌën mitsu ië́miti ꞌain!

Oseas 13:14

¿Usa ꞌaish kaina anu uni ñukë maínti kini anuax ië́kanti ꞌain? ¿Bamati anuax kaina ië́kë ꞌiti ꞌain? Bamati, ¡min kushibëbi uxun kamina ënë ëma këñuti ꞌain!”

Zacarías 9:16

A nëtë ꞌikëbëtan ka Diosan, aín unikama ië́mikin an ñuina bërúankë unían aín ñuina ꞌakësaribi okin bërúanti ꞌikën, usakin ꞌakëx ka aín unikama atun ëmanuabi upíira maxákama aín maitinu purukë ꞌichúkë usai ichuti ꞌikën.

Mateo 12:29

Ësa ca. Ui unínbi ca cushi uni, aín xubunu atsínxun aín ñu bicuanima. Aín ꞌibu pain nëaxun cuni ca aín ñu bicuánti ꞌicën. Usaribi oquin cana ꞌën aín ꞌapusama cushiira ꞌixun ñunshin ꞌatima chiquinin.

Mateo 20:28

ꞌën ꞌacësaribi oquin. Uni itsían ñu mëëxunun cana ꞌëx uni ꞌinux Nucën Papa Diosnuax uáma ꞌain. ꞌËx cana unicamaxa upí ꞌianan upitax bucuti oquin ꞌaquini uacën. ꞌËx ꞌuchañuma ꞌaísh bamatsianxmabi cana camabi uníxa Nucën Papa Diosbë upí ꞌinun atun ꞌucha ꞌënansa ꞌain bamai uacën.

Mateo 22:29

Cacëxun ca Jesusan cacëxa: —Usama ca. Mitsun Nucën Papa Diosan bana cara uisaira quia quixun cuanan aín cushiribi ꞌunánquinma camina usaquin ꞌë ñucatin.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.