Jeremías 31:10 - Kashibo-Kakataibo Biblia

¹⁰ Bëtsi me kamanu ꞌikë unikama, mitsun kamina ësai kana ꞌëx ki kuati ꞌain, ꞌianan kamina parúmpapa kuëbí ꞌura tsókë unikama aribi ñuixunti ꞌain: Nukën ꞌIbun ka Israel unibu ꞌikë nukama abístanun ꞌimiakëxa, ꞌaínbi ka amiribishi timëtëkënkin bërúanxun an ñuina bërúankë unían aín ovejakama bërúankë usaribi okin ꞌati ꞌikën.

Jeremías 31:10 ပူးပေါင်းရင်းမြစ်များ

Génesis 10:5

Ënë unikamax ka Jafetnën rëbúnki ꞌiakëxa, ax ka achúshi Javán kakë ꞌiakëxa, aín rëbúnkinëx ka parúmpapa kuëbí tsóti ꞌuakamë ꞌëokëxa, usai ꞌika aín bananbi bananbi banai aín aintsibë timë́ax aín menu menubi tsóakëxa.

Salmos 23:1

Diosan ka an ñuina ꞌarakakë unin aín ñuina bërúankësa; usaribi okin ꞌë bërúaia, usa ꞌixun ka uisa ñu kara inutiabi ꞌë ꞌakinia,

Salmos 72:10

¡ꞌImainun ka a ꞌinaínshiti ñukama bëanan ꞌapu ꞌinánti bikë akama Tarsisnu ꞌikë ꞌapukama ꞌimainun paru nasínu, ꞌikë akamanribi bëxun ꞌinámainun ka, Sabá ꞌimainun Sebá anu ꞌikë ꞌapukamanribi bëxun ꞌinánti ꞌikën!

Isaías 40:1

Mitsun Dios ax ka ësai kiaxa: “ꞌËn unikama kamina kuëëntanun nuibakin ꞌakinti ꞌain;

Isaías 40:11

ꞌIanan ka an ñuina bërúankë unían aín ñuina bërúankin; aín ñuinakama nuibakin aín shikami okin ꞌikúkin bixun tuianan, axa bërí bakënkëkamaribi bëruinra okë usaribi okin ꞌaia.

Isaías 41:1

“Ësai ka Dios kiakëxa, axa parúmpapa nëbëtsi ꞌikë nasínu bukukë unikama an ka nëtë́xun ꞌëx kia kuati ꞌikën. Bëtsi bëtsi menu tsókë unikamax ka kushi mëníokati ꞌikën. Uisai kaina mitsux tsóti anu banakin mëníonun kamina timë́kanti ꞌain; bërí kananuna timë́xun uisakin karanuna mëníoti ꞌai kixun isti ꞌain.

Isaías 42:10

Anun kantakëma kanta ió anun kamina Nukën ꞌIbu rabi kantakanti ꞌain; rabikin ka uinu kara me kuainakëakëxa anu tsóa unikama atúnribi rabiti ꞌikën, ꞌamainun ka uikamax kara aín manë nuntin parúmpapan kuania akaman ꞌamainun, ka parúmpapanu ꞌikë ñuinakama anribi rabiti ꞌikën, ꞌamainun ka parúmpapa nasínu tsóa unikama atúnribi rabiti ꞌikën.

Isaías 42:4

Usai ꞌika tantimabi ꞌianan kana ꞌaima kixunbi sinántima ꞌikën, kamabi menu ꞌikë unikamaxa ax kikësabiokin ꞌai sënë́ntamainun Axa parúmpapa nasíkamanu ꞌikë unikama atun ka an ꞌunánmikësabi okin ꞌati ꞌikën.”

Isaías 54:7

“ꞌItsama nëtë́ishi ꞌimikin kana mi ëankën, ꞌaínbi kana ꞌëx nuibanankë ax chaiira ꞌain amiribishi ꞌëbë biranani utëkënun mi kakën.

Isaías 60:9

Tarsisnu ꞌikë manë nunti kama ax ka atu rëkuëonbiani manë nunti kama raíri abë biranan kuatsini kuankin, Jerusalénnu ikë unikama bëi ukin, mitsun bëchikëkama ꞌurakëo bëanan, kuri manë uxua akama bëti aka ax ꞌikën, a ñukamax ka min ꞌIbu Israel kaman Dios upíira a bëxunkë ꞌiti ꞌikën, an ka kushiira ꞌixun mitsu ꞌakiankëxa.

Jeremías 23:4

ꞌËn kana an ñuina bërúankë uni ꞌakësa ꞌinua an bërúanti ꞌapu nanti ꞌain, usakin nankëxun bërúai ka uimibi rakuë́tima ꞌianan achúshibi nëtë́nun ꞌimitima ꞌikën. ꞌËx min ꞌIbu ꞌaish kana ësai kin,”

Ezequiel 34:12

An ñuina bërúankë uníxa aín ovejakama abisi nëtë́an ami sinánkësaribi oi kana ꞌëx ꞌën unikamaxa ovejasa ꞌain ami sinánti ꞌain; usai atumi ꞌikin kana achúshi nëtë́an atumi nishkë unikaman nëtë tunankuatsinkësa usairibi ꞌikin axa atumi nishkë unikaman bibiankin anu buan me anuabi atux timë́nun ꞌimitëkënti ꞌain.

Ezequiel 37:24

ꞌËn uni David aín rëbúnki achúshinëx ka ꞌapu ꞌianan, an atu bërúankë uni achúshishi ꞌiti ꞌikën, usa ꞌixun ka an Diosan bana kikësabiokin ꞌati ꞌikën.

Miqueas 2:12

Usa ꞌain ka ësai Dios kia: ꞌËn unikama kana bëtsi unikaman buan ꞌikëbi amiribishi Jacobnën rëbúnkikama kamabi timë́nun ꞌimiti ꞌain; usokin ꞌakin kana Israel unikama ꞌitsamara ꞌikëbi atu timë́nun ꞌimiti ꞌain ꞌimikin kana ñuina ꞌarakakë aín kënënu ꞌikësa ꞌinun ꞌimianan carnerokaman pasto pia ꞌikësa ꞌinun ꞌimiti ꞌain, usokin ꞌimikëx ka Israel unikamax ꞌuakamë ꞌëoi ꞌitsaira ñuina ꞌarakakëx ꞌikësai sharákanti ꞌikën.

Miqueas 4:6

Ësai ka Nukën ꞌIbu asérabi kia. A nëtën kana an ñuina ꞌarakakë unían aín ñuinakama timëkësa okin, bëtsi bëtsi menu buánxun tëmëramikë unikama a timëti ꞌain: usokin kana ami nishkian tantimikëmax atsanxa abískëkama ꞌain. Akama ꞌimainun axa bamakëma abi timë́xun kana, achúshi ëma kushiira ꞌinun ꞌimiti ꞌain. Usakin ꞌakin kana ꞌëx Dios ꞌixun ꞌën unikama aín bashi Sión kakë anuxun ꞌa ꞌixun, bëríbi ënkinma abi ꞌakinti ꞌain.

Miqueas 5:4

Usa ꞌain ka a ꞌapu aín unikama bërúankin ꞌakinun aín kushi ꞌinánti ꞌikën, usakin ꞌakëx ka a unikama upiti tsóti ꞌikën, usakin ꞌakëbë ka Diosan ꞌakë ñu chaiira ax kamabi menuxun ꞌunánkë ꞌiti ꞌikën.

Zacarías 9:16

A nëtë ꞌikëbëtan ka Diosan, aín unikama ië́mikin an ñuina bërúankë unían aín ñuina ꞌakësaribi okin bërúanti ꞌikën, usakin ꞌakëx ka aín unikama atun ëmanuabi upíira maxákama aín maitinu purukë ꞌichúkë usai ichuti ꞌikën.

Lucas 12:32

Ësaquinribi ca Jesusan aín ꞌunánmicë unicama cacëxa: —Mitsux camina ꞌënan ꞌain. Usa ꞌaish ꞌitsairama ꞌaínbi ca mitsux ainan ꞌianan aín nëtënu abë ꞌiti Nucën Papa Dios cuëënia. Usaquin ꞌunani camina racuë́tima ꞌain.

Juan 10:27

Carneronëan an bërúancë unin bana cuacësaribi oquin ca axa ꞌëmi catamëcë unin ꞌën bana cuatia. Cuatia cana acama ꞌën ꞌunanin. Usa ꞌixun ca ꞌën bana cuaquin a bana quicësabi oquin ꞌaia.

Juan 11:52

Judíos unicamaxëshima bëtsi bëtsi nëtënuaxa ax Nucën Papa Diosmi sináncë unicamaxribia ainan ꞌaish achúshisa ꞌinúan Jesús bamati ñuiquin ca usaquin cacëxa.

Deuteronomio 30:4

ꞌimainun ka ami nishkë unikaman uinu ꞌikë menubi kara uankëx amanu amanu kuankë ꞌikëbi anuabi Nukën ꞌIbu Diosan mitsun aintsikama ꞌain menubi unun ꞌimiti ꞌikën.

Deuteronomio 32:26

ꞌËnbi kana ꞌura kuani amami amami abístanun ꞌimiti sinan, ꞌaínbi kana usakin ꞌatima sinántëkëan,