Jeremías 26:15 - Kashibo-Kakataibo Biblia

¹⁵ ꞌAínbi kamina mitsun upíokin ënë ꞌunánkanti ꞌain: mitsunmi ñu ꞌatima ꞌakëmabi ënë ëmanu ꞌikë unikamabëtan ꞌë ꞌax kamina ꞌuchokë ꞌikanti ꞌain; asérabi ka Nukën ꞌIbunbi ꞌë ënë bana upíokin ñuianan kamabi a ñukama chikinakin ñuinun ꞌë xuaxa.”

Jeremías 26:15 ပူးပေါင်းရင်းမြစ်များ

Génesis 4:10

Usai kia ka Nukën ꞌIbun kakëxa: —¿Uisa kupín karamina usakin ꞌan? Min xukë́n ꞌanákanën imi menu, ꞌapamikinmi ꞌakë an ka uisa karana oti ꞌai usakin ꞌën mi ꞌanun kia.

Génesis 42:22

ꞌImainun ka Rubénën kakëxa: —Usa ꞌain kana ꞌën mitsu kakën nun xukë́n ꞌanáka kananuna ꞌatima otima ꞌain; kakëxunbi kamina mitsun kuakanma ꞌain, usa ꞌain sapika nukamaribi ax ñua kupí usakin nu ꞌaia.

Proverbios 6:16

Anu ka mapai achúshi ꞌimainunbi, achúshiribi a ꞌatia Dios kuëënkëma a ꞌikën:

Proverbios 6:17

ax ka an ꞌatimakin bëtsi uni iskë, ax këmëi banakë uni, uni an uisa ñubi ꞌakëmabi bëtsi ꞌakë uni,

Jeremías 2:30

ꞌËn kana ñankáishibi mitsun bakë bëchikëkama tëmëramiakën, atun ka ꞌën bana ꞌunánkin ax kikësokin ꞌaisama tankëxa. Mitsúnbi kamina paru ꞌinúan raëkëma, ꞌain piti bitsi në́kësa usaribi ꞌikin, an ꞌën bana ñuikë unikama ꞌakankën.

Jeremías 2:34

Mitsun chupax ka uni ñuñuma ꞌimainun ñu ꞌatima ꞌakëmabi, ꞌaxun aín imin pukukësa ꞌikën, a unikamax ka ñu ꞌatima ꞌaiabi uni mërakëmasa ꞌiakëxa.

Jeremías 26:12

Usai kitankëxa atux sënë́nkëbëtan ka Jeremíasnën aín kushikama ꞌimainun kamabi uni timë́kë a ësokin kakëxa: “Nukën ꞌIbunbi ka ꞌë xuaxa aín anë ñui rakuë́timaishi bananun, ꞌianan anuxun a rabiti xubu ñui kianan ënë ëma ñui kinun, mitsúnbi kamina ꞌëx kikë bana a kuakan.

Jeremías 7:6

ꞌatimokin aín ñu bikuanan tuá papa ñumakama ꞌimainun xanu kasunamëkë ꞌimainun bëtsi menu tsókë aribi ꞌatima oíma ꞌianan, uni ꞌatima ñu ꞌakëmabi ënë menuxun ꞌanan, unínbia a rabinuxun ꞌakë a rabi ꞌatimatiama kana,

Mateo 26:25

Quia ca an a binun uni ꞌinánti Judas an Jesús ñucáquin cacëxa: —¿ꞌËx carana a ꞌain? Cacëxun ca Jesusan cacëxa: —Ca usa ꞌicën, mixmi quicësa.

Mateo 26:4

Anu timë́ax ca —ꞌanuxun caranuna uisoxun Jesús unían ꞌunánunmaishi biti ꞌai —quiax ꞌësë́nancëxa.

Hechos 7:60

Catancëx rantin purúnxun ca munuma banaquin Nucën ꞌIbu Jesús catëcëancëxa: —Atúxa ësari ꞌuchaiabi camina ꞌënun rabanan uisabi otima ꞌain. Ësai quíshi ca bamacëxa.

Apocalipsis 16:6

Minmi usoquin tëmëramicë unicama an ca min uni ꞌitsaira ꞌanan an mixmi quicë bana uni ñuixuncë uni ꞌitsaira bamamiaxa. Usaquian ꞌacë cupí camina a xëanun imi ꞌinan. Atun ꞌucha cupíbi ca usai ꞌia.