Jeremías 23:9 - Kashibo-Kakataibo Biblia

⁹ ꞌËx Jeremías an Diosan bana uni ñuixunkë ꞌaish kana këmëkinshi bana ñuikë unikama ñui kin: ꞌËx kana ꞌitsaira ꞌën sinánkë anunbi ꞌaisamatani; ꞌën namikama bërërui paë́nkësa tanin, usai ꞌikin kana achúshi unia uvas baka ꞌitsaira xëaxun tankësa usaribi tanin. Atux ka Nukën ꞌIbumi ꞌatimati bananan aín bana upíira amiribi ꞌatimati banaia kana kuatin.

Jeremías 23:9 ပူးပေါင်းရင်းမြစ်များ

Salmos 69:20

Usa ꞌain kana ꞌitsaira ñuikankëxun kuakin bëtsi bëtsiokin sinanin; ¡usa ꞌaish kana bëtsiokin sinani kushiñumasa ꞌain! Usai ꞌikin kana ñu ꞌati ꞌunánma unisa ꞌixun uin kara ꞌë nuibakin ꞌakinti ꞌikë kixun sinánkin barian.

Isaías 28:1

¡Uisai kara Samarianu ꞌikë unikama bëtsi unikaman, atux isa upí uni ꞌikë kixun kakë axa ëma chaiira Efraín kakin anëkë anu tsókë paë́ntinën kuëëirabu uni atux ꞌiti ꞌikën; ꞌaínbi ka Samaria ëma ax me sapan upíira anu ꞌikën, usa ꞌaish ka ñu ua buinarakin mañutinu ꞌakëxbia bënëtishi núkai chushikë usa ꞌikën, usa ꞌixun ka anu ꞌikë unikaman paë bata ꞌaxun xëai paë́nkë a ënima!

Isaías 6:5

Usakin ꞌaia iskin sinani kana ësai kian: “¡Uisai karana ꞌiti ꞌain, bërí sapi kana bamati ꞌain! ꞌËnbi kana ꞌapu ꞌaish kamabi kushiñu Dios a isan; ꞌëx kana achúshi uni ꞌën kuëbitan ꞌatimati banakë ꞌimainun, kana achúshi ëma ꞌatimati banakë unikama nëbëtsi tsotin.”

Jeremías 20:9

Uínsaran nëtën karana ꞌëx kian: “ꞌËn kana amiribishi Nukën ꞌIbumi sinántëkëntima ꞌain, usa ꞌain kana amiribishi aín bana ñuitëkëntima ꞌain,” usa ꞌain ka min banakama ax tsi rëkirukënën ꞌakësa okin ꞌën xokama ꞌë ꞌukëmëuxun xarokësa okin ꞌaia. Usa ꞌain kana mixmi kikë banakama ꞌëbi ñuikinma sinaínshitisa tanin ꞌaínbi ka usokin ꞌaisama ꞌikën.

Jeremías 36:16

usokin ꞌaxunkëxun kuatishi ka ꞌitsaira rakuë́ti bëtsibë bëtsibë isánani kanankankëxa. —Ënë banakama kananuna ꞌapu bënë́kin kati ꞌain.

Habacuc 3:16

Ënëkama ñu ꞌiti kuati kana rakuëan, usai ꞌi kana ꞌën kuëbí bërëkai ꞌian, ꞌianan kana ꞌën kisikama anun nisama ꞌimainun ka ꞌën namikamaribi kushima ꞌiaxa. Usa ꞌixunbi kana bënë́kinma uínsaran nëtën kara Diosan an nu ꞌatimokin ꞌakë unikama masánuitutanun aín suntárukama ꞌimia kaínti ꞌain.

Romanos 7:9

ꞌËn uisa ñu cara ꞌati ꞌicë, uisa ñu cara ꞌatima ꞌicë quicë bana ꞌunánma ꞌixun cana ñu ꞌaisama ꞌaquinbi usaquin ꞌati ca ꞌaisama ꞌicë quixun ꞌunánma ꞌain. Usai ꞌitancëxunbi cana a bana ꞌunáncën. ꞌUnánquin cana ñu ꞌatima ꞌati ax ca ꞌuchaira ꞌicë quixun ꞌunánxunbi ꞌacë ꞌaish ꞌën ꞌucha cupí Nucën Papa Diosbë ꞌitimoi bamati ꞌiacën.