Jeremías 23:8 - Kashibo-Kakataibo Biblia

⁸ usai kima ka sinanátëkëntimoi ësai kiti ꞌikën: Nukën ꞌIbu axa tsókë an ka Israel rëbúnkikama aín tsipumia ꞌanan bëtsi mekamanua abisa ꞌikëbi chikíankëxa. A unikamax ka aín menubi tsótënkënti ꞌikën.”

Jeremías 23:8 ပူးပေါင်းရင်းမြစ်များ

Jeremías 23:3

ꞌËnbi kana ꞌën unin raírikama anuaxa abánun ꞌën ꞌimia anubi utëkënun ꞌimiti ꞌain, ꞌimikëx ka aín ëmanubi ꞌutëkënti ꞌikën, usai ika ovejakama ꞌain pastonu kuantëkënkë usairibi ꞌiti ꞌikën, anuax ka bakë bëchipati ꞌuakamë ꞌëoti ꞌikën.

Jeremías 31:8

Ka kuat, ꞌënbi kana aín tsipumia ꞌikë me anua bëanan, uinu kara me kuainakëakëxa anuabi timëbëtsinkin mitsu bëtëkënti ꞌain. Bëkëbë ka atubë bëxuñu uni, aín niti bëtsikë unikama, xanu ñuitsíkëkama ꞌimainun aín tuá bakënkëkama; ¡atux ka ꞌaisamaira uni ꞌaish amiribishi utëkënkanti ꞌikën!

Ezequiel 34:13

Usakin ꞌakin kana bëtsi unin ëmakamanuabi atu, timë́nun ꞌimikin aín menubi kuanun ꞌimiti ꞌain. ꞌImikin kana anua aín aintsi ꞌibu ꞌikë bashi mekama, ꞌimainun xëxákama ꞌimainun anua uni ꞌikë me anubi atu buántëkënti ꞌain.

Ezequiel 36:24

ꞌËn kana a menu ꞌikë ëmakamanua mitsu chikínti ꞌain, chikínxun kana mitsun menubi timë́nun bëtëkënti ꞌain.

Ezequiel 36:35

Usakin mitsun ꞌakë isi ka ësai kikanti ꞌikën: Ënë me anu uni ꞌikëma mesa iskan ax ka bërí, Edén kakë menu naësa ꞌia usaribi ꞌikën; usa ꞌain ka anu ꞌikë ëmakama ami nishkë unikaman masókin rurupakan ꞌikëbi bërí, amiribishi ꞌatëkëntankëx ꞌitsa uni anu tsotia kiax kikanti ꞌikën.

Ezequiel 37:25

Usokin ꞌai ka ꞌën uni Jacob ꞌinan me anua aín chaitiokëkamaxribi anu tsóa me anuribi tsókanti ꞌikën. A menu ka xënibua ꞌaínbi atu ꞌimainun atun bakë bëchikëkamaribi ꞌimainun atun rëbúnkikamaribi tsóti ꞌikën; usai ꞌimainun ka ꞌën uni David aín rëbúnkinëx xënibua ꞌaínbi atun ꞌapu ꞌiti ꞌikën.

Joel 3:7

ꞌAínbi kana ꞌën mitsun marua ꞌaísha anu ꞌikaniabi atu chikínkin atux ꞌiásaribitimi mitsúxribi tëmëranun ꞌimiti ꞌain.