Jeremías 23:29 - Kashibo-Kakataibo Biblia

²⁹ ¡Nun karanuna basikëñun trigo abëtan sënën kara kixun tupúnti ꞌain! ꞌËx kikë bana ax ka tsi rëkirukësa ꞌimainun achúshi manë taxuñunën mapara tukapakësa usaribi ꞌikën. ꞌËx min ꞌIbu ꞌaish kana ësai kin.

Jeremías 23:29 ပူးပေါင်းရင်းမြစ်များ

Jeremías 20:9

Uínsaran nëtën karana ꞌëx kian: “ꞌËn kana amiribishi Nukën ꞌIbumi sinántëkëntima ꞌain, usa ꞌain kana amiribishi aín bana ñuitëkëntima ꞌain,” usa ꞌain ka min banakama ax tsi rëkirukënën ꞌakësa okin ꞌën xokama ꞌë ꞌukëmëuxun xarokësa okin ꞌaia. Usa ꞌain kana mixmi kikë banakama ꞌëbi ñuikinma sinaínshitisa tanin ꞌaínbi ka usokin ꞌaisama ꞌikën.

Oseas 6:5

Usa ꞌain kana ꞌën kakëxua an Dios kikë bana ñuikë unikaman mitsu ꞌatimonun ꞌamia, ꞌën bana an bana ñuikë unikama ñuikë a bananbia këñunun ꞌimian. Usa ꞌain ka ꞌën ꞌupiokin ꞌakë ñukama ax kuni upí ꞌaish tirísaribi ꞌikën.

Lucas 24:32

Nëtë́cëbë ca canancëxa: —An nubë banaquin cuënëo banacama nu ñuixuncëxun cananuna nun nuitu cuëëni shimëniocacësa tanpunin, ¿usa cat?

Juan 6:63

ꞌËx ënë menu ꞌaish uni ꞌicë cupíshima ꞌëx bamatancëx baísquiti cupí camina ainan ꞌaish xënibua ꞌaínbi Nucën Papa Diosbë ꞌiti ꞌain. ꞌËn a ñuiquin mitsu cacë ñucama ax ca anúnmi ꞌëmi catamëti ꞌën sinánsaribi ꞌaish xënibua ꞌaínbi Nucën Papa Diosbë ꞌiti, a ꞌicën.

Hechos 2:3

Usai ꞌishi ca tsi ërë́nrucësa ꞌaish rëquiabati anu ꞌicë unicaman maxcánu cëñúruacëxa.

Hechos 2:37

Ësoquian cacëxun cuati —ꞌatimabi cananuna ꞌa —quixun sinani ratúquin ca Pedrocëñun abëa ꞌicë unicama ñucáquin cacancëxa: —ꞌËn xucë́antu, ꞌatimabi cananuna usoquin a ꞌan. ¿Upí ꞌinux caranuna bërí uisai ꞌiti ꞌain?

2 Corintios 2:16

Axa ami sinántisama tancë unicamax ca nun nu Cristo ñuixuncëxun cuatíbi cuëënima, xënibua ꞌaínbi Nucën Papa Diosbëma ꞌiti ꞌicën. Usa ꞌaínbi ca axa ami sinántisa tancë unicamax nun nu Cristo ñuixuncëxun cuati, ami catamëti —usai ꞌinux ië́micë ꞌaish cana xënibua ꞌaínbi Nucën Papa Diosbë ꞌiti ꞌai —quixun ꞌunani cuëënia. ¿Usoquin unicama sinánmiquin bana ñuixunti cara uin ꞌati ꞌic?

Hebreos 4:12

Cananuna ꞌunanin, Nucën Papa Dios ax ca bamatimoi tsotia. Ax ca cushiira ꞌicën. Usa ꞌixun ca aín bananu ꞌaia nu ꞌunánmia, nun caranuna asérabi upí oquin sinani, caranuna upí oquin sinanima quixun. ꞌUnánmianan ca uisa cupí caranuna usoquin ꞌai quixun nu ꞌunánmia.

Apocalipsis 11:5

Unían a ꞌatimoisa tancëxun ca atun aín cuëbínua tsi rëquiruia chiquínquin cëñuia. An a ꞌatimoisa tancë unix ca usaquian ꞌacëx bamati ꞌicën.