Jeremías 23:27 - Kashibo-Kakataibo Biblia

²⁷ Usa ꞌain ka këmëkinshi an bana ñuikë unikama an namákë bëtsi ñuixunkin, ꞌën unikama ꞌëmi manunun ꞌimia, usakin ka aín chaitiokë kamanribi Baal rabikin ꞌë manuakëxa.

Jeremías 23:27 ပူးပေါင်းရင်းမြစ်များ

Jeremías 2:32

¿Achúshi xanun kara unibë mëranankia bikë ꞌain mëñusutikama manukin rakanti ꞌik? Usa ꞌaínbi ka ꞌën unikama, ꞌitsaira baritia ꞌimi ꞌëmi manúakëxa.

Jeremías 9:14

Usai ꞌikin ka bana kuakëmasa ꞌixun aín nuitu iruarakin, unínbia rabinuxun ꞌakë dioskama a rabikin uisakian ꞌanun kara atún papan ꞌunánmiakëxa usakinbi ꞌakankëxa.

Deuteronomio 8:11

Usa ꞌain kamina Nukën ꞌIbu Diosmi manútima bërúankakin ax kikësabiokin ꞌati ꞌain. ꞌAkin kamina ax kikësaibi oi ꞌiti aín bana a tanti ꞌain, ꞌën mitsu bërí kakë aín bana ënëx kikësabiokin ꞌakánti ꞌain.

Deuteronomio 8:14

anun rabiti kamina nux kananuna ñuñuira ꞌai kixun sinánkin Nukën ꞌIbu Dios an Egipto menua tëmërakin ñu mëëiabi mitsu chikían ami manutima sinánti ꞌain;

Deuteronomio 8:18

Usa ꞌain kamina mitsun Diosmishi sinánti ꞌain, an ka kushi okin mitsux mi kamabi ñu binux kushinun mitsu ꞌimiaxa, ꞌimikin ka ax kikësabiokin achúshiñu nukën chaitiokë kamabëtan ꞌasaribiokin ꞌaxa.