Jeremías 23:24 - Kashibo-Kakataibo Biblia

²⁴ ¿Uix kara ꞌën istimaisakiax unëti ꞌik? ꞌËx kana naíkamë ꞌëonu ꞌianan kamabi menuribi ꞌain. ꞌËx min ꞌIbu ꞌaish kana ësai kin kiax ka Dios kiakëxa.

Jeremías 23:24 ပူးပေါင်းရင်းမြစ်များ

Génesis 16:13

Usa ꞌain ka Agar Nukën ꞌIbubë banatankëx abi kiakëxa, kikin anëkin ka Diosan ka ꞌë isia kikin anëakëxa, usa ꞌain kana bëríbi Diosan ꞌë iskëxbi ñukëma pain tsoti ꞌain.

1 Reyes 8:27

ꞌAínbi kara ¿asérabi Dios ënë menu tsóti ꞌik? Naíkamë ꞌëo axbi ka chaiira ꞌaíshi mibë sënë́nma ꞌikën, ¡usa ꞌaínbi kana ꞌën unikama anuxun mi rabiti achúshi xubu ꞌaxunun ꞌamian!

Salmos 139:7

¿Uinu karana ꞌëx min bëru ñunshin ëbiani kuanti ꞌain? ¡Kana uinubi kuantima ꞌain! ¿Uinu karana mi ëbiani ꞌëx abati kuanti ꞌain? ¡Uinubi kana kuantima ꞌain!

Salmos 139:8

ꞌËx naíkamë ꞌëo, manámi kuaruxunbi kana anuabi mi ꞌën mërati ꞌain; ꞌimainun kana me ꞌukëmëuira kuabuxunbi, anuaribi mi mërati ꞌain;

Salmos 148:13

¡Kamaxunbi ka Nukën ꞌIbu Diosan anë rabiti ꞌikën, an ka aín anë ñuikin usakin rabiti kuëënia! ¡Ax ka chaiira ꞌaish naíkamë ꞌëo ꞌimainun mekama manámi ꞌikën!

Salmos 90:8

Min kamina nuxnu ꞌuchakëkama ꞌimainun ꞌatimakin ñu ꞌakë akamabi ꞌunanin, usa ꞌain kamina unin isiamabi nun ñu ꞌati sinánkë abi ꞌunanin.

Proverbios 15:3

Nukën ꞌIbu Diosan ka uinu kara ꞌikëbi, uni an upíokin sinánkë akama ꞌimainun an ꞌatima ñu ꞌakë akamanbi isia.

Isaías 66:1

Ësai ka Nukën ꞌIbu kiaxa: “Naíkamë ꞌëo ax ka ꞌëx anu tsókë a ꞌikën, ꞌimainun ka me axribi anu ꞌën taë nankë ꞌikën. ¿Uinu kara achúshi xubu ꞌë ꞌaxunti ꞌit? ¿Uinu kara anu tantiti achúshi xubu ꞌë ꞌaxunkanti ꞌit?

Daniel 2:22

Min kamina unían ain sinan ꞌukëmëu unántisama okin sinánkë abi ꞌunánan; bëánkibukënu ꞌikë ñu abi ꞌunánan, kamina mix an ñu pëkakë tirí usaribi ꞌain.

Daniel 4:35

An iskëx ka kamabi menu tsókë unikama ñuumara ꞌikën. An ka uisakin kara ꞌaisatania usakin naínu ꞌanan menuribi ñu ꞌaia. Usa ꞌain ka an usakin kamina min kushi ñu ꞌatima ꞌai kixun kanan, uisa kupín kaina usakin ñu ꞌai kixun an kati uni ꞌaíma ꞌikën.

Efesios 1:23

Axa ami catamëcë unicamax ca ꞌitsa ꞌaíshbi camáxbi Cristonan ꞌicën. Usa ꞌain ca an abë ꞌixun an sináncësaribi oquian sinánun aín unicama ꞌimia. Ax ca uinubi ꞌaímama ꞌicën. Abë ꞌixun ca Cristonën aín unicama an iscëx aín nuitu upí ꞌixuan ax cuëëncësa oquinshi ꞌanun aín cushi ꞌinania.

Hebreos 4:13

Axa an unio ꞌaish Nucën Papa Diosmi unë́ti uisa ñubi ca ꞌaíma ꞌicën. An uni aín ñu ꞌacë cupí, uisa cara oti ꞌicë quixun ꞌunáncë, Nucën Papa Dios, an ca camabi ñua unin ꞌaia ꞌunánan aín nuitu mëúa chiquinaquinma sináncë ñubi ꞌunania.