Jeremías 23:21 - Kashibo-Kakataibo Biblia

²¹ “Ësai ka Nukën ꞌIbu kiakëxa. ꞌËn kana an këmëkinshi an ꞌën bana ñuikë unikama a xukëma ꞌain, ꞌianan kana uisa banabi ꞌën atu kakëma ꞌain, ꞌaínbi ka atúxbi usai ꞌiti kuëëanx ꞌën anë ñui banati sinanx bënëruxun ꞌaisatanxa.

Jeremías 23:21 ပူးပေါင်းရင်းမြစ်များ

Isaías 6:8

Ësai kia kuatankëxun kana Dios ësai kikë aín banaribi kuan: “¿Uinu ꞌikë uni karana xuti ꞌain? ¿Uix kara nukamax kikë bana uni ñuixunkë ꞌiti ꞌik?” Kia kana ꞌën kan: “Ënu kana ꞌëx ꞌain ꞌë kamina xuti ꞌain.”

Jeremías 14:14

Ësokin kakëxunbi ka Nukën ꞌIbu Diosan ꞌë kakëxa: Asabi ka usaika ꞌën anë ñui ꞌën kakëxmabi, an bana ñuikë unikama këmëi kia. ꞌËn kana usakian ñu ꞌanun a unikama kaiskëma ꞌain, ꞌimainun kana uisa banabi kakëma ꞌain. Akamax ka ꞌën usakin anun namákësokin ismikëxumabi këmëkinshi ꞌanan atúnbi usakin ꞌati sinanx kikë ꞌikën. Ësai ka ënë ñukama ñui an bana ñuikë unikamax kia.

Jeremías 23:32

ꞌËx kana an bana ñuikë unikama an këmëkinshi namákë ñuixunkin ꞌën unikama; bëtsiokin sinánmia. ꞌËn kana xukin uisa bananbi kakëma ꞌain, usa ꞌaish ka ꞌën unikama ꞌakinsama ꞌikën. ꞌËx min ꞌIbu ꞌaish kana asérabi ësai kin.”

Juan 20:21

Cuëënia ca amiribishi Jesusan atu cacëxa: —Chuámashirua ca ꞌican. ꞌËn Papan amia sinánun unicama ꞌaquinun ꞌë xuásaribi oquin cana ꞌëmia sinánunmi unicama ꞌaquinun mitsu xutin.

Hechos 13:4

Usaquian ꞌacëx ca Nucën Papa Diosan Bëru Ñunshin Upitan xucëx Saulobë Bernabé Seleucia ëmanu cuancëxa. Cuanx ca anuax manë nuntin Chipre nasínu cuancëxa.

Romanos 10:15

¿Uisaxun cara unin uni itsin xucëma ꞌixun uni raíri bana ñuixunti ꞌic? Ca ꞌatima ꞌicën. An aín bana ñuixuncë unicama ñui ca Nucën Papa Diosan bana cuënëo ësai quia: “ꞌËn unibunëxa upí bana, —Nucën Papa Diosan ca aín ꞌucha tërë́nquin abëa upí ꞌinun uni ꞌimia —quicë, a ñui aia unin iscëx ca upíira upí ꞌicën”.