Jeremías 23:19 - Kashibo-Kakataibo Biblia

¹⁹ Ka kuat: Nukën ꞌIbu nishkë ax ka nëtë masákuatsini tunankuatsinkë usa ꞌianan, suñúan kushiira ukian ñu këñubëtsinkë usaribi ꞌatima sinánñu unikama ainan ꞌikën.

Jeremías 23:19 ပူးပေါင်းရင်းမြစ်များ

Proverbios 1:27

ꞌianan ka uínsaran kaina mitsux rakuëanan bëtsi bëtsi ñu mitsunu ꞌikëbë bënëti masá nuitukë an ka suñuanën kamabi ñu këñubëtsinkësa usaribi okin mitsu ꞌati ꞌikën!

Isaías 40:24

Usa ꞌaish ka bërí ñu ꞌapákëx, me bitsi tapunakëkëma usaribi ꞌikën, usa ꞌain ka Diosan anu ꞌibúkin bëkinun ꞌimikëxuan suñun bëkakëx chushi bamaia, usai ꞌia ka anu kushi ꞌibúkin basi chushikë ꞌakësara okinshi suñuanën tákaia.

Ezequiel 1:4

Usa ꞌain kana aín tsipumiaxa suñúan kushiira aia isakën; isanan kana kuin chaiira anuaxa tsi rëkirukësa ax kaná kamë ꞌëo mëríru mërirui ꞌikësai ꞌia isakën, ꞌimainun ka mëríru mëriruia ꞌikë a rapasu kuainakëkin ichu ichukikë an pëkakë ꞌiakëxa. ꞌIanan ka tsi rëkirukësa a nëbëtsi niba niba kikë ꞌitanuan unin ñu mëniokësa usaribi ꞌianan ichu ichukikë anu mërakëxa,

Amós 1:14

Usa ꞌain kana anun Rabá kakë ëma kënëara kënë a tsin bimiti ꞌain, bimikëxun ka a tsinbi ꞌapun xubukama nënkin xaroti ꞌikën, usakin ꞌakëx ka anun ꞌakánanti nëtë ꞌianan, nëtë masákuatsini kaná banakë usaribiti i amami amamiax unikama ꞌakánanti ꞌikën.

Zacarías 9:14

Usakin ꞌakëbëtan ka Diosan aín unikama aín kushi chaiira cha anun ꞌakinti ꞌikën; ꞌakinkin ka kaná mëríkë axa pia nikëx kuankë usa ꞌitánun ꞌimiti ꞌikën. ꞌImi ka Dios aín manë banañu banobiani suñúan mëu aín rëbumi kikiani kuanti ꞌikën.