Jeremías 23:17 - Kashibo-Kakataibo Biblia

¹⁷ Uikaman kara ꞌën bana kikësabiokin ꞌaisama tankin timaia, atun ka mitsu kati ꞌikën: Kamabi mitsun ꞌakë ñukama ax upí ꞌia. ꞌImainun ka ꞌain sinánkësa okinshia, an ñu ꞌakë unikamanribi mitsu kaia: Uisa ñu ꞌatimabi ka mitsunu ꞌitima ꞌikën.”

Jeremías 23:17 ပူးပေါင်းရင်းမြစ်များ

2 Samuel 12:10

Usa ꞌixun kamina min ꞌën kakëxunbi ꞌën bana kuaisama tankin hitita uni Urías ꞌamixun aín xanu min xanu ꞌiti bian, usa ꞌain ka uínsarabi mix ñukëma pain ꞌain min bakë bëchikëkama atuxi ꞌatimati bukui upitax tsótima ꞌikën.

Isaías 30:10

Usa ꞌixun ka an Dios kikë bana ñuikë unikama kaia: “Namákësa okin kamina istima ꞌain.” Kanan ka an bana uni ñuixunkë unikama kaia: “Nukama kamina mitsun mi asérabi iskë ñukama ñuixuntima ꞌain; nu kamina an ꞌatima okin sinánmitima upí bana kati ꞌain; ꞌianan kamina nun ꞌaisa tankin sinánkë banakama nu ëmitima ꞌain.

Jeremías 18:12

ꞌAínbi ka atun mi kati ꞌikën: ¡Ñankáishi kamina usai ꞌitima ꞌain! Nukamax kananuna nun kuëënkësa ꞌoíshi tsókin, nun sinánkësa okinshi ñu ꞌati ꞌain.

Jeremías 18:18

Ësai ka unikama kiakëxa: “Bërí kananuna uisoxun karanuna an Dios kikë bana ñuikë Jeremías ꞌati ꞌai kixun sinánti ꞌain. Uinsaranbi ka nunu sacerdotekama an bana nu ñuixunti ꞌianan, an bana ꞌunánkë an nu ꞌësëti ꞌianan, an bana ñuikë unikama an Diosan bana nu ñuixunti akama nunu ꞌima ꞌitima ꞌikën. Usa ꞌain kananuna unikaman ꞌanun nun ꞌuchoti ꞌain. Usa ꞌain kananuna uisai kara ax kia abi aín bana tantima ꞌain.”

Jeremías 7:24

ꞌAínbi ka ꞌëx kikësokin ꞌaisama tanan, ꞌën bana kuaisamatani, atun kuëënkësokinshi ñu ꞌatima ꞌatishi sinani ꞌikankëxa. Usakin ꞌakin ka ꞌëmi sinántëkënkinma, atun kuëënkë ñuishi rabiti ꞌakankëxa.

Jeremías 9:14

Usai ꞌikin ka bana kuakëmasa ꞌixun aín nuitu iruarakin, unínbia rabinuxun ꞌakë dioskama a rabikin uisakian ꞌanun kara atún papan ꞌunánmiakëxa usakinbi ꞌakankëxa.

Amós 9:10

ꞌImainun ka kamabi uni ꞌuchañukama ax ꞌën unikamabë tsókëkama: ax ka manë xëtokën ꞌakëx bamati ꞌikën. ꞌImainun ka axa usa ñuka nunu: inútima kianan, ꞌaisama ñu kananuna nux ꞌinutima ꞌai kikë akamaxribi bamati ꞌikën.

Miqueas 2:11

Bëtsi unix ka këmëkin abi sinanx ësai kia: ꞌËn kana uvas baka ꞌakë ꞌimainun bëxnan ñui kin, ësaia an bana ñuikë unikama këmëi kikë ax ka ënë ëmanuxun mitsun kuakëx asábi ꞌikën.

Miqueas 3:11

Axa Jerusalén ëmanu ꞌikë an bana mëníokë unikama an ka uin kara kupíoia a ëanan an kupíokë a ꞌatima oti sinania, ꞌimainun ka sacerdotekaman kupíokëxunshi uni ꞌunánmiti kuëënia, ꞌianan ka an Dios kikë bana ñuikë unikamanribi kuríki kupíshi abi sinántankëx ësai kia: Nukën ꞌIbu ka nubë ꞌikën usa ꞌixun ka ñu ꞌatima inútima rabanan Nukën ꞌIbun nu bërúaia.

Miqueas 3:5

Ësai ka Dios an aín unikama këmëkin bana ñuixunkë unikama ñui kiaxa, a unikamax ka upiti kananuna bukuti ꞌai kiax mitsun piti ꞌinánkëxun pi kia, ꞌaínbi ka uin kara piti ꞌinanima a unikama ꞌakánanti ka ꞌiti ꞌikë kixun kaia. Usa ꞌain ka an bana ñuikë unikama a Diosan ësakin kaia:

Malaquías 1:6

Ësokin ka Dios kamabi kushiñu an sacerdote unikama kaia: Aín bakë bëchikë bëbukaman ka aín papakaman kakëxun kuati ꞌikën, ꞌimainun ka an ñu mëmikë uni aín banakama an ñu mëëxunkë atúnribi kuati ꞌikën. Usaribiti kana ꞌëx mitsun papa ꞌain, ¿Uisa kupín kaina mitsun ꞌën kakëxun kuaisamatankanin? ꞌËx kana an mitsu ñumëmikë uni asa ꞌain, ¿uisa kupín kaina ꞌën kakësokin mitsun ꞌaisamatankanin? Mitsun kamina ꞌë istisama tankanin, usai ꞌibi kamina mitsux ësai kikanin: ¿Añu ꞌaxunkima karanuna mi timan?

Números 11:20

Usokin ꞌinánkëxun ka unikaman achúshi ꞌuxë ꞌimikin nami piti ꞌikën, a nami pikëxuan aín rëkinanbi chikíkin namin tënankëx ami kuinsati anábukin istisamatankin ka timati ꞌikën, atúnbi ka ꞌën ꞌakinkëxunbi Nukën ꞌIbu ka nubë ꞌikë kixun sinanima ꞌën kuamainunbi ꞌatimati banai ini kikanxa: ¿Uisakatsi karanuna Egipto menuax chikían?

Lucas 10:16

Caxun ca a xuti unicama ësaquinribi cacëxa: —An mitsun bana cuacë uni, an ca ꞌën banaribi cuatia. ꞌImainun ca an mitsun bana cuaisama tancë uni, an ꞌën banaribi cuaisama tania. An ꞌën bana cuaisama tancë uni, an ca Nucën Papa Dios, an ënë menu ꞌë xua, aín banaribi cuaisama tania.

1 Tesalonicenses 4:8

Usa ꞌain ca, ui unin cara nun mitsu ꞌunánmicë banacama ënë cuaisama tania an, unin banama, Nucën Papa Dios, an aín Bëru Ñunshin Upí nu ꞌináncë, aín bana timaia.

1 Samuel 2:30

Usa ꞌain ka Israel unibunën Dios an mi ꞌimainun min aintsi aín ñu mëëti ꞌaxúnun ꞌinánkë ax bërí kiaxa: Uinsaranbi kana atun ësokin, ꞌë ñu ꞌaxúnun ꞌamitima ꞌain, ꞌakinma kana an ꞌë nuibakë aribi nuibati ꞌain, ꞌanan kana ꞌëmi kuaikin ñu ꞌakë a nuibatima ꞌain. ꞌËx min ꞌIbuira ꞌaish kana ësai kin.