Jeremías 23:10 - Kashibo-Kakataibo Biblia

¹⁰ A menuxun ka unikaman ꞌaisamaira ꞌatima ñuira ꞌaia, ꞌën kana usaía ꞌinun ꞌatimakin sinánxuan, usa ꞌain ka a me masá nuitukë ꞌikën. ꞌImainun ka anu uni ꞌikëma menu kookë nikamaribi ëskiaxa usa ꞌain ka atun kushínbi uni ꞌatimakin ñu ꞌaxunia.

Jeremías 23:10 ပူးပေါင်းရင်းမြစ်များ

Salmos 107:34

ꞌimianan ka mekama aribi anu ñu ꞌapátisama ꞌitánun; anu ꞌikë unikamaxa ñu ꞌatima ꞌai ꞌuchakë kupín ꞌimia;

Jeremías 14:2

Judánu tsókë unikama ka nitë́xëti inia, usa ꞌain ka anu ꞌikë ëmakamanu ꞌikë unikamax tëmëraia, usai ꞌika anu ꞌikë unikama menu tsótax masánuitutia. Usai ꞌika Jerusalénnu ꞌikë unikama munuma kuënkëni paëtani inkania.

Jeremías 7:9

Mitsun kamina ñu mëkamanan uni ꞌanan, bëtsi unin xanubë ꞌianan, këmëishi anuxun bana mëníokë anuxun bëtsi uni ꞌuchonan, asérabi ñu ꞌakatsi kianan a rabikankë Baal rabikin sanuira ro xaroxuanan, mitsun usakin ꞌati ꞌikëmabi unínbia a rabinuxun ꞌakë dioskama a rabikanin,

Jeremías 9:10

Aín bashikama ꞌimainun anu uni ꞌikëma menu ꞌikë pastokama ax ka nëmëkë ꞌikën, usa ꞌain kamina inkanti ꞌain, usa ꞌain ka uíxbi anun ꞌinútima ꞌikën, ꞌimainun ka anua vaca manki banaia kuakë ꞌaíma ꞌimainun, ñuina pëchiñu, ñuina raëkëma akama kuani abati nëtë́kë ꞌiti ꞌikën.

Jeremías 9:12

¿Uin kara an ꞌitsaira ñu ꞌunánkë ꞌixun uisai kara ënë ñu ꞌia kixun ꞌunánti ꞌik? ¿Ui uni kara Diosan ënë ñukama unánmiaxa, an ꞌunánxua raíri unikama usa ka ñu ꞌikë kixun ñuixunun ꞌunanmiakëx? ¿Uisa kupín kara a menu ꞌikë ëma masókan ꞌaían anu uni ꞌiamasa ꞌain, anu uni ꞌikëma mesa ꞌain, anun uinu ꞌikë unixi nitëkënkëma ꞌiti ꞌik?

Joel 1:10

Naëkamanu ka añu ñubi koima, mekamax ka uni ꞌain ꞌaintsi ñukë ꞌain masá nuitukë usaribi ꞌikën. Usa ꞌain ka trigo ꞌapákë ꞌimainun uvas ꞌianan, olivos akamax ka ëski chushiaxa.

Malaquías 3:5

Ësai ka Dios kamabi kushiñuira ax kia: ꞌËx kana uisa ñukama kaina mitsun ꞌa kixun isi uti ꞌain. Isanan kana anuxuinshi an ñunshinan ꞌamikëxun ñu ꞌati sinánkë, an aín xanumabi bëtsi unin xanu aín nami ꞌakë, axa këmëi usai ka ñu ꞌiti ꞌikë kiax kikë ꞌimainun tëmixunbi an ñu mëëmikë unikama kupíokëma ꞌimainun, raëmëkë xanukamakëñun ꞌibuñumakë tuákama ꞌianan an bëtsi menu tsókë unikama ꞌatima okë ꞌimainun, an ꞌëmi rakuënkin ꞌëx kikësabiokin ꞌakëma akamaribi kana ꞌatima oti ꞌain.

1 Timoteo 1:10

aín xanuma ꞌaínbi xanubë ꞌicë unicama, aín bënëma ꞌaínbi unibë ꞌicë xanucama, xanúxmabi unibë ꞌicë unicama, an ñu mëcamacë unicama, cëmëcë unicama, axa anun Nucën Papa Diosbë upí ꞌiti bana, ënë́xa quicë ñucama cuëëncëma unicama. Ësa ñu ꞌacë unicaman —usai ꞌiti ca ꞌaisama ꞌicë —quixun ꞌunánun ca Nucën Papa Diosan uni aín bana ꞌináncëxa.

Hebreos 13:4

Min xanuma ꞌain camina xanu itsibë ꞌitima ꞌain. Xanu minan ꞌiti bitancëxun camina abë nuibananquin upí oxun ꞌiquinti ꞌain. Aín xanuma ꞌain bënëñuma xanubë ꞌiti ꞌimainun uni itsin xanubë ꞌiti ca Nucën Papa Dios cuëënima. Cuëënquinma ca usa uni ꞌimainun usa xanuribi ꞌuchoquin uisa cara oti ꞌicë usoquin ꞌati ꞌicën.

Santiago 4:4

Nucën Papa Diosmi manúxunmi mitsun cuëëncësa oquinshi ꞌaia cana ësaquin mitsu cain: ¿Mitsun caramina ꞌunaniman, ënë menu ꞌicë ñuishi sináncë ꞌaish ca uni Nucën Papa Diosbë upíma ꞌicë quixun? Uinu ꞌicë unin cara ënë menu ꞌicë ñuishi sinania ax ca ainanma ꞌaish Nucën Papa Diosmi nishcësa ꞌicën.