Jeremías 20:9 - Kashibo-Kakataibo Biblia

⁹ Uínsaran nëtën karana ꞌëx kian: “ꞌËn kana amiribishi Nukën ꞌIbumi sinántëkëntima ꞌain, usa ꞌain kana amiribishi aín bana ñuitëkëntima ꞌain,” usa ꞌain ka min banakama ax tsi rëkirukënën ꞌakësa okin ꞌën xokama ꞌë ꞌukëmëuxun xarokësa okin ꞌaia. Usa ꞌain kana mixmi kikë banakama ꞌëbi ñuikinma sinaínshitisa tanin ꞌaínbi ka usokin ꞌaisama ꞌikën.

Jeremías 20:9 ပူးပေါင်းရင်းမြစ်များ

Jeremías 23:29

¡Nun karanuna basikëñun trigo abëtan sënën kara kixun tupúnti ꞌain! ꞌËx kikë bana ax ka tsi rëkirukësa ꞌimainun achúshi manë taxuñunën mapara tukapakësa usaribi ꞌikën. ꞌËx min ꞌIbu ꞌaish kana ësai kin.

Jeremías 23:9

ꞌËx Jeremías an Diosan bana uni ñuixunkë ꞌaish kana këmëkinshi bana ñuikë unikama ñui kin: ꞌËx kana ꞌitsaira ꞌën sinánkë anunbi ꞌaisamatani; ꞌën namikama bërërui paë́nkësa tanin, usai ꞌikin kana achúshi unia uvas baka ꞌitsaira xëaxun tankësa usaribi tanin. Atux ka Nukën ꞌIbumi ꞌatimati bananan aín bana upíira amiribi ꞌatimati banaia kana kuatin.

Ezequiel 3:14

Usa ꞌain ka Diosan kushi anua ꞌë chikíanxa, chikinkëx kana anuax masá nuitukë ꞌianan nishkë kuan, kuankinbi kana Diosan aín mëkënanbi kushiokin tuinkësa tan.

Ezequiel 3:3

Usokin ꞌamitankëxun ka ꞌë kaxa: “Bërí kamina kirika tarankë kuënëokë ꞌën mi pimi ënë pitankëx anun puchati ꞌain.” Kixun kakëxun pikinbi kana ꞌën buna rëpasa ꞌaish bataira ꞌikë tan.

Amós 3:8

Uínsaran kara paru ꞌinúan kuëruia anun kara ¿uix rakuë́ti bërëima ꞌiti ꞌik? Ka rakuë́ti ꞌikën. ¿Uin kara Dios kamabi kushiñu axa kuërukësa ꞌinun banakëbëtan tënëti ꞌik? Uínbi ka ꞌatima ꞌikën.

Jonás 1:2

Anu kuanxun kamina, chaiira ëma Nínive kakë Asiria menua bukukë unikama ꞌëx kikë bana ñuixunkin kai kuanti ꞌain, ꞌënbi kana atun ñu ꞌatima ꞌaia isan usa ꞌain kana a ëma këñuti ꞌain.

Jonás 1:3

Ësokin kakëxbi ka Jonás Diosan kakësabiokin ꞌaíma, uisaxira kara abáti ꞌikë kixun pain sinántankëx, anuaxa manë nunti Jope kakë ëmanu kuani chikiti anu kuankinbi ka, achúshi manë nunti ꞌuraira menu ꞌikë ëma Tarsisnu kuanti ꞌuramashi ꞌikë mërakëxa; mëraxun ka anun kuanuxun kupíokëxa, kupíotankëx ka anun kuani ꞌiruakëxa.

Lucas 9:62

Quia ca Jesusan cacëxa: —Ënëx ca ësa ꞌicën. An vaca bënën buáncëxuan me tucabianmainun manë paránën xo tuíncë uni an ca amami amamia isquin ꞌatimaquin aín ñuina ꞌamia. Usaribiti ca uni Nucën Papa Dios cuëëncësabi oquin ñu ꞌati manuquin bëtsi bëtsi oquin sináncë ax aín uni ꞌiisama ꞌicën.

Hechos 17:16

A unicama cuan ca Pablonën Atenas ëmanuxun Timoteocëñun Silas aia caíancëxa. Caini a ëmanu niquin, unían uniocë ñu a unin rabicë, a ꞌaisamaira isi ca Pablo masá nuituacëxa.

Hechos 18:5

Usa ꞌain ca Timoteobëa Silas Macedonianuax Corintonu bëban Pablonën bëtsi ñu mëëti ꞌaquinma Jesús ñui quicë banaishi ñuixuancëxa. Ñuixuanan ca judíos unicama, Jesús ax ca asérabi Cristo axa utia atun caíncë a ꞌicë quixun upí oquin ñuixuancëxa.

Hechos 4:20

An ñu ꞌaia isananu nun cuacë Jesusan bana ënë cananuna unicama ñuixuntëcënti ëntima ꞌain.