Jeremías 20:6 - Kashibo-Kakataibo Biblia

⁶ ꞌImainun ka Pashur miribi axa mimi nishkë unikaman Babilonianu min aintsikama këñunbi buánti ꞌikën. Anuax ñuia ka min ꞌunánkë unikama këñunbi anubi mi mainkanti ꞌikën, min kamina këmëkin asérabi ꞌikëmabi usai isa ñu ꞌiti ꞌikë kixun bana atu ñuixuankën.”

Jeremías 20:6 ပူးပေါင်းရင်းမြစ်များ

Jeremías 14:13

Ësai kiabi kana ꞌën Dios kakën: Nukën ꞌIbu Dios an bana ñuikë unikaman ka unikama ësokin bana ñuixunia, ꞌakánanti ka ꞌaíma ꞌinuxun ꞌaia, ꞌimainun ka numiribi ꞌitima ꞌikën, usa ꞌain ismina min ënë menu basi uni upitax nuibanani tsónun ꞌiminuxun ꞌai ka atux kia.

Jeremías 14:16

ꞌImainun ka unikama an atun bana kuakin atu nuikë akamaxribi ami nishkë unikaman ꞌakëx ñuti ꞌikën, ꞌimainun atún xanukama ꞌianan atun bakë bëchikë bëbukama ꞌimainun ꞌini bëchikë xanukamaribi ka numin bamati ꞌikën. Usa ꞌain ka aminishkë unikaman ꞌakëx uni ñukë Jerusalén ëma anun niti baikama anubi an maínti uni ꞌaíma ꞌain uni ñukë rakati ꞌikën. Usakin kana atun ñu ꞌatima ꞌai ꞌuchakë kupí ꞌati ꞌain.

Jeremías 20:1

An anuxun Dios rabiti xubu bërúankë aín kushi Pashur sacerdote ax ka Imernën bakë bëchikë ꞌiakëxa, an ka usai ka ñu ꞌinuxun ꞌaia kiaxa Jeremías kia kuakëxa,

Jeremías 20:4

Ësai ka Nukën ꞌIbu kiaxa: ꞌËn kana mi ꞌimainun min ꞌunánkë unikama axribia ꞌaisamaira rakuë́nun ꞌimiti ꞌain; usa ꞌain ka min ismainunbi ax aminishkë unikaman aín manë xëtokën min ꞌunánkë unikama ꞌati ꞌikën. ꞌËn kana kamabi Judánu ꞌikë unikama Babilonianu ꞌikë ꞌapun aín suntárukamabëtan ñatanbiankin aín manë xëtokën anuxun atu rëtëanan raíri unikama aín me Babilonia anu tsónun buánun ꞌamiti ꞌain.

Jeremías 23:32

ꞌËx kana an bana ñuikë unikama an këmëkinshi namákë ñuixunkin ꞌën unikama; bëtsiokin sinánmia. ꞌËn kana xukin uisa bananbi kakëma ꞌain, usa ꞌaish ka ꞌën unikama ꞌakinsama ꞌikën. ꞌËx min ꞌIbu ꞌaish kana asérabi ësai kin.”

Miqueas 2:11

Bëtsi unix ka këmëkin abi sinanx ësai kia: ꞌËn kana uvas baka ꞌakë ꞌimainun bëxnan ñui kin, ësaia an bana ñuikë unikama këmëi kikë ax ka ënë ëmanuxun mitsun kuakëx asábi ꞌikën.