Jeremías 20:2 - Kashibo-Kakataibo Biblia

² kuaxun ka ñatanxua mëëtankëxun i kiniokë anun tabiataxkin sipuanun ꞌamiakëxa, ax ka Benjamínën menu kuani anun chikiti xëkuë cha au ꞌiakëxa, anuxun Dios rabiti xubu a rapasu ꞌikë anu ka sipuakëxa.

Jeremías 20:2 ပူးပေါင်းရင်းမြစ်များ

1 Reyes 22:27

Kakin ka ꞌën kana sipunu atsíminun xutin kixun kanan, chukúmaratsushi aín piti pán ꞌinánan ꞌumpaxribi chamaratsushi an xëati ꞌinánun kixun kamiakëxa, ꞌëx ꞌakanan kuatsini ꞌën suntárukamabë uisaibi ꞌikëma utëkëntamainun.

Jeremías 1:19

A unikamax ka mibë mëëananti ꞌikën, ꞌixunbi ka mi kanantima ꞌikën, ꞌëx kana mi bërúai mibë ꞌiti ꞌain. ꞌËn kana Dios ꞌixun kakësa okinbi asérabi mi ꞌakinti ꞌain.

Jeremías 26:10

Usai ꞌikania ñuia kuati ka, Judánu ꞌikë aín kushibukama ax, anua ꞌapun xubu ꞌikë anuax kuankëxa anuxun Dios rabiti xubu xëkuë ió ꞌikë anu rikiankëxa, anu ka añu kara ꞌakanxa kixun istankëxun mëníoti anu tsóbukankëxa.

Jeremías 26:8

Usa ꞌain ka Diosan a kakë banakama atu katankëxa sënënia, sacerdotekama ꞌimainun an këmëkinshi bana ñuikë unikama ꞌimainun kamabi unikaman, ñatankin bikin kakëxa: “¡Mix kamina ꞌakë ꞌiti ꞌain!

Jeremías 36:26

Kuaisama tankin ka aín aintsi ꞌibuira Jerahmeel a ꞌimainun bëtsi Israel uni ꞌibuirama, Seraías Azrielnën bakë bëchikë a ꞌimainun Selemías Abdeel ain bakë bëchikë akama, an Dios kikë bana ñuikë Jeremías ꞌimainun an kirika kuënëoxunkë Baruc ñatanun kixun kakëxa. ꞌAínbi ka Nukën ꞌIbunbi a uni rabë́ unëkë ꞌiakëxa.

Jeremías 37:13

ꞌAínbi ka Benjamínën xëputi kakë anu bëbakëbëbi achúshi uni Irías kakë Selemíasnën bëchikë Hananíasnën xuta suntárukama an ëma bëruankë ꞌain kushi capitán ax anu ꞌiakëxa, an ka Jeremías kuaniabi bërunkin kakëxa: —Mix kaina Babilonia unikamanu abati kuani ain.

Jeremías 37:21

Usa ꞌain ka ꞌapu Sedequíasnën ꞌain suntárukama anua atux ꞌikë me mëníokë anua Jeremías ꞌiminun kixun kakëxa, usakin ꞌakë ꞌikë ka kamabi nëtën pán ëmanua bixun uanxuankëxa. Usakin ka a ëmanua ꞌikë bai anuxun pán ꞌakë kakin anëkë anua bixun ꞌinánkëxa. Usakin ka a ëmanua pán këñutisama pain ꞌain kamabi nëtën achúshi pánra ꞌinánkëxa, usai ꞌika Jeremías anua ëmanu ꞌikë suntárukama ꞌikë me mëníokë anu bërúakëxa.

Mateo 21:35

Cacëx cuanxa bëbaiabi ca an naë bërúancë unicaman axa ucë unicama bitancëxun bëtsi ꞌanan bëtsiribi ami mëparamë́quin mëëanan bëtsiribishi maxaxan ꞌaxa.

Hechos 4:3

Nishi atúan bana ñuixuncëbë uquin ca Pedrocëñun Juan bibianquin buáncëxa. Buánxun ca bari cuabúcëbëa imë́ ꞌain, imë́shiira ñucánuan pëcaratamainun sipunu atsínmiacëxa.

Hechos 5:18

Nishi ami tsuáquiruxun ca Jesusan aín bana ñuixunun caíscë unicama bixun sipuacëxa.

Hechos 5:40

Ësai quia cuaquin ca —asérabi ca usa ꞌicë —quixun sináncëxa. Usaquin sinánquin ca Jesusan aín bana ñuixunun caíscë unicama cuënxun rishquitancëxun, Jesús ñuiquin unicama bana ñuixuntëcënxunma ꞌanun catancëxun, cuantánun xuacëxa.

Hechos 7:52

An Nucën Papa Dios quicë bana uni ñuixuncë unicama ca mitsun raracaman bëtsi bëtsi ocëxa. Bëtsi bëtsi onan ca axa, Nucën Papa Diosan Bëchicë Upíira ca uti ꞌicë quicë unicama aribi ꞌacëxa. A unicama quiásabi oía uá ꞌicëbi camina mitsun a bamamicasquin unían i curúsocënu matásnun ꞌinan.

Apocalipsis 17:6

A xanúxa, Nucën Papa Diosan uni ꞌicëa unin ꞌacë ꞌimainun an Jesucristo ñuiquin uni bana ñuixuncë cupía unin ꞌacëx bamacë unicaman imi xëax, anun paë́anx cuëëinra cuëënia cana isan. Isi, cana ratúira ratúan.

Apocalipsis 2:10

Unían bëtsi bëtsi oquin ꞌatimocëxbi camina racuë́tima ꞌain. Ñunshin ꞌatimanën ꞌamicëxun ca raíri unin mitsu sipuati ꞌicën, caramina ꞌëmi sinánti ënti ꞌai quixun isnuxun. Mëcën rabë́ nëtën camina paë tani tëmërati ꞌain. Uisai cara ñu ꞌicëbëtanbi camina anúnmi mitsux bamati nëtë utámainun ꞌëmi sinánti ëntima ꞌain. Usaími ꞌia cana mitsu ꞌën nëtënuaxmi nëtë́timoi ꞌëbë cuëënun ꞌimiti ꞌain.