Jeremías 20:18 - Kashibo-Kakataibo Biblia

¹⁸ ¿Uisa kupín kara ꞌëx paë tani masá nuituti ꞌianan, ꞌëx anun tsókë nëtëkaman rabinishi tsótiokin ꞌën titan ꞌë tuakëx? ¿Uisa kupín karana ꞌën titan puku ꞌukë mëuküax rabinishi ꞌëx bamati nëtë ꞌitámainun tsónux bakë́ankën?

Jeremías 20:18 ပူးပေါင်းရင်းမြစ်များ

1 Reyes 19:4

Usakin anu ëbiani ka anu uni ꞌikëma me anu aratsushi kuankëxa, kuani ka achúshi nëtën nikiani kuanbaiti i pëñanakëkë achúshi nikë a tëmú tantiakëxa. Anu tanti tsóxun sinani ka abi bamatisa tani, kiakëxa: “¡Dios ꞌën kana ënë ñuira tënëiman!” ¡Usa ꞌain kamina ꞌë bamamiti ꞌain, ꞌëx kana ꞌën chaitiokëkama ꞌiasaribiti uni upíma ꞌain!

Job 14:1

Kamabi uni aín tita bakënkë ax ka ꞌitsama baritia ꞌimi tsotia, usai ꞌi ka bëtsi bëtsi ñu inuti ꞌitsaira tëmëraia.

Job 14:13

¡ꞌËn kana kuëënti ꞌain minmi anu uni ñuia maínkë anumi ꞌë unëti mixmi ꞌëmi nishkë a sënë́ntamainun, usakin ꞌatankëxun kamina uiti nëtë karana anu ꞌiti ꞌai kixun ꞌë kati ꞌain, a nëtë sënë́nkëbë kamina ꞌëmi sinántëkënti ꞌain!

Job 3:20

¿Uisa ꞌixun kara Diosan ënë nëtënu tsotia tëmëranux bakënun uni ꞌimin? ¿Uisa ꞌixun kara Diosan axa ꞌitsaira tëmërakë uni a basi pain tsónun ꞌimia,

Job 5:7

kamabi tsi rëkirukënuax ka aín ëxku saraki abisi ꞌia, usaribiti ka an uni tëmëramiti ꞌatima ñukama axribi aín sinánnuaxbi chikitia.

Salmos 69:19

Min kamina ꞌunan uisai karana ꞌichakin ñuikankëx, katë́ti ꞌitsaira ꞌëx tëmëra kixun; ꞌimainun kamina uikamax kara ꞌëmi nishia kixun ꞌunán.

Isaías 1:6

Taë rëbumiaxi ka mitsun maxkánubi bërúti chamarabi mitsun nami asábi ꞌaíma ꞌikën; kamabi namix ka chankui ꞌuákë ꞌianan; tëakin chakakësa ꞌianan, nami këñui kutankëx anuax tanpëkësa ꞌikën; usa ꞌikë ka uínbi ronkin chupa sanin rabunkëma ꞌikën, ꞌianan ka uínbi aín paë bachubuti tantitanun xënin síkakëma ꞌikën.

Jeremías 15:10

¡Ësai ka an bana ñuikë kiakëxa: Uisai karana ꞌiti ꞌain, uisa ꞌixun kara ꞌën titan bëtsi rabanan nëëti kamabi unibë mëëananti okin ꞌë tuakëxa! Uibi kana ꞌën kuríki ꞌinántëkënua ꞌë kuríki ꞌinánun ñukákëma ꞌain, ꞌianan ka ꞌëribi kuríki ꞌinantëkënuxun ñukákëma ꞌikën, usa ꞌaínbi ka kamaxunbi ꞌatima okin sinánkin ꞌë ñuia.

Jeremías 15:18

¿Uisa kupí kara ꞌëx paëtani tëmërakë ax uínsaranbi nëtë́timin? ¿Uisa kupí kara ꞌëx tëmërakë ax ñumi ꞌikë ronkëxbi mookëma usaribi ꞌik? Minmi ꞌë ꞌakinkëma ax ka ꞌumpaxñuma ꞌinua xëxá ëskikë usaribi ꞌianan, kamina anu ꞌumpax buákiti ꞌakë axa ꞌumpaxñuma ꞌinun barin ëskikë ꞌain ñankáishi ꞌikë usaribi ꞌikën.

Habacuc 1:3

¿Uisa kupí kaina ꞌaisamaira ñu ꞌatima ꞌakania isi masá nuitunun ꞌë ꞌimin? Kamabinua kana ꞌatima ñuishi ꞌakania isanan ñu ꞌaisama okin masókania isin; ꞌimainun kana amami amamiaxa tsuákiruax unikama mëanani sharatia kuatin.

Juan 16:20

Asérabi cana ꞌën mitsu cain, ꞌë cupí camina masá nuituti bëunan mëscúcanti ꞌain. Mitsúxmi usai ꞌimainun ca an Nucën Papa Diosan bana cuacëma unicama cuëënti ꞌicën. Masá nuitutáncëxbi camina mitsux ꞌë cupí chuámarua tani cuëënti ꞌain.

Hechos 5:41

Xucëxun ꞌapucama ëbiani ca —Jesúsnan cupí tëmëranun ca Nucën Papa Diosan nu caísaxa —quixun sinani cuëënquiani cuancëxa.

2 Timoteo 1:12

An ꞌimicëxun usoquin ꞌacë cupía bëtsi bëtsi ocancëxbi cana rabiniman. Ami catamëquin cana ꞌunanin, ax cushiira ꞌixun ca Nucën Papa Diosan, ꞌëx a ꞌinamëcë ꞌicë bërúanquin aín bana bëtsi oquin ñuiquinma upí oquinshi unicama ꞌunánminun ꞌë ꞌaquinti ꞌicën. ꞌAquianan ca anúan ax utëcënti nëtën uquin an ꞌën ꞌacë ñucama upí isti ꞌicën.

Hebreos 10:36

Jesucristo ucëbë ax quicësabi oi Nucën Papa Diosan nëtënu abë ꞌinuxun camina uni itsían mitsu tëmëramicëxbi a taníma usabi Cristomi catamëquin ax cuëëncësabi oquin ꞌati ꞌain.

Hebreos 11:36

Raíri uni ca Nucën Papa Diosmi catamëcë cupí unin ami cuaianan rishquiacëxa. Raíri ca unin manë risin nëaxun sipuacëxa.

Hebreos 12:2

Jesús, a cupí nux ami catamëcë ꞌaish ainan ꞌianan asaribi upí ꞌaish aín nëtënu abë ꞌiti, ax ꞌiásaribiti ꞌinuxun cananuna uisai cara ax ꞌiacëxa quixun sinánti ꞌain. ꞌUchañuira uni ꞌacësa oquin ca unin i curúsocënu a matásti ꞌicë quixun ꞌunánxbi ca ënë menu uacëxa, —ënë ñucama inúcëbë unicama upí ꞌiti mëníotancëx cana ꞌën Papa Diosbë ꞌi cuëëntëcënti ꞌai —quixun ꞌunani. Usai bamax baísquia ꞌaish ca Nucën Papa Diosan nëtënu abë ꞌApu ꞌicën.

Hebreos 13:13

Usa ꞌain cananuna Jesús, axa ëma ꞌuracëox ꞌuchañuira uni ꞌicësari bama, a nuxnu ainan ꞌicëa uni itsin tëmëramianan ꞌusáncëxunbi, ainan ꞌiti ëntima ꞌain.