Jeremías 20:16 - Kashibo-Kakataibo Biblia

¹⁶ ¡A unix ka ëmakama Diosan xënibua ꞌaínbi usabi rakátanun këñuasaribi ꞌiti ꞌikën! ¡An ka pëkarakëma ꞌaínshi uni rakuë́ti ꞌakánanti ꞌain kuënkënkë a kuanan, bari xamarukëbëtan anun bënëtishi mëníokati ñu banókë kuati ꞌikën,

Jeremías 20:16 ပူးပေါင်းရင်းမြစ်များ

Jeremías 18:22

ꞌËn kana kuëënin xuisa tankin sapi kamina atu ratuia, mëkama unibu atux kuankëbëa atun xubunuax kuënkëni ratúkantanun xuti kuëënin. Usa ꞌaínbi ka atun anu pakëtia ꞌë bikatsikixun kini chaiira ꞌanan, anun ꞌëx niti bainuribi unëkin ami ꞌëx ꞌiti ñuribi nanxa.

Jeremías 18:8

ꞌAínbi kana a menu ꞌikë unikama aín ñu ꞌatima ꞌakëkama a ënia, usakin ꞌati ꞌën sinánkë usakin ꞌatima otima ꞌain.

Jeremías 23:14

ꞌËn kana Jerusalénnu ꞌikë an ꞌën bana uni ñuixunkë unikama ꞌatima ñu an ꞌë ꞌaisama ꞌimikë ñuira ꞌaia isan: usakin ka atun aín xanuma bëtsi xanu aín nami ꞌanan, bëtsi unikama këmëkin paránia, usakin ꞌakin ka uni ꞌatima sinánñukama, a uínbia ꞌain ñu ꞌatima ꞌakë ënxuma ꞌanun kixun sinánmia. Usa ꞌain ka atu ꞌimainun a ëmanu tsókë unikamax Sodoma ꞌimainun Gomorranu ꞌikë uni tsóasaribi ꞌën iskëx ꞌikën.

Jeremías 26:13

Mitsux mi ꞌatimati tsókë a ënkin kamina, upíokin ñu ꞌakánti ꞌain mitsun ꞌIbu Dios kikësa okinshi kamina ꞌati ꞌain, usaími ꞌikankëbëtan ka axa ñu ꞌatima ka ꞌinúnuxun ꞌaia ax kikë, a ꞌëx kikë ñukama ꞌimitima ꞌikën.

Oseas 11:8

“¿Uisa ꞌixun karana ꞌën Efraín ënti ꞌain? ¿Uisa ꞌaish karana ꞌëx Israel unikamami manuti ꞌain? ¿Admá kakë ëma ꞌásaribiokin karana mi masókin ꞌati ꞌain, ꞌanan karana mi Seboím ꞌasaribiokin ꞌati ꞌain? ¡ꞌËn mitsumi ꞌitsaira sinánkë an ka ꞌitsaira mitsu nuibanun ꞌë ꞌimia!

Oseas 13:14

¿Usa ꞌaish kaina anu uni ñukë maínti kini anuax ië́kanti ꞌain? ¿Bamati anuax kaina ië́kë ꞌiti ꞌain? Bamati, ¡min kushibëbi uxun kamina ënë ëma këñuti ꞌain!”

Amós 1:14

Usa ꞌain kana anun Rabá kakë ëma kënëara kënë a tsin bimiti ꞌain, bimikëxun ka a tsinbi ꞌapun xubukama nënkin xaroti ꞌikën, usakin ꞌakëx ka anun ꞌakánanti nëtë ꞌianan, nëtë masákuatsini kaná banakë usaribiti i amami amamiax unikama ꞌakánanti ꞌikën.

Amós 2:2

Usa ꞌain kana Moab kakë me a tsin në́ntanun ꞌamiti ꞌain, ꞌamikëxun ka a tsinbi Queriotnu ꞌikë ꞌapun xubukama xaroti ꞌikën; usakin ꞌakëbë ꞌakanani sharákë a nëbë́tsinuxun, manë banañu banoia kuakë anunbi ka Moabnu ꞌikë unikama këñuti ꞌikën.

Amós 4:11

“ꞌAnan kana atu ꞌatimaira okin achúshi ñun Sodoma ꞌimainun Gomorra ꞌasaribiokin ꞌakën; ax ka tsi ënxaira anua aín ëxku ënxaira bikësa ꞌiakëxa, ¡usa ꞌaínbi kamina mitsux ꞌëmi sinanatëkëinsama tankankën!” Usai ka Dios kiaxa.

Jonás 3:4

Usa ꞌain ka Jonás kuanx a ëmanu atsíntankëx munuma banakin Diosan kakë banakama anu ꞌikë unikama kai achúshi nëtë ꞌimi niakëxa. Nikin ka ësokin kakëxa, ënuax cuarenta nëtë ꞌikëbë ka Nínive kakë ëma ënëx Diosan ꞌatimokin masókë ꞌianan ꞌaisama okë ꞌiti ꞌikë kixun ka kakëxa.

Jonás 4:2

Usa ꞌain ka abë banakin Dios ësokin kakëxa: —ꞌËn ꞌIbu Dios ësa ñu ka ꞌiti ꞌikë, kiax kana ꞌën menuaxi ꞌëx kian. Usa ꞌain kana bënëtishi Tarsis menu abáti sinánkë ꞌian, ꞌën kana mix kamina achúshi Dios nuibanairakë ꞌaish bënëtishi nishkëma a ꞌai kixun ꞌunánkë ꞌian, usa ꞌain kamina ꞌën sinánkëxun ꞌitsaira uni nuibakin ꞌatimokin tëmëramikatsi kixunbi mimia sinanatia ꞌakëma ꞌain kixun ka munuma banai ami nishkin Dios kakëxa.

Lucas 17:29

Usaquian ꞌamainun ca anúan Lot anuax cuanti nëtë ꞌicëbëtan, Nucën Papa Diosan tsi ꞌimainun azufre rëquirucë ꞌibúmiquin acama cëñuacëxa.

2 Pedro 2:6

Usonan ca Nucën Papa Diosan ëma rabë́, Sodoma ꞌimainun Gomorra cacë, ꞌimainun anu ꞌicë unicamaribi atun ñu ꞌaisama ꞌacë cupí aín chimapuishi ꞌitánun nëancëxa. A bana cuatía an ñu ꞌatima ꞌacë unicama ñu ꞌatima ꞌatimi racuë́ti oquin ca Nucën Papa Diosan usoquin Sodoma ꞌimainun Gomorra ꞌacëxa.

Judas 1:7

A ángelcamaxa abë ꞌiisama tanan Nucën Papa Dios cuëëncësabi oi ꞌiisama tani ꞌiásaribiti ca Sodoma ꞌimainun Gomorra ꞌimainun a ꞌurama ꞌicë ëmacamanu ꞌicë unicamaxribi ꞌiacëxa. Nucën Papa Diosan ca aín xanubëishia ꞌiti uni ꞌanan xanuribi aín bënëbëishia ꞌiti uniocëxa. Usa ꞌaínbi ca a ëmacamanu ꞌicë unicama aín xanuma ꞌaínbi bëtsi xanubë ꞌimainun xanúxribi aín bënëma ꞌaínbi bëtsi unibë ꞌimainun uníxribi xanúxmabi bëtsi unibë ꞌi, ꞌaisamairai ꞌuchacëxa. Usaía ꞌicë ca Nucën Papa Diosan aín ꞌucha cupíbi, manë tsin nëancëxa, xënibua ꞌaínbi ainanma ꞌinun. Usaía ꞌiá a sinani cananuna nuxribi usai ꞌitin rabanan bërúancati ꞌain.