Jeremías 2:6 - Kashibo-Kakataibo Biblia

⁶ Usai ꞌikin ka ꞌën Egipto menua chikían ꞌixunbi ꞌë bariti sinánkama ꞌikën, anu uni ꞌikëma me, me ëskikë ꞌimainun kuëtú me, ꞌumpaxñuma ꞌimainun anun nisama ꞌatima me, anu uni tsókëma ꞌianan, me anun uni nikëma anun nitsiabi ꞌën ꞌakian, a sinánkin ꞌë rabiti sinánma ꞌikën.

Jeremías 2:6 ပူးပေါင်းရင်းမြစ်များ

2 Reyes 2:14

Nirakëkin tari tarankë anun baka rishki ka munuma kuënkëni kiakëxa: “¿Uinu kara Elíasnëa rabia Dios ꞌik, an kara a ꞌaxuansa okin ꞌëribi ꞌaxúntima ꞌik?” Ësai kikin baka rishkikëbëishi ka amo rabë́bi baka bërúti nirakëakëxa, usai ꞌikëbë ka Eliseo anun sikátëkëankëxa.

Job 3:5

¡Uisati kara bëánkibukë këxtuira an ꞌibúkin a nëtë mapumainun, kuin tunan ꞌibúkin anribi mapukë ꞌinun ꞌimianan, ꞌimëa nëtë bëankikëbë ami rakuë́kë usaribi ꞌitánun maputi ꞌiakëxa!

Salmos 23:4

Anun nisama anun kuaníbi kana añu ñubi inútimi rakuë́tima ꞌain, Dios mix kamina ꞌëbë kamabi nëtën ꞌain; ꞌimainun kamina ñu upíshi ꞌanun ꞌë ꞌimiti ꞌain.

Éxodo 20:2

ꞌËx kana min ꞌIbu Dios an, Egipto menuxun tëmërakin ñu mëëiabi mitsu chikían a ꞌain.

Isaías 63:9

kamabi atun tëmërakë anuabi. Usa ꞌixun ka bëtsi uni an ië́minun xukinma, Nukën ꞌIbunbi ka ië́miakëxa. An ka bitëkëánkëxa nuibanairakë ꞌixun; aín pëñanën birukësa ꞌinun ꞌakiankëxa. Usakin ka bërámabi ꞌa ꞌixun ꞌakiankëxa.

Isaías 64:7

Uinu ꞌikë unibi ka an mi ꞌakinun kixun ñukákë ꞌaíma ꞌikën, ꞌianan ka an mimi kushikin ꞌakinun kixun barikë ꞌaíma ꞌikën; usa ꞌain kamina nukamami kasuakëkin nu ëan, nun ñu ꞌatima ꞌai ꞌuchakë kupín kamina nu rakan.

Jeremías 2:2

Anu kuanxun kamina Jerusalén ëmanua ꞌikë unikama; munuma kuëníshkin upíokian kuanun kati ꞌain: ¡Ësakin mitsu kanun ka Nukën ꞌIbu kiaxa! ꞌËn kana bëná pain ꞌixunmi ꞌën kakësabiokin ꞌá a sinanin, usa ꞌixun kamina an biti unían mëratiokëxun xanun nuikësa ꞌinun mitsun ꞌë nuibakën, ꞌimainun kamina anu uni ꞌikëma me anu ñu ꞌapátisama anuxunbi ꞌë ꞌakiankën.

Jeremías 2:8

ꞌImainun ka sacerdote kamanribi ꞌën ꞌakinun ꞌë bariti sinánma ꞌikën, ꞌimainun ka an ꞌën bana kuënëo ꞌunánkë unikamanbi ꞌë ꞌunántisamatankëxa, ꞌimainun ka ꞌapukamaribi ꞌëx kikësokin ꞌaisamatamainun, an Dios kikë bana ñuikë unikamaxribi ꞌëmi manutankëx unin rabikë Baal a ñuishi banakëxa, usai ꞌikian a ñukama rabikë ax ka ñankabia ꞌakë ꞌiakëxa.

Oseas 13:4

Ësai ka Dios kia: ꞌËx kana mitsun ꞌIbu ꞌianan Dios ꞌain, usa ꞌaish kana anunmi Egipto menu ꞌikankë anubi anu ꞌiakën: Usa ꞌain kamina bëtsi dios ax ꞌiisa min Dios ꞌikë kakin unántima ꞌain, ꞌëx ishi kana an mi ië́miti a ꞌain.

Amós 2:10

ꞌAínbi kana Egipto menua chikínbëtsinkin, cuarenta baritia anu uni ꞌikëma menu, ꞌimibëtsinkin atun me ꞌinánuxun bëakën.

Mateo 4:16

Anu ꞌicë unicamax ainanma ꞌixun Nucën Papa Dios cuëëncësabi oquin ꞌati ꞌunáncëma ꞌaíshbi ca Cristo ucëbë an ꞌunánmicë ꞌiaxa. Ainanma ꞌaish bamati ꞌaíshbi ca Cristo ucëbë an ꞌunánmicëx xabánu ꞌicësa ꞌiaxa.

Deuteronomio 32:10

Usa ꞌixun ka anu uni ꞌikëma menua ꞌunánkëxa, a mex ka ꞌumpaxñuma ꞌianan suñun bëkikin ꞌatimokë me ꞌiakëxa; anbi ka nu bërúankin uisai karanuna ꞌiti ꞌai akama nu ꞌunánmikin unían ꞌain bëru napu bërúankësaribi okin nu bërúankëxa.

Deuteronomio 8:2

Usa ꞌain kamina sinánkanti ꞌain, Diosan ka anu uni ꞌikëma menu cuarenta baritia ꞌimi tëmërai ninun nu ꞌimiakëxa akamina manukinma sinánkanti ꞌain, usakin ka mitsu tankin ꞌanan ami karamina asérabi sinanatëkëni isti ꞌanan ax kikësabiokin aín bana ꞌai ꞌisnuxun mitsu ꞌakëxa.

Jueces 6:13

Kakëxun ka Gedeónënribi kakëxa: —ꞌËn ꞌIbu ësokin kana mi kain Nukën ꞌIbu ka nubë ꞌikën, ¿Uisa kupín karanuna nux ënë ñukama ësai inutin? ¿Uinu kara an nun chaitiokëkama Egipto menua chikínkin bëtsi bëtsi ñu ꞌaxuan ꞌikëa nu ñuixunkë Nukën ꞌIbu Dios ax ꞌik? Nukën ꞌIbun ka madianita unikaman ꞌatimonun nu ëankëxa.