Jeremías 2:35 - Kashibo-Kakataibo Biblia

³⁵ ꞌAínbi ka usakin a ñukama axi atux kia: Nukamax kananuna ñu ꞌatima ꞌai ꞌuchama ꞌain. Nukën ꞌIbu Dios ka bërí numi nishima. Asábi ka usai ki kamina ismina ꞌuchakëma ꞌai kiax kikanin, usa ꞌain kamina ëbëtan anuxun bana mëníokë anuxun mëníoti ꞌain.

Jeremías 2:35 ပူးပေါင်းရင်းမြစ်များ

Isaías 58:3

usai ꞌibi ka kikania. ¿Uisa kupín karanuna Diosan iskëbëtanmabi pikëmëti ꞌain? ¿Uisa kupín karanuna Diosan ka usai ꞌi tëmëraia kixun ꞌunánkëbëmabi usai ꞌiti ꞌain? Anunmi pikëmëti nëtën kamina mitsun ñukama marutishi ꞌanan, a mitsun ñu mëmikë unikamaribi ꞌatima okanin;

Jeremías 2:23

¿Uisa ꞌaish kaina mitsux: Nux kananuna mimi ñu ꞌatima ꞌai ꞌuchanan bëtsi dioskamaribi rabi ꞌuchakëma ꞌai kiax kikanti ꞌain? Kamina sinánkanti ꞌain, uisai kaina mitsux me sapan Ben-hinom kakë anuax bëtsi dios rabi ꞌikankë kixun. Usa ꞌain kamina upíokin pain añu kaina mitsun ꞌakë kixun iskanti ꞌain, mitsux kamina camello aín xanuxa bëtsi bari bënëti kuani amami amami nikë usaribi ꞌikanin;

Jeremías 2:29

¿Uisa kupín kaina mitsun ꞌën bana kuaisamatankë ꞌixunbi, usakin kamina ñu ꞌatima ꞌai kixun ꞌë kaisa tankanin? ꞌËx Min ꞌIbu ꞌaish, kana ësai kin.

Jeremías 2:9

Usa ꞌain kana ꞌëx Min ꞌIbu ꞌaish ësai kin. ꞌËx kana bërí mitsu ꞌimainun mitsun xutakama ñui usakin ka an bana mëníokë ꞌapukaman ꞌanuxun ꞌaia kin.

Romanos 7:9

ꞌËn uisa ñu cara ꞌati ꞌicë, uisa ñu cara ꞌatima ꞌicë quicë bana ꞌunánma ꞌixun cana ñu ꞌaisama ꞌaquinbi usaquin ꞌati ca ꞌaisama ꞌicë quixun ꞌunánma ꞌain. Usai ꞌitancëxunbi cana a bana ꞌunáncën. ꞌUnánquin cana ñu ꞌatima ꞌati ax ca ꞌuchaira ꞌicë quixun ꞌunánxunbi ꞌacë ꞌaish ꞌën ꞌucha cupí Nucën Papa Diosbë ꞌitimoi bamati ꞌiacën.