Jeremías 2:25 - Kashibo-Kakataibo Biblia

²⁵ ¡Israel unikama mitsux bëtsi dioskama rabi abákiani taëinshi kuani min taë ñumi tachakanan, shimai mitsun tëru ëskitima ꞌain! ꞌAínbi kamina mitsux kiakën: Nukaman kananuna bëtsi dios rabikin ëntima aín; usa ꞌain kananuna bëtsi menuxun rabikë dioskama, nuibati atunu kuani nitsin.

Jeremías 2:25 ပူးပေါင်းရင်းမြစ်များ

Jeremías 14:10

Diosan ka Jeremías Judá menu tsókë aín uni Israelkama ñuikin kakëxa: Ënë unikamax ka atun kuëënkësa oi ñu ꞌaíma bëtsinu bëtsinu kuani niti kuëënia. Usa ꞌikë kana a unikama ꞌën kuëënkin isiman. Usa ꞌain kana bërí atun ñu ꞌatima ꞌakë a sinánkin, atun ꞌuchakë kupí ꞌatima oti ꞌain.

Jeremías 18:12

ꞌAínbi ka atun mi kati ꞌikën: ¡Ñankáishi kamina usai ꞌitima ꞌain! Nukamax kananuna nun kuëënkësa ꞌoíshi tsókin, nun sinánkësa okinshi ñu ꞌati ꞌain.

Jeremías 2:31

(Axa bërí tsókë mitsun kamina ꞌën bana upíokin kuati ꞌain, ꞌëx kana Dios ꞌain.) Israel unikama, ¿ꞌëx karana anu uni ꞌikëma mesa mitsunan ꞌian? ¿ꞌianan karana anua me ꞌitsaira bëánkibukë chichabiantisama usaribi mitsunan ꞌian? ꞌËn unikama, ¿uisa kupín kaina: bërí kananuna uisa ñu ꞌatimabi inútima ꞌai kianan, uínsaranbi kananuna mi sinántëkëntima ꞌai kikanin?

Oseas 2:3

Usakin ꞌaiama kana achúshi uni chupañuma ꞌikë usaribi ꞌitánun atiaira ënti ꞌain: usakin ꞌakin kana anuan bakë́an nëtë́a ꞌiásaribitia ꞌinun ꞌimiti ꞌain, ꞌimianan kana anu uni ꞌikëma mesa ꞌinun bëtsiokëbë, aín me ëskinun ꞌimiti ꞌain, usakin ꞌakëbë ka shiman bamati ꞌikën.

Oseas 2:5

Aín titax ka bëtsi bëtsi uni aín nami ꞌamikë ꞌiakëxa; usa ꞌaínbi ka upí sinánñu xanu ꞌikë a nëtë́ti kiakëxa: Abë ꞌëx ꞌikë unikama a kana bari kuanti ꞌain, atun ka ꞌën piti ꞌimainun ꞌumpax, ꞌianan ꞌën pañuti chupa lino ꞌakë a ꞌianan, xëni ꞌimainun a ꞌën xëati akama ꞌë ꞌinania.

Malaquías 3:14

Ësai kamina mitsux kian: Diosan ñu mëëti ꞌakë ax ka ñankáishibi ꞌakë ꞌikën. ¿Añu karanuna aín bana kikësokin ꞌanan Dios kamabi kushiñu an isnun kixun uni ñukë ꞌain ꞌakësa okin chupa pañuax nikin a ꞌinánti biti ꞌain?

Lucas 15:22

Cacëxun ca aín ñu mëëmicë unicama a aín papan caxa: Chupa upíira bëxun pañumianan camina mëñusuti mëñumiti ꞌain, ꞌanan camina taxaca tañumiti ꞌain.

Lucas 16:24

Isi cuëncë́nquin ca cacëxa: ꞌË ca ꞌaquin, Abraham. ꞌËx cana ënë tsinuax ꞌaisamaira paë tanin. Aín mëcën rëbu ꞌunpaxan chabóxuan ꞌën ana matsioi unun ca Lázaro xut.

Romanos 8:24

Nux Cristomi catamëti ainan ꞌaish abë nëtë́timoi tsónun ië́miquin ca Nucën Papa Diosan uisoquin cara nu ꞌimiti ꞌicë quixun isnuxun caínun nu ië́miacëxa. Nua camabi an cacësabi oquin ꞌimicë ꞌixun cananuna, bëtsi cananuna ꞌiti ꞌai quixun sinánquin caíntsianxma.

Deuteronomio 32:16

Usai ꞌikin ka Dios ꞌaisamaira nishmikin bëtsi ñukama rabikin ax kuëënkëma ñuira ꞌakankëxa;