Jeremías 2:13 - Kashibo-Kakataibo Biblia

¹³ ꞌËn unikama ka ꞌiásamaira ꞌinun chaiira ꞌuchaxa: Usai ꞌikin ka ꞌën bana kikësama oi ꞌikin ꞌë manukankëxa, anua ꞌumpax ꞌikë nëminra usaribi ꞌixun na tsónun ꞌakinkëxunbi ꞌë manúakëxa, usakin ꞌë manuika anua ꞌumpax biti nëminra ꞌumpaxñuma ꞌinun ëskikë usai atux ꞌiakëxa.

Jeremías 2:13 ပူးပေါင်းရင်းမြစ်များ

2 Reyes 22:17

Atun ka ꞌën kakësokin ꞌakë a ëntankëxun, bëtsi dioskama a rabikin ñu xaroxuanxa, usokin ka ꞌë nishmikin a ñukama uisokin ꞌati kara kuëënia usabiokin ꞌaxa; usa ꞌain kana atumi ꞌaisamaira oi nishin, usa ꞌixun kana ñu ꞌatima ꞌaishia bukunun ënkinma atu ꞌatima oti ꞌain.

Eclesiastés 12:8

ꞌËx an bana ñuikë uni ꞌaish kana ësai kitëkënin: ¡Ënë menu tsókin unin ꞌakë ñu ax ka ñankáishi ꞌakë ꞌikën! ¡Usa ꞌain ka kamabi ñu ax uínbi ꞌunántisama ꞌinun ꞌikë ꞌikën!

Isaías 1:3

Vaca bënën ka aín ꞌibu ꞌunania, ꞌimainun ka burro bënën anuxua aín ꞌibun pimikë xubu ꞌunania; usa ꞌaínbi ka Israel unikaman ꞌën unibu ꞌixunbi an unio ꞌikëbi ꞌë ꞌunánima ꞌianan ꞌën kakëxunbi bana kuaisama tania.”

Isaías 1:4

¡Usa ꞌain ka atux kamaxi ꞌuchakanxa ꞌianan ka a unikaman ꞌitsaira ꞌatima ñuishi ꞌaia, atun chaitiokëkamaxribi ꞌatima ñuishi ꞌakë unibu ꞌia ꞌain ka atun ꞌaisa tankë ñu ꞌatimashi ꞌakania! Usa ꞌain ka aín ꞌIbu ꞌikëbi ꞌë ënkanxa ꞌëx kana Israel unikaman Dios upíira a ꞌain, usa ꞌikëbi ka ꞌën bana kuaisama tankin ꞌë manuaxa.

Isaías 55:2

¿Uisa kupín kaina kuríkinën a piti ñu ꞌakësokin pitima ñu a kupíoti ꞌain? ¿Uisa kupín kaina të́xumi bikë kuríki anun pitima ñu kupíoti ꞌain, a kana ꞌa kixun sinani kuëëntima ñu a kupíoti ꞌain? Upiokin kamina ꞌën kakëxun kuati ꞌain, kuakin kamina upiokin ꞌakë piti nëish irakama piti ꞌain.

Isaías 63:8

Ax ka ësai kiakëxa: “Atux ka ꞌën unibu ꞌikën, usa ꞌixun ka atun ꞌën kuëënkësokin ꞌakin ꞌë parántima ꞌikën.” An ka atu ië́miakëxa,

Jeremías 1:16

Ënëx ka usakin kana an ꞌuchakin ꞌë rakan unikama a tëmëramiti ꞌain kiti ꞌikën, atúnbi rabinuxun bëtsi menu ꞌikë unikaman uniokë ñu ꞌatankëxun, rabikin sanuira ro a xaroxunkin rabiakëxa,

Jeremías 14:3

Usai ꞌimainun ka ñuñuira unikaman an ñu mëmikë unikama ꞌumpax bitánun xutia; xukëx kuanxunbi ka atun anua ꞌumpax biti ꞌakë kini anua ꞌumpaxñuma okin, anun ꞌumpax biti ꞌakë na buankankë a ñankáishi buani ritëkënkiani; ꞌumpaxbitsi kuanxi ꞌumpaxñuma obiani kuani, chupan rabinkësa ꞌaish mamápukukankëxa.

Jeremías 15:6

Mitsux kamina ꞌën kakëxun kuaisama tani ꞌëmi manúkankën. ꞌËx Min ꞌIbu ꞌaish, kana asérabi ësai kin. Usa ꞌain kana ꞌurainra mitsu nuibati tënëxun, ꞌën ꞌakësa ꞌitanua axa mimi nishkë unikaman këñukin ꞌanun mitsu ëankën.

Jeremías 18:14

¿Líbano bashinu ꞌikë maparakama anua ꞌikë matsin tita ax kara uínsaran nëtë́ti ꞌik? ¿ꞌUmpax matsira bashinuax shióbukë ax kara ꞌain bashi kamanuax ëskiti ꞌik?

Jeremías 19:4

Usa ꞌain ka Israel kaman ꞌëmi manutankëxun ënë me ꞌunánkëma mesa ꞌimikin anuxun bëtsi dioskama rabiakëxa. Rabikin ka unínbia ꞌakë ñukama sanuira ñu xaroxuankëxa, ꞌaínbi ka atúnbi a dioskama ꞌunánma ꞌikën, a dioskaman ka a nëtëkaman uisai kara ꞌiabi uínsaranbi ꞌakianma ꞌikën, ꞌimainun ka atun chaitiokëkama ꞌianan Judánu ꞌikë ꞌapukamanbi ꞌunánma ꞌikën. ꞌUnánkima ka a menuxun uni ñu ꞌatima ꞌakëmabi aín imi menu ꞌëbankiantanun ꞌakankëxa.

Jeremías 2:11

usa ꞌain ka an Diosan bana kuakëma unikaman kara a rabitia ꞌakë ñukama ëanxa kixun ñuikania uínsarabi kuakëma ꞌikën. ¡A ñukamax ka këmëkinshia ꞌakë ñu ꞌikën! ꞌaínbi ka ꞌën kaisa unikaman, kushiira ꞌikëbi ꞌë rabiti ënxun bëtsi ñukama rabia.

Jeremías 2:17

Ësaia ꞌikan ax ka atun ꞌIbu Dios ꞌikëbi, ꞌë rakankë kupín ꞌia ꞌikën, ꞌimainun ka uisai tsóti kara kixun kuania unánmia ꞌixunbi ꞌë manukankëxa.

Jeremías 2:26

An ñu mëkamakë uníxa ñu mëkamatia mërakëx rabinkësa, usaribiti ka Israel unikamax rabinkë ꞌiti ꞌikën, usai ꞌika Israel unikama atun ëmanu bukukëkama ꞌimainun, atun ꞌapukama kushibu ꞌimainun sacerdote unikama an Dios kikë bana ñuikë akamabëbi katë́kë bërúti ꞌikën;

Miqueas 2:8

Mitsux kamina ꞌën unikama ꞌiakën, usa ꞌaishi kamina ꞌën unikamami ꞌin. ꞌAínbi kamina bërí mitsux ꞌëmi nishkë unibu ꞌain, usa ꞌixun kamina axa ꞌakanankuatsini ukë unikaman chupa kupíkë bikuankanin, usakin ꞌakin kamina usakin ñu ꞌai ismina upí ꞌiti ꞌai kixun sinánkanin.

Miqueas 6:3

Ësai ka Nukën ꞌIbu kia: Israel unikama mitsun kamina ꞌë kati ꞌain. ¿Uisa onan karana añu ꞌaxunkin mi ubion?

Juan 4:10

Cacëxun ca Jesusan cacëxa: —Ën mi ꞌunpax ñucácë ꞌaínbi camina ui carana ꞌai quixun ꞌë ꞌunaniman. ꞌË ꞌunánan añu cara Nucën Papa Diosan mi ꞌinánti ꞌicë quixun ꞌunáncë ꞌixun camina ꞌë ñucátsian. Ñucácëxun cana anúnmi nëtë́timoi Nucën Papa Diosnan ꞌiti ꞌunpax mi ꞌinántsian.

Juan 4:11

Cacëxun ca cacëxa: —Anua ꞌunpax biti ënëx ca nëmin ꞌicën. Anun ꞌunpax biti ñuñuma camina ꞌain. ¿Uinua caramina anun ꞌëx nëtë́timoi Nucën Papa Diosnan ꞌiti ꞌunpax a biti ꞌain?

Juan 4:14

Usa ꞌaínbi ca an ꞌën ꞌináncëxun ꞌunpax ꞌacë uni, ax amiribishi shimatëcëntima ꞌicën. Me ꞌucë mëúcüaxa chiquitia ꞌunpax xobucësaribiti ca ꞌën ꞌináncë ꞌunpax nëtëtima uninu ꞌiti ꞌicën. Usaía ꞌicëbë ca uni nëtë́timoi Nucën Papa Diosnan ꞌiti ꞌicën.

Juan 7:37

Anúan judíos unicama Nucën Papa Dios rabinux Jerusalénu timë́cë nëtëcama sënë́nuxa pëcaracë nëtë ax ca a nëtëcamasamaira ꞌiacëxa. A nëtën ca nirui munuma banaquin Jesusan ësaquin unicama cacëxa: —Ui unix cara uníxa shiman bamai ꞌunpax ꞌaisa tani bënë́cësaribi oi ꞌënan ꞌiisa tani bënëtia a unix ca ꞌë cai ꞌëmi catamëti ꞌicën.

Deuteronomio 31:16

Usai nirakëan ka anuxun Nukën ꞌIbun Moisés kakëxa: Ënuax ꞌitsama nëtë ꞌikëbë kamina mix ñuti ꞌain, usaími ꞌikëbëtan ka ënë unikaman ꞌën bana kikësabiokin ꞌakima atúan biti me anu ꞌikë unikaman rabikë dios a rabikin ꞌë rabiti ënkin achúshi ñu ꞌën manutima okin atu ꞌaxunkëkama manukin bëtsi ñu ꞌati ꞌikën.

2 Pedro 2:17

Uni raíri ꞌaquincëma ꞌaish ca xëxá ësquiaxa ꞌunpáxñuma ꞌicësa ꞌianan ꞌuí ꞌibúnux nëtë bënamëtiabi suñun bëcacëx nëtë́cësa, usaribi ꞌicën. Usa ꞌaish ca anua atux tëmërai ꞌiti bëánquibucëira anu nëtë́timoi xënibua ꞌaínbi ꞌiti ꞌicën.

Apocalipsis 21:6

Caxun ca ꞌë caxa: —Anuishi sënë́nquin cana ꞌan. ꞌËx cana uisa ñubia ꞌaíma ꞌaínbi ꞌiacën, usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain. Shimaia uni ꞌunpax ꞌacatsi bënë́cësa, usaribitia ꞌënan ꞌiisa tani bënëtia, cana ꞌënan ꞌaísha ꞌën Bëru Ñunshin Upíñu ꞌinun, cupí ñuixunquinma, ꞌimiti ꞌain.

Apocalipsis 22:1

Usaquin ꞌë ismitancëxun ca angelnën anua Nucën Papa Dios ꞌimainun Carnero ꞌicësaribitia unin ꞌucha cupí bama, ax ꞌicë, anuaxa baca aín ꞌunpax bëxnan bëxnánquicë chiquitia ꞌë ismiaxa.

Apocalipsis 22:17

Usoquin caia ca Carnero ꞌicësaribitia unin ꞌucha cupí bama, Cristo, amia ax catamëcë unicamabëtan Nucën Papa Diosan Bëru Ñunshin Upitan —bënëtishi ca ut —quixun a caia. An atun bana cuacë unicamanribi ca —bënëtishi ca utëcën —quixun a cati ꞌicën. Shimaia uni ꞌunpax ꞌacatsi bënë́cësa usaribitia ax Jesuscristonan ꞌicatsi bënë́cë uni, an ca ami catamëquin Jesucristo —ëx cana minan ꞌiisa tani —quixun cati ꞌicën. Usaía ꞌia ca Cristonën ainan ꞌimianan xënibua ꞌaínbi abë ꞌinun ꞌimiti ꞌicën, cupímashi.

1 Samuel 12:10

Usokian ꞌakëx ka atúxbi sinanati Nukën ꞌIbumi ꞌuchakin kananuna ami manutankëxun bëtsi unikaman rabikë Baal ꞌimainun Astarté tankin ꞌakë atun dios a rabi ꞌucha kixun ñukákin, axa numi nishkë unikaman mëkënua kamina, mi rabikin añu ꞌanun kaina nu kai ashi mi ꞌaxúnun chikínti ꞌai kixun kakëxa.