Jeremías 19:15 - Kashibo-Kakataibo Biblia

¹⁵ Nukën ꞌIbu kamabi kushiñu Israel unikaman Dios ax ka ësai kia: ꞌËn kana ënë ëma anua ꞌikë unikama këñunbi ꞌëx kikësokinbi tëmëramiti ꞌain. Usa ꞌain kana atun ka aín nuitu iruarakin ꞌën bana kikësabiokin ꞌaisamatania kiaxa Dios kikë ka Jeremíasnën atu ñuixuankëxa.

Jeremías 19:15 ပူးပေါင်းရင်းမြစ်များ

Nehemías 9:17

Usai ꞌikin ka min kakëxun kuaisama tanan minmi chaiira ñu atu ꞌaxuan abi sinánkama ꞌikën. Usai ꞌikin ka min bana kuaisama tankin achúshi ꞌapu an isa anuaxa tëmërakë Egipto me anubi uantëkënun kixun anëakëxa. ꞌAínbi kamina mix Dios an ꞌuchaiabi uni nuibakë a ꞌixun uisabi okinma, nuibairakin ꞌatimokinma ꞌakinkin ñu ꞌatima ꞌaiabi atu ëanma ꞌain.

Nehemías 9:29

Usokin ꞌanan kamina a tanti bana amiribishi ax kikësabi okían ꞌanun atu kakën; ꞌaínbi ka a banakama isa ꞌunánxa kikin atun min banakama kikësokinbi ꞌama ꞌikën; uin kara min bana kikësabiokin ꞌaia ax ka upitax tsóti ꞌiakëxa, usa ꞌaínbi ka min bana kikësabiokin ꞌakinma ꞌatimakin ꞌakëxa usakin ꞌaika atux a bana kuaisamatani ax kuëënkësa ꞌoíshi ꞌiakëxa.

Jeremías 18:11

Usa ꞌain kamina Judá menu tsókë unikama ꞌimainun Jerusalén ëmanu tsókë unikama ësokin kati ꞌain, ꞌëx Dios ꞌaish kana ësai kin: ꞌËn kana uisokin karana mitsu ꞌatima oti ꞌai kixun sinánkin, mitsu ꞌatima oti sinanin. Usa ꞌain kamina mitsunmi ꞌatima ñu ꞌakë a ënkin; upí ñukamaishi ꞌai upiti bukukanti ꞌain.

Jeremías 19:3

Ënë bana: Ka Judá menu tsókë ꞌapukama ꞌimainun Jerusalén ëmanu tsókë unikaman kuati ꞌikën, ësokin mitsu kakëxunmi kuakanun ka Nukën ꞌIbu kamabi kushiñu, Israel kaman Dios ax kiaxa: ꞌËn kana ñu ꞌaisama chaiira ënë menu, tsókë unikamaxa a ñuia kuati ꞌitsaira rakuë́kantanun ꞌimiti ꞌain.

Jeremías 36:31

mi ꞌimainun ka min rëbúnkikama ꞌimainun an mi min xubunuxun ñu mëëxunkë unikama atun ꞌuchakama kupín ꞌatima oti ꞌain. ꞌAnan kana mitsunu ꞌimianan Jerusalénnu tsókë ꞌimainun Judánu tsókë unikamanuribi ñu ꞌaisama ꞌimiti ꞌain ꞌëx kiabimi mitsun kuaisama tankë axa atunu ꞌinun.”

Jeremías 6:19

Men ka unin ꞌakësokin kuati ꞌikën: Ënë unikama kana ꞌaisama ñu inúnun ꞌimiti ꞌain, atun ka ñu ꞌaisama ꞌatishi sinánkanxa usa kupín; ꞌimainun ka ꞌën bana kuaisama tankëxa usa ꞌain, ꞌianan ka ꞌën bana kikësokinshi ꞌaisama tankëxa, usai ꞌikin ka a tanti ꞌën bana timakankëxa.

Jeremías 7:26

ꞌAínbi kamina mitsun ꞌën kakëxunbi kuaisamatankën, usai ꞌikamina mitsun chaitiokëkama ꞌiásamairai atiaira bana kuama ꞌain.