Jeremías 18:8 - Kashibo-Kakataibo Biblia

⁸ ꞌAínbi kana a menu ꞌikë unikama aín ñu ꞌatima ꞌakëkama a ënia, usakin ꞌati ꞌën sinánkë usakin ꞌatima otima ꞌain.

Jeremías 18:8 ပူးပေါင်းရင်းမြစ်များ

Salmos 90:13

¡Nun ꞌIbu, nukamanu kamina utëkënti ꞌain! ¿Uínsaran ira kaina nu ꞌakintëkënti ꞌain? ¡Minmi kaisa min unikama ënë kamina nuibakin ꞌakinti ꞌain!

Éxodo 32:12

¿Uisoti karamina egipcio unibunëxa mi ñui Diosan ka anu uni ꞌikëma menuxun këñuminuxun Israel unikama ënua chikínbiankin uanxa kinun këñumiti ꞌain? Usa aín kamina nishkinbi; Israel unikama këñútimi sinánkë a ënti ꞌain.

Éxodo 32:14

Ësakian Moisésnën kakëxun ka sinanakin Nukën ꞌIbun Israel unikama këñunun ꞌimiama ꞌikën.

Jeremías 15:6

Mitsux kamina ꞌën kakëxun kuaisama tani ꞌëmi manúkankën. ꞌËx Min ꞌIbu ꞌaish, kana asérabi ësai kin. Usa ꞌain kana ꞌurainra mitsu nuibati tënëxun, ꞌën ꞌakësa ꞌitanua axa mimi nishkë unikaman këñukin ꞌanun mitsu ëankën.

Jeremías 26:13

Mitsux mi ꞌatimati tsókë a ënkin kamina, upíokin ñu ꞌakánti ꞌain mitsun ꞌIbu Dios kikësa okinshi kamina ꞌati ꞌain, usaími ꞌikankëbëtan ka axa ñu ꞌatima ka ꞌinúnuxun ꞌaia ax kikë, a ꞌëx kikë ñukama ꞌimitima ꞌikën.

Jeremías 26:19

¿ꞌApu Ezequías ꞌimainun kamabi Judá menu ꞌikë unikaman kara an bana ñuikë uni Miqueas rëtëakëx? Usakin ꞌati ka sinánma ꞌikën: ꞌapun ka ami rakuë́kin Dios atuisa nuibanun kixun kakëxa. Usa ꞌain ka Nukën ꞌIbun usai ka ñu ꞌiti ꞌikë kixuan aín unikaman ñuia usaía atunu ꞌinun ñu ꞌatima ꞌimiama ꞌikën. ¿Usa ꞌain karanuna nukaman an bana ñuikë uni ꞌatankëxun chaiira ꞌucha papikë ꞌiti ꞌain?” (Kiax ka ꞌain tukurikubu unikama atux kiakëxa.)

Jeremías 26:3

Usakinmi kakëxun kuakin sapi ka atun ꞌakë ñu ꞌatimakama a ënti ꞌikën, usakin ënia sapi kana atun ñu ꞌatima ꞌakë kupí tëmëramikin, ꞌën usakin ꞌati sinánkësokin ꞌatima ꞌain.

Jeremías 36:3

A banakama kuakin sapi ka Judánu ꞌikë unikaman ꞌën atunu ñu ꞌaisama ꞌimiti sinánkë a ꞌunánkin, atuan ñu ꞌatima ꞌati sinánkë a ënti ꞌikën, usakin a banakama kuakin ënia kana atun ñu ꞌatima ꞌai ꞌuchakëkama a mëníoxunti ꞌain.” Kiax ka kiakëxa.

Ezequiel 18:21

Usa ꞌain ka uni ꞌatima sinánñu an kamabi ñu ꞌatima ꞌaia ꞌuchakë a sinanakin aín ꞌucha a ënkin ꞌën banakama ax kikësaibi ꞌiti a tankin ꞌanan ñu upíokin ꞌai ka asérabi ñuima a unix tsóti ꞌikën.

Ezequiel 33:11

Usa ꞌaínbi kana ꞌëx Dios ꞌaish atun tsóti ñui ësai kin, ꞌatima sinánñu unikama ñuti kana ꞌëx kuëëniman usa ꞌain ka atun ꞌakë ñu ëni upitax tsóti ꞌikën. Israel unikama ꞌatima ñu ꞌaimi tsókankë akamina ënti ꞌain. ¿Uisa ꞌaish kara usakin ñu ꞌai ñukanti ꞌik?

Ezequiel 33:12

Mi unin kamina min ꞌaintsikama ësokin kati ꞌain: Achúshi uni upíokin ñu ꞌakë ꞌuchaia ka an bërámabi ꞌakë ñu upí anbi ië́mitima ꞌikën, ꞌimainun ka achúshi uni an ñu ꞌatima ꞌakë a ënti ꞌikën, usa ꞌain ka bëráma ax ꞌuchakin ñu ꞌatima ꞌakë a kupí bamakë ꞌitima ꞌikën. Achúshi uni upíokin ñu ꞌakë ꞌuchaia ka an bëráma ꞌakë ñu upí anbi basi tsónun ꞌimitima ꞌikën.

Ezequiel 33:13

ꞌËn kana an ñu upí ꞌakë uni achúshi upitia tsónun kati ꞌain, usakin kakëx upiti tsókima ka anbi kuëënkin ñu ꞌatima ꞌati ꞌikën, usakin ꞌakëbëtan kana an ꞌakë ñu upíkama a upíokin ka an ñu ꞌaxa kixun sinántima ꞌain, usa ꞌain ka an ñu ꞌatima ꞌakë anunbi bamati ꞌikën.

Ezequiel 33:14

Usa ꞌain kana ꞌëx uni achúshi an ñu ꞌatima ꞌai ꞌuchakë ax ka bamati ꞌikë kiti ꞌain, ꞌaínbi aín ꞌuchakë a ënkin ñu upí ꞌakin,

Oseas 11:8

“¿Uisa ꞌixun karana ꞌën Efraín ënti ꞌain? ¿Uisa ꞌaish karana ꞌëx Israel unikamami manuti ꞌain? ¿Admá kakë ëma ꞌásaribiokin karana mi masókin ꞌati ꞌain, ꞌanan karana mi Seboím ꞌasaribiokin ꞌati ꞌain? ¡ꞌËn mitsumi ꞌitsaira sinánkë an ka ꞌitsaira mitsu nuibanun ꞌë ꞌimia!

Amós 5:15

¡ꞌAtima ñu a timakin kamina! ¡Upí ñuishi ꞌati ꞌain! anuxun bana mëníoti anuxun kamabi upíokin ꞌakinkëbë; sapi ka Dios, kamabi kushiñu ax mitsubë ꞌiti ꞌikën, usai ꞌikin ka axa raíri këñumainun tsókëpan Israel unikama a nuibati ꞌikën.

Jonás 4:2

Usa ꞌain ka abë banakin Dios ësokin kakëxa: —ꞌËn ꞌIbu Dios ësa ñu ka ꞌiti ꞌikë, kiax kana ꞌën menuaxi ꞌëx kian. Usa ꞌain kana bënëtishi Tarsis menu abáti sinánkë ꞌian, ꞌën kana mix kamina achúshi Dios nuibanairakë ꞌaish bënëtishi nishkëma a ꞌai kixun ꞌunánkë ꞌian, usa ꞌain kamina ꞌën sinánkëxun ꞌitsaira uni nuibakin ꞌatimokin tëmëramikatsi kixunbi mimia sinanatia ꞌakëma ꞌain kixun ka munuma banai ami nishkin Dios kakëxa.

Deuteronomio 32:36

Usai ka Nukën ꞌIbu an kaisa unikama bëtsi bëtsi okin ñu mëëmikëxa kushiñumasa ꞌia iskin ꞌakinti ꞌikën; usakin ka Nukën ꞌIbun uniñumasa ꞌinua atubë ꞌikë unikama ꞌimainun aín kushibu akama nëtë́ti ꞌaisamai ꞌiabi atu ꞌakinti ꞌikën.

Jueces 2:18

Uínsaran kara Nukën ꞌIbu an atu ꞌakinun uni achúshi ꞌapu ꞌimia, anun ka anbi ꞌakiankëxa, ꞌakinia ka Diosan Israel an ꞌakinti kaískë unikaman ami nishkë unikaman ꞌaia nuibakin, ꞌakiankëxa, ꞌakinkin ka a unikama atunua chikínun ꞌamiakëxa.