Jeremías 18:18 - Kashibo-Kakataibo Biblia

¹⁸ Ësai ka unikama kiakëxa: “Bërí kananuna uisoxun karanuna an Dios kikë bana ñuikë Jeremías ꞌati ꞌai kixun sinánti ꞌain. Uinsaranbi ka nunu sacerdotekama an bana nu ñuixunti ꞌianan, an bana ꞌunánkë an nu ꞌësëti ꞌianan, an bana ñuikë unikama an Diosan bana nu ñuixunti akama nunu ꞌima ꞌitima ꞌikën. Usa ꞌain kananuna unikaman ꞌanun nun ꞌuchoti ꞌain. Usa ꞌain kananuna uisai kara ax kia abi aín bana tantima ꞌain.”

Jeremías 18:18 ပူးပေါင်းရင်းမြစ်များ

2 Samuel 15:31

Usa ꞌain ka inkiani kuaniabi David ñuixunkin kakëxa, Ahitófel an mi bana ñuixunkë aín kushi an ka usakinsa mi ꞌanun kixun Absalón ꞌësëkin kaia kixun, kakëxun ka Davidtan Ahitófel an usakinsa ꞌanun kaiabisa Absalónnën kakë bana kuamixuma ꞌanun kixun Dios ñukákëxa.

2 Samuel 17:14

Usai kia Absalón ꞌimainun kamabi Israel unikaman kuakëxbi ka Husainën atu sinánmikë ax asábira ꞌiakëxa. Ahitófelnëa atu sinánmikin kakë axa atun kuakëx asábiribi ꞌaínbi. Usai ka Diosan bërámabi Ahitófelnën kakësokin ꞌakantima kupí Davidnëa tëmaishi Absalón ꞌanun.

1 Reyes 22:24

Kixuan kakëbë a ꞌurama ukin ka Sedequías Quenaaná ain bakë bëchikë an achúshi okin bëtáshkakin Micaías kakëxa: —Min kamina sinántima ꞌain Diosan bëru ñunshinsa mibë banaima ꞌinun ꞌë ëanan mibë banaia kixun.

Job 5:13

Usa ꞌixun ka an bëtsi ꞌatimoti sinánxun ꞌaisataniabi uni Diosan atun sinánkëa ꞌaxuma ꞌanun ꞌamima, usakin ꞌakin ka atun ñu ꞌatima ꞌati sinánxua ꞌakë ax ñankáishi ꞌinun ꞌimia:

Isaías 32:7

ꞌImainun ka rabinkima an ñu ꞌashikë uni an uisakin ñu ꞌati kara ꞌunánkë ꞌixun; uisakin kara uni paránti ꞌikë kixun sinánkin, ꞌatimakin unin ñuiti ñuishi ꞌaia; ꞌanan ka uni ñuñumakama a këmëkin ñu ꞌatima inúnun paránia, ꞌanan an ñu kuëënkin bisatankë akamaribi ñu ꞌupiokin ꞌaxúnun kakëxunbi ꞌatima okin paránia.

Jeremías 1:19

A unikamax ka mibë mëëananti ꞌikën, ꞌixunbi ka mi kanantima ꞌikën, ꞌëx kana mi bërúai mibë ꞌiti ꞌain. ꞌËn kana Dios ꞌixun kakësa okinbi asérabi mi ꞌakinti ꞌain.

Jeremías 18:11

Usa ꞌain kamina Judá menu tsókë unikama ꞌimainun Jerusalén ëmanu tsókë unikama ësokin kati ꞌain, ꞌëx Dios ꞌaish kana ësai kin: ꞌËn kana uisokin karana mitsu ꞌatima oti ꞌai kixun sinánkin, mitsu ꞌatima oti sinanin. Usa ꞌain kamina mitsunmi ꞌatima ñu ꞌakë a ënkin; upí ñukamaishi ꞌai upiti bukukanti ꞌain.

Jeremías 18:19

¡Nukën ꞌIbu Dios ꞌën mi ñukákëxun kamina kuati aín! ¡Axa ꞌëmi nishkë unikamaxa usai ꞌë ñuikikë a kamina kuati ꞌain!

Jeremías 2:8

ꞌImainun ka sacerdote kamanribi ꞌën ꞌakinun ꞌë bariti sinánma ꞌikën, ꞌimainun ka an ꞌën bana kuënëo ꞌunánkë unikamanbi ꞌë ꞌunántisamatankëxa, ꞌimainun ka ꞌapukamaribi ꞌëx kikësokin ꞌaisamatamainun, an Dios kikë bana ñuikë unikamaxribi ꞌëmi manutankëx unin rabikë Baal a ñuishi banakëxa, usai ꞌikian a ñukama rabikë ax ka ñankabia ꞌakë ꞌiakëxa.

Jeremías 20:10

Usa ꞌain kana munura banai unikama ësai kanania kuatin: “¡Kamabinuax ka ꞌitsaira rakuë́kania!” Usa ꞌain ka ësai kikania: “¡Uisax karanuna a unimi manánti ꞌai isti kamina rikuatsinti ꞌain!” ꞌËn ꞌunánkë unikamanbi ka ꞌën ñu ꞌatima ꞌati kuëënkania. Usai ꞌi ka ësai kikania: “¡Parántisa ꞌikë parántankëxun kananuna nun ira a ꞌatimokin kananti ꞌai kiax ka kikania!”

Jeremías 26:11

Usa ꞌain ka sacerdotekama ꞌimainun an këmëkinshi bana ñuikë unikama atun aín kushibu ꞌimainun kamabi unikaman kakëxa: “Ënë unix ka ꞌakë ꞌiti ꞌikën, ax ka ënë ëma ñui ꞌatimati banaia. Mitsúnbi kamina axa usai kia mitsun pabitanbi kuakan.”

Jeremías 37:13

ꞌAínbi ka Benjamínën xëputi kakë anu bëbakëbëbi achúshi uni Irías kakë Selemíasnën bëchikë Hananíasnën xuta suntárukama an ëma bëruankë ꞌain kushi capitán ax anu ꞌiakëxa, an ka Jeremías kuaniabi bërunkin kakëxa: —Mix kaina Babilonia unikamanu abati kuani ain.

Miqueas 3:6

An bana ñuikë mitsun kamina namákësokin imë istëkentima ꞌain, bari kuabuti bëankikë ꞌain iskamakësa usaribi okin, ꞌianan kamina ñukama kara ꞌiti ꞌikë kixunbi bëan bëánkibukë anuxunbi ꞌunántima ꞌain. ꞌImainun ka an paránkinshi uni bana ñuixunkë unikamanribi raíri unin ꞌakësaribi okin bari xupinbutankëxa imë́ naëx ꞌain bëánkibukë ꞌaínbi añu ñubi iskëma usaribi okin añubi istima ꞌain.

Miqueas 3:7

An uni paránkinshi bana ñuixunkëkama ꞌimainun an ñu tankë unikama atux ka ami kuaikian unikaman ñuikëx ꞌitsaira katë́kë bërúkanti ꞌikën. Kamabi atux ka uisa banarabi banaima nëtë́këshi Diosan atun kakëxunbi kuaisama tankëbë ꞌiti ꞌikën.

Malaquías 2:7

Ax ka sacerdotekaman uni ꞌëa ꞌunánun ꞌunánmiti ꞌikën, usa ꞌain ka kamabi unikamax atunu an ꞌunánminun kuanti ꞌikën, atux ka an ꞌën bana ñuikë unikama ꞌikën, atux ka Dios kamabi kushiñuira aín bana ñuikë unikama ꞌikën.

Lucas 11:45

Usaquin cacëxun ca an Moisésnën cuënëo bana ꞌunáncë ꞌixun unicama ꞌësëcë uni achúshinën Jesús cacëxa: —Usai fariseo unicama ñui quiquin camina nuribi ñuin.

Juan 9:40

Usaquian caia cuaquin ca anua ꞌicë fariseo unicaman Jesús cacëxa: —¿Núxribi caranuna bëxuñu ꞌain?