Jeremías 18:16 - Kashibo-Kakataibo Biblia

¹⁶ Usaia ꞌikëbë ka atun ëmakama anu uni ꞌikëma mesa ꞌinun ꞌiakëxa, usaía ꞌikë ꞌain ka kamabi menu ꞌikë unikama ami kuaiakëxa. Usa ꞌain ka uikamax kara anun inuti kuania akaman rakuë́kin tankin ꞌain maxká shaíkai tënkëti ꞌiti ꞌikën.

Jeremías 18:16 ပူးပေါင်းရင်းမြစ်များ

1 Reyes 9:8

Usakin ꞌanun atu ꞌamianan kana anuxun ꞌë rabiti xubumi ꞌamikë ënëribi rurukubuti aín maxákama tukibuti aín i kamaribi chánkibuaxa bukunun ꞌimiti ꞌain, usakin ꞌën ꞌimikë ꞌain ka a ꞌurama kuainkin isi ratuti ami uni kuaiti ꞌikën, kuai ka ñukákanani kananti ꞌikën uisai ꞌiaira kara Diosan ënë me ësonan anuxun a rabiti xubu ënë ësokin ꞌakëxa.

Salmos 22:7

Uikaman kara ꞌë isia ax ka ꞌë isi ꞌëmi kuaia; ꞌianan ka ꞌëmi kuai ain kuëbí kuëñushi ain maxká shaíkai tënkëti,

Isaías 6:11

Ësokin kakëxun kana ꞌën ñukákën: “¿ꞌËn ꞌIbu uiti bari ꞌimi kara ënë ñukama min bana kikësai ꞌinux basiti ꞌik?” Kixun kakëxun ka Diosan ꞌë kakëxa: “Ënëx ka ëmakama masókin ꞌatima okëbëa anu ꞌikë unikamax uniñuma ꞌianan; atun xubukamaxribi uniñuma ꞌimainun, anu ñu ꞌapákë me kamaxribi anu uni ꞌikëma mesa bërutamainun anu sënën ꞌiti ꞌikën,

Jeremías 19:8

Ënë ëma kana anu uni ꞌikëma mesa ꞌimiti ꞌain ꞌimikëbë ka anu ꞌikë unikamax ꞌitsaira rakuë́ti ꞌikën. Usa ꞌain ka axa anun inúkë unikamax masókin ꞌaíma ꞌitánun këñua a isi ratuti rakuë́kanti ꞌikën.

Jeremías 9:11

ꞌËn kana Jerusalén ëma bëtsiokin maxákama bukunkësa ꞌitánun ꞌimiti ꞌain; ꞌimikëbë ka anu kamun raëkëma kama ꞌiti ꞌikën, ꞌimianan kana anu uni ꞌikëma mesa ꞌitánun Judánu ꞌikë ëmakama ꞌimiti ꞌain, ꞌimikëbë ka a ëmakama uniñuma ꞌiti ꞌikën.

Mateo 27:39

Usa ꞌain ca anua matáscë anun cuanquin a isi tëncëti ami ꞌatimati banaquin,

Marcos 15:29

Usa ꞌain ca anua matáscë anun cuanquin a isi tëncëti ami ꞌatimati banaquin unicaman Jesús cacëxa: —Mix camina, ꞌën cana anuxun Nucën Papa Dios rabiti xubu rurupatancëxun rabë́ ꞌimainun achúshi nëtë́inshi amiribishi nitsínruquin ꞌatëcënti ꞌai quiax quian.