Jeremías 18:12 - Kashibo-Kakataibo Biblia

¹² ꞌAínbi ka atun mi kati ꞌikën: ¡Ñankáishi kamina usai ꞌitima ꞌain! Nukamax kananuna nun kuëënkësa ꞌoíshi tsókin, nun sinánkësa okinshi ñu ꞌati ꞌain.

Jeremías 18:12 ပူးပေါင်းရင်းမြစ်များ

Génesis 6:5

Nukën ꞌIbu iskëxbi ka unin ꞌucha ꞌaisamaira ënë menu ꞌiakëxa, ꞌimainun a ꞌatima sinánñu ꞌixun ꞌatima ñuishi ꞌati sinánñuirabu ꞌiakëxa,

Génesis 8:21

Usokian ꞌaia ka Nukën ꞌIbu aín sanu upíira ꞌikë anu nukutia xëakëxa, xëti ka kiakëxa: Uinsaranbi kana amiribishi menu ꞌikë ñukama unin ꞌucha kupín këñunuxuma ꞌain, unin ka xura ꞌixuinshi ꞌatima ñu ꞌatishi sinania. ꞌImainun kana amiribishi ñuinakama ꞌaisamokin ꞌën bërí ꞌakësokin këñutëkëntima ꞌain.

2 Reyes 6:33

Kixun atu kaia sënë́nkë ꞌaímabi ka, anua Eliseo ꞌikë xubunu bëbakin Eliseo kakëxa: —Diosanbi ka ësainu nux ꞌinun nu ꞌimiaxa, ¿añu karanuna nua ꞌakinun kixun kainkin nun ꞌati ꞌain?

Isaías 65:2

Kamabi nëtën kana ꞌën mëkënan mëshpakin ꞌënu unun kixun kana bana kuakëma ꞌikëbi atu kuëanken, mitsux kamina min kuëënkësa okin ñu ꞌatima ꞌai tsókën, usakin ꞌai kamina mitsun sinánkësa ꞌoíshi tsókën.

Jeremías 2:25

¡Israel unikama mitsux bëtsi dioskama rabi abákiani taëinshi kuani min taë ñumi tachakanan, shimai mitsun tëru ëskitima ꞌain! ꞌAínbi kamina mitsux kiakën: Nukaman kananuna bëtsi dios rabikin ëntima aín; usa ꞌain kananuna bëtsi menuxun rabikë dioskama, nuibati atunu kuani nitsin.

Jeremías 23:17

Uikaman kara ꞌën bana kikësabiokin ꞌaisama tankin timaia, atun ka mitsu kati ꞌikën: Kamabi mitsun ꞌakë ñukama ax upí ꞌia. ꞌImainun ka ꞌain sinánkësa okinshia, an ñu ꞌakë unikamanribi mitsu kaia: Uisa ñu ꞌatimabi ka mitsunu ꞌitima ꞌikën.”

Jeremías 6:17

Nukën ꞌIbun ka an bërúanti unikama nanxun aín unikama kakëxa: An manë banañu banókë unin banókë a kamina bëmë́kin kuati ꞌain. ꞌAínbi ka unikama kakëxa: Nukaman kananuna a kuaisamatanin:

Jeremías 7:24

ꞌAínbi ka ꞌëx kikësokin ꞌaisama tanan, ꞌën bana kuaisamatani, atun kuëënkësokinshi ñu ꞌatima ꞌatishi sinani ꞌikankëxa. Usakin ꞌakin ka ꞌëmi sinántëkënkinma, atun kuëënkë ñuishi rabiti ꞌakankëxa.

Ezequiel 37:11

Usa ꞌain ka Diosan ꞌë kakëxa: Israel unikama ax ka ënë xokamasaribi ꞌikën. Usa ꞌaish ka atux ësai ki nitsia: Nun xokamax ka ꞌitsaira paëia, usa ꞌain kananuna nukamax uisa ñu upibi kainima nëtë́kësa ꞌain.

Malaquías 3:14

Ësai kamina mitsux kian: Diosan ñu mëëti ꞌakë ax ka ñankáishibi ꞌakë ꞌikën. ¿Añu karanuna aín bana kikësokin ꞌanan Dios kamabi kushiñu an isnun kixun uni ñukë ꞌain ꞌakësa okin chupa pañuax nikin a ꞌinánti biti ꞌain?

Lucas 1:51

Cushiira ꞌixun ca an unin ꞌacëma ñu ꞌaxa. Axa —ꞌëx cana uni itsisamaira ꞌai —quixun sinani rabícë unicama ca an ñuuma ꞌimiaxa.