Jeremías 15:9 - Kashibo-Kakataibo Biblia

⁹ Usakin ꞌakëbë ka tuá ꞌitsañu xanukamaxribi, aín ñunshin nëtë́ti suñu bikamati uinkamai bë́nani kushi uíni ꞌiti ꞌikën; usai ꞌi rabini ka ñuumasara ꞌaish ꞌikësai atun tuákama nëtë xabá ꞌain bamakë ꞌain ꞌiti ꞌikën, usai ꞌikëbë ka nëtë xabá ax bëánkibukë ꞌiti ꞌikën. Usa ꞌain kana axa bërúkë unikama ami nishkë unikaman ꞌanun ꞌamiti ꞌain. ꞌËx Min ꞌIbu ꞌaish kana asérabi usai kin.

Jeremías 15:9 ပူးပေါင်းရင်းမြစ်များ

Jeremías 19:7

Ënë menuxun kana atun sinánkësokian Judá menu ꞌikë unikama ꞌimainun Jerusalén ëmanu tsókë unikaman ꞌanun ꞌamitima ꞌain. Usokin ꞌakima kana axa ami nishkë unikaman atuira ꞌakanankin ꞌakëxa, ñuia ñuina pëchiñu ꞌimainun axa pianankë raëkëma ñuinakaman piti ꞌimiti ꞌain.

Jeremías 7:19

ꞌAínbi ka ꞌëa aín banan nishmikë usamaira oi atúxa kikë bana anunbi nishia, usai ꞌika aín bana anunbi katë́ti ꞌikania. ꞌËx Min ꞌIbu ꞌaish kana ësai kin.

1 Samuel 2:5

ꞌimainun ka axa ꞌaisamaira pitiñu ꞌiakama, an bërí piti chukúmara kupí aín ñu bëtsi ꞌinania; ꞌaínbi ka axa numin ꞌiakama an, bërí numi tanima. ꞌImainun ka axa tuáñuma ꞌia xanukama, an mapai achúshi ꞌimainun rabë́ okin tuaxa, ꞌaínbi ka ax paia ꞌitsa tuáñu ꞌiakama ax, bërí tuáñuma ꞌikën.