Jeremías 15:18 - Kashibo-Kakataibo Biblia

¹⁸ ¿Uisa kupí kara ꞌëx paëtani tëmërakë ax uínsaranbi nëtë́timin? ¿Uisa kupí kara ꞌëx tëmërakë ax ñumi ꞌikë ronkëxbi mookëma usaribi ꞌik? Minmi ꞌë ꞌakinkëma ax ka ꞌumpaxñuma ꞌinua xëxá ëskikë usaribi ꞌianan, kamina anu ꞌumpax buákiti ꞌakë axa ꞌumpaxñuma ꞌinun barin ëskikë ꞌain ñankáishi ꞌikë usaribi ꞌikën.

Jeremías 15:18 ပူးပေါင်းရင်းမြစ်များ

Job 14:11

parúmpapa ꞌumpax ꞌimainun bakakamax ka kuabutibi aín ꞌumpax chitëti ë́skia;

Jeremías 14:19

ꞌËn ꞌIbu Dios, ¿min kaina Judá menu ꞌikë unikama asérabi ashikin ëan? ¿Min kaina ami atsanxun Jerusalén ëmanu tsókë unikama ëan? ¿Uisa kupín kaina anun romëti ꞌaíma ꞌaínbi ꞌaisamairai ꞌatimanun ꞌimian? Nun kananuna nux upiti tsóti a kainkin, ꞌaínbi ka añu upibi nunu ꞌikëma ꞌikën. Nun kananuna uisabi ꞌinsinima tsótishi sinánkën, ꞌaínbi ka anun rakuë́tisa ñuishi ꞌia.

Jeremías 14:3

Usai ꞌimainun ka ñuñuira unikaman an ñu mëmikë unikama ꞌumpax bitánun xutia; xukëx kuanxunbi ka atun anua ꞌumpax biti ꞌakë kini anua ꞌumpaxñuma okin, anun ꞌumpax biti ꞌakë na buankankë a ñankáishi buani ritëkënkiani; ꞌumpaxbitsi kuanxi ꞌumpaxñuma obiani kuani, chupan rabinkësa ꞌaish mamápukukankëxa.

Jeremías 20:18

¿Uisa kupín kara ꞌëx paë tani masá nuituti ꞌianan, ꞌëx anun tsókë nëtëkaman rabinishi tsótiokin ꞌën titan ꞌë tuakëx? ¿Uisa kupín karana ꞌën titan puku ꞌukë mëuküax rabinishi ꞌëx bamati nëtë ꞌitámainun tsónux bakë́ankën?

Jeremías 20:7

ꞌËn ꞌIbu, min kamina ꞌë paránkën, usa ꞌikëbi kana minmi ꞌë paránun ꞌamian; usa ꞌikëbi kamina mix ꞌën kushisama ꞌixun ꞌë isin. Kamabi hora ka unikaman ꞌë ꞌusani ꞌëmi kuaikania.

Miqueas 1:14

Axa Judánu tsókë unikama mitsun kamina abë istëkënananxuma Moréset-gat kakë ëmanu ꞌikë unikama ashiti kuantanun kati ꞌain. Aczib kakë ëma ax ka anu ñuina pakëti ñu nankë usaribi Israel unikaman ꞌapu an paránti ꞌiti ꞌikën.

Miqueas 1:9

Usa ꞌain kana ꞌëx ësai kin: Samaria ëmanu tsókë unikamax ka ꞌën ꞌatimanun ꞌimikëx unix chankun ꞌikë rontisama usaribi atun ꞌucha ꞌikën, usa ꞌixun ka Judánu ꞌikë unikama ꞌaxa. ꞌAnan ka Jerusalén ëmanu ꞌikë unikamanuribi nukuaxa, anua ꞌën unikama tsókë ëma anuribi.