Jeremías 15:16 - Kashibo-Kakataibo Biblia

¹⁶ Uínsaran kaina min ꞌë kai anun kana ꞌëx upíokin min bana kuati piti nëishokin ꞌakë pi kuëënkë, usaribiti kuëënun ꞌë ꞌimiakëxa, minmi kakë bana an ka ꞌë kuëënun ꞌimiakëxa ꞌëx minan ꞌikë. Nukën ꞌIbu Dios mix kamina kamabi kushiñuira ꞌain.

Jeremías 15:16 ပူးပေါင်းရင်းမြစ်များ

Nehemías 8:12

Usakin kakëx chuámarua tani kuëëni rikianxun piananbi xëakin axa pitiñumakama aribi kuënxun pikianan xëakikin fiesta chaiira atun ꞌakëxa, upíokian atu bana ñuixunkë a kuatankëx kuëënkin ka usakin ꞌakankëxa.

Salmos 119:111

Min banakama ꞌën ꞌunánkë ax ka këñutima ꞌikën, a bana kaman ka chuáma tani kuëënun ꞌë ꞌimia.

Salmos 119:97

¡A mi ꞌë ꞌunánmikë min bana kana ꞌitsaira kuëënin! ¡Usa ꞌixun kana kamabi nëtën iskin anua ꞌunanin!

Salmos 19:10

¡Usa ꞌaish ka kuri upíira kupíkë usamaira ꞌikën! ¡ꞌianan ka buna rëpa bataira ꞌain bánu ꞌikë usaribi ꞌixun nu ꞌunánmia!

Jeremías 14:9

¿Uisa kupín kaina achúshi uni ñu ꞌianan, axa ꞌakánanti ꞌunánkë ꞌixunbi raíri uni ꞌakinkin ië́mikëma usaribi ꞌain? Usa ꞌaínbi kamina mix nun Dios ꞌaish nukama nëbëtsi ꞌiti ꞌain, usa ꞌain ka nux kananuna min unikama ꞌai kixun kamaxunbi ꞌunánkanxa; ¡usa ꞌain kamina nukama ëntima ꞌain!

Ezequiel 2:8

Usa ꞌain kamina min ꞌën kakëxun upíokin kuati ꞌain, kuati kamina atux ꞌikësaribiti bana kuakëma unisa ꞌitima ꞌain. Usa ꞌain kamina añu karana ꞌën mi ꞌinani a piti ꞌain.”

Miqueas 2:7

¿Mitsun kaina Diosan ka aín uni Israelkama ꞌatima okëma ꞌikë kixun sinanin? ¿Mitsun kaina Diosan ka nishkin aín uni ꞌakinti ëanxa kixun sinanin? ¿Mitsun kaina ꞌëx kikësokinsa Diosan aíma kixun sinanin? ¿Mitsun kaina Dios kikë bana an kara upíñu anun amima kixun sinanin?