Jeremías 15:14 - Kashibo-Kakataibo Biblia

¹⁴ ꞌËn kana axa mimi nishkë unikaman mitsun ꞌunánkëma menu buántankëxun tëmëramikin ñu mëëminun mikama ꞌimiti ꞌain, ꞌëx mimi ꞌitsaira nishkë anbi ka tsi rëkirukënëa ñu këñukësa usaribi okin mitsu ꞌati ꞌikën.

Jeremías 15:14 ပူးပေါင်းရင်းမြစ်များ

Isaías 42:25

Usa ꞌain ka atumi nishkin an tëmëramiti, ami nishkë unikaman bënë́kinshi ꞌakanankin ꞌanun ꞌamiakëxa; usakin Nukën ꞌIbun ꞌakëxunbi ka ꞌunánkinma kuaisama tankankëxa.

Jeremías 14:18

ꞌImainun kana ninu kuankin, anuaribi ꞌakanania anuax uni ñuia isanan; ëmanu atsínkin anuaribi a piti ꞌaíma ꞌain numin bamaia uni isin. Usaia ꞌikankëbë ka an Dios kikë bana ñuikë unikama ꞌimainun sacerdotekamax an ꞌunánkëma bëtsi ëmakamanu kuani añu kara ꞌati ꞌikë kixun ꞌunánimabi nitsia.

Jeremías 15:4

Ësokin kana kamabi menu ꞌikë uníxa a isi rakuë́tanun ꞌati ꞌain, Judá menua ꞌapu ꞌikë Manasés Ezequíasnën bakë bëchikë an ka ꞌatimakin Jerusalénnu ñu ꞌaxa usa ꞌain.

Amós 5:27

Usa ꞌain kana ñatanbiankin mitsu axa mimi nishkë unikaman Damasco ëma inumibiankin buántanun ꞌamiti ꞌain. Usai ka Dios kamabi kushiñuira ax kia. Usa ka aín anë ꞌikën.

Deuteronomio 32:22

ꞌËx xuamati nishkë ax ka tsi rëkiruia iskësa ꞌiaxa, usai ꞌikin ka kamabi ꞌain bashi chairukë; a menu kookë ñu bimiñu xaronan; ꞌain bashi chairukë a tanain ꞌikë me anubi tsi rëkirukënën ñu këñukësa usa aín nishkë ꞌiti ꞌikën,

Hebreos 12:29

ax upíira ꞌixun ca rëquiruquin tsin ꞌacësaribi oquin ñu ꞌaisamacama cëñuti ꞌicë quixun sinánquin.