Jeremías 15:11 - Kashibo-Kakataibo Biblia

¹¹ Usa ꞌain ka atumi ꞌatimakin sinánxunkë ax asérabi ꞌiti ꞌikën, ꞌën ꞌIbu Dios, ꞌën mi asérabi axa ꞌëmi nishkë unikama ꞌaisama ñu inuti bënëtiabi ñukáxunkëbëma ka mix kikë usaibi ꞌiti ꞌikën.

Jeremías 15:11 ပူးပေါင်းရင်းမြစ်များ

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Jeremías 37:17

Usakin ꞌakë ꞌain ka ꞌitsa nëtë ꞌikëbëtan ꞌapu Sedequíasnën aín xubunu an bana ñuikë Jeremías buánxunun kixun kakëxa, kakëxun buánkë ka unin kuanuma ñukákëxa: —¿Mi kara min ꞌIbun ꞌë ñuikin achúshi banabi kakëma ꞌik? Kixuan kakëxun ka Jeremíasnën kakëxa: —Usa ka, ax ka ësa ꞌikën: mix ismina ꞌapu ꞌai, ꞌaínbi ismina mix Babilonianu ꞌikë ꞌapun aín unikama bimikë ꞌiti ꞌai kiax ka kia.

Jeremías 37:3

Usa ꞌain ka ꞌapu Sedequíasnën Israel uni rabë́, an bana ñuikë Jeremíasbë banatanun xuakëxa, akamax ka Jucal Selemíasnën bakë bëchikë ꞌimainun sacerdote Sofonías Maaseíasnën bakë bëchikë a rabë́ xukin ka ësokian katánun kakëxa: “Nukama kamina Nukën ꞌIbu Dios ñukáxunti ꞌain.”

Jeremías 38:14

Achúshi nëtën ka ꞌapu Sedequíasnën aín suntárukama anua an Dios kikë bana ñuikë Jeremías bënun ꞌamiakëxa, ax ka anuxun Dios rabiti xubu xëkuë rabë́ ꞌimainun achúshi anun atsínti ꞌikë anu ꞌiakëxa. Anuxun ka ꞌapun kakëxa: —ꞌËn kana mi ꞌachúshi ñu ñukatin, usa ꞌain kamina kamabi ñu min ꞌunánkëkama asérabi ꞌë kati ꞌain.