Jeremías 14:2 - Kashibo-Kakataibo Biblia

² Judánu tsókë unikama ka nitë́xëti inia, usa ꞌain ka anu ꞌikë ëmakamanu ꞌikë unikamax tëmëraia, usai ꞌika anu ꞌikë unikama menu tsótax masánuitutia. Usai ꞌika Jerusalénnu ꞌikë unikama munuma kuënkëni paëtani inkania.

Jeremías 14:2 ပူးပေါင်းရင်းမြစ်များ

Éxodo 2:24

Usai atux kia kuakin ka Diosan achúshi ñua Abraham, Isaac ꞌimainun Jacob akamabëtan ꞌa a sinánkin ꞌakiankëxa.

Isaías 33:9

Mex ka uni ñukë ꞌain masá nuitukë usa ꞌikën, Líbano me axribi ka anu ꞌikë ikama chushikë ꞌain unix ꞌikësai rabinkësa ꞌikën, ꞌimainun ka Sarón kakë me sapan kiankë axribi anu uni ꞌikëma mesa ꞌikën, ꞌimainun ka Basán me ꞌianan Carmelo kakë bashi anu ꞌikëkama axribi me ëskikëbë xanani ikama axribi aín pëchi rëukubutia.

Isaías 5:7

Nukën ꞌIbu Dios kamabi kushiñuira an ka aín ꞌapákë uvas ꞌitsaira kuëënia, usaribi ka Israel menua ꞌikë a ꞌimainun, Judá ëmanua bukukë unikama atux ꞌikën. Usa ꞌain ka Nukën ꞌIbun anu tsókë unikama upíokin ñu ꞌaiama aín bana kikësabiokin ꞌati kaíankëxa, usa ꞌain ka unikama bëtsi unikamabë ꞌatima onani; ꞌupiokin ñu ꞌaínmabi; ꞌitsaira paë tani sharatia kuati ꞌikën.

Jeremías 18:22

ꞌËn kana kuëënin xuisa tankin sapi kamina atu ratuia, mëkama unibu atux kuankëbëa atun xubunuax kuënkëni ratúkantanun xuti kuëënin. Usa ꞌaínbi ka atun anu pakëtia ꞌë bikatsikixun kini chaiira ꞌanan, anun ꞌëx niti bainuribi unëkin ami ꞌëx ꞌiti ñuribi nanxa.

Oseas 4:3

Usa ꞌain ka ënë menu uni ñukë ꞌain pañukë chupa a pañuax masá nuituti nitë́xëkë usa ꞌixun añu ñubi kuëënima; usa ꞌain ka anu tsókë unikama kushiñuma ꞌikën; usai ꞌimainun ka raëkëma ñuina ꞌimainun, manan nikë ñukama bamamainun parúmpapanu ꞌikë tsatsakama axribi bamaia.

Joel 1:10

Naëkamanu ka añu ñubi koima, mekamax ka uni ꞌain ꞌaintsi ñukë ꞌain masá nuitukë usaribi ꞌikën. Usa ꞌain ka trigo ꞌapákë ꞌimainun uvas ꞌianan, olivos akamax ka ëski chushiaxa.

Joel 1:11

Axa naënu ñu mëi tëkë unikama ꞌimainun axa uvas ꞌapákënu tëkë unikama mitsux kamina masá nuituti inkanti ꞌain, ami ꞌapákë ñukama ka kamaxi nëtë́axa, ꞌimainun ka anun biti ꞌurama ꞌaínbi trigo ꞌimainun cebada akamabi këñúaxa.

Joel 1:14

Usa ꞌain kamina kamabi unikama pima samákanun kati ꞌain; usai ꞌixun kamina anuxun Dios rabiti xubunu uni aín tukurikubu ꞌimainun kamabi unikama a menu ꞌikë timë́ti ꞌikën, anuxun ka Dios atun ꞌuchakëkama ñuixunti ꞌikën.

Joel 2:6

Usa ꞌain ka unikamax suntárukama bëbaia isi rakuë́ti bërëi achúshi achúshi uni aín bëmánan bëpëki ꞌikanti ꞌikën.

1 Samuel 5:12

Usai ꞌikëbëtan ka naínuxunbi kuaisa ꞌitánun an ꞌakinun kixun aín nami ankëti ku ꞌiruaxia ñukëmakama an atun dios ñukákëxa.

1 Samuel 9:16

“Imë́ishi ënë horanbi kana achúshi, Benjamínën rëbúnki aín menu tsókë xuti ꞌain, akamina ꞌain maxkánu xëni chikukin mamëti ꞌain, ax ka Israel unikaman ꞌapu ꞌiti ꞌikën. An ka filisteo unikaman ꞌatimoiabi ꞌën uni Israelkama ꞌakinti ꞌikën, ꞌënbi kana ꞌitsaira tëmërai kikania kuakin atu ꞌakinti sinan.”