Jeremías 14:19 - Kashibo-Kakataibo Biblia

¹⁹ ꞌËn ꞌIbu Dios, ¿min kaina Judá menu ꞌikë unikama asérabi ashikin ëan? ¿Min kaina ami atsanxun Jerusalén ëmanu tsókë unikama ëan? ¿Uisa kupín kaina anun romëti ꞌaíma ꞌaínbi ꞌaisamairai ꞌatimanun ꞌimian? Nun kananuna nux upiti tsóti a kainkin, ꞌaínbi ka añu upibi nunu ꞌikëma ꞌikën. Nun kananuna uisabi ꞌinsinima tsótishi sinánkën, ꞌaínbi ka anun rakuë́tisa ñuishi ꞌia.

Jeremías 14:19 ပူးပေါင်းရင်းမြစ်များ

Salmos 89:38

Usa ꞌaínbi kamina, min kaískë ꞌapubi ꞌakinsama tankin; ¡usokin ꞌanan kamina ami nishkin ꞌaisama on!

Jeremías 15:1

Ësakin ka Nukën ꞌIbun ꞌë kakëxa: Mitsun chaitiokë Moisés ꞌimainun Samuelnën ꞌë bëtánain nirakëxun usakin kamina ꞌatima ꞌai kixun kakëxunbi kana ënë unikama nuibatima ꞌain. Usa ꞌain kamina anu ꞌëx ꞌikë ënuax chikíkiania kuantanun ënë unikama kati ꞌain.

Jeremías 15:18

¿Uisa kupí kara ꞌëx paëtani tëmërakë ax uínsaranbi nëtë́timin? ¿Uisa kupí kara ꞌëx tëmërakë ax ñumi ꞌikë ronkëxbi mookëma usaribi ꞌik? Minmi ꞌë ꞌakinkëma ax ka ꞌumpaxñuma ꞌinua xëxá ëskikë usaribi ꞌianan, kamina anu ꞌumpax buákiti ꞌakë axa ꞌumpaxñuma ꞌinun barin ëskikë ꞌain ñankáishi ꞌikë usaribi ꞌikën.

Jeremías 6:30

Usa ꞌain ka atux. Kuríki ꞌatima okë kakin anëkë ꞌiti ꞌikën, usa ꞌain kamina mix Dios ꞌixun ꞌatima ñu aín upí kaístankëxun pukësa ꞌinun atu ꞌimian.

Jeremías 7:29

¡Judá menu tsókë unikama mitsun bu tëatankëx kamina ka masánuitukan kixuan ꞌunántanun niti ꞌain! ¡Nianan kamina aín bashi matákama anu uni ꞌikëma anuax masánuituti kantati ꞌain! Diosan ka mikaman nishmikëxun rakankësa ꞌinun mitsu ëanxa.

Miqueas 1:12

ꞌImainun ka axa Marot kakë ëmanu tsókë unikamax uin karaisa axa atumi nishkë unikamanua chikínun ꞌakinti ꞌikë kixun sinani bënëtiabi uínbi ꞌakintima ꞌikën, Nukën ꞌIbunbi ꞌimikëx ꞌatima ñu inúkanti ax Jerusalén ëmanu anun atsínti xëpútikama anubi bëbaruti ꞌikën.

1 Tesalonicenses 5:3

Axa Jesucristomi sináncëma unicamaxa: “Chuámashi cananuna bucuin, uisa ñunbi ca nu uisotima ꞌicë” quicëbëbi ca anúan cëñúcanti nëtë atun sináncë ꞌaímabi unuxun ꞌaia. Xanu tuñunën ca anúan ax bacë́nti nëtë sënéncëbëtan paë taníma ꞌima. Usaribiti ca axa usai banacë unicama anúan cëñúti nëtëa ucëbë ië́tima ꞌicën.