Jeremías 14:14 - Kashibo-Kakataibo Biblia

¹⁴ Ësokin kakëxunbi ka Nukën ꞌIbu Diosan ꞌë kakëxa: Asabi ka usaika ꞌën anë ñui ꞌën kakëxmabi, an bana ñuikë unikama këmëi kia. ꞌËn kana usakian ñu ꞌanun a unikama kaiskëma ꞌain, ꞌimainun kana uisa banabi kakëma ꞌain. Akamax ka ꞌën usakin anun namákësokin ismikëxumabi këmëkinshi ꞌanan atúnbi usakin ꞌati sinanx kikë ꞌikën. Ësai ka ënë ñukama ñui an bana ñuikë unikamax kia.

Jeremías 14:14 ပူးပေါင်းရင်းမြစ်များ

Jeremías 20:6

ꞌImainun ka Pashur miribi axa mimi nishkë unikaman Babilonianu min aintsikama këñunbi buánti ꞌikën. Anuax ñuia ka min ꞌunánkë unikama këñunbi anubi mi mainkanti ꞌikën, min kamina këmëkin asérabi ꞌikëmabi usai isa ñu ꞌiti ꞌikë kixun bana atu ñuixuankën.”

Jeremías 37:19

¿Uinu kara an Dios kikë bana ñuikë ꞌixunbi ꞌatimakin ñuikin Babilonianu ꞌikë ꞌapun ka aín suntárukambëtan ꞌanan mitsun meribi ꞌatimotima ꞌikë kixun ká unikama ax ꞌik?

Miqueas 3:11

Axa Jerusalén ëmanu ꞌikë an bana mëníokë unikama an ka uin kara kupíoia a ëanan an kupíokë a ꞌatima oti sinania, ꞌimainun ka sacerdotekaman kupíokëxunshi uni ꞌunánmiti kuëënia, ꞌianan ka an Dios kikë bana ñuikë unikamanribi kuríki kupíshi abi sinántankëx ësai kia: Nukën ꞌIbu ka nubë ꞌikën usa ꞌixun ka ñu ꞌatima inútima rabanan Nukën ꞌIbun nu bërúaia.

Deuteronomio 18:20

ꞌAínbi ka ꞌën bana ñuikë uni ꞌixunmabia an ꞌën kakëxunmabi bana ñuikë, a ꞌimainun bëtsi dios ñuikin uni bana ñuixunkë a unikamax ka ꞌakë ꞌiti ꞌikën.

1 Timoteo 4:2

Usai ꞌiquin ca axa cëmëcë unin bana cuati ꞌicën. A cëmëcë unicama an ca cëmë́ntapun ꞌaish cëmëquin, usai banati ca ꞌaisama ꞌicë quixun ꞌunaníma. Usa unicamax ca aránpi ꞌitsisan mëpëpëcacë́xa mocënu ñun naxcacëxunbia paë tancëma unisaribi ꞌicën.

1 Juan 4:1

ꞌËn nuibacë xucë́antu, ënë nëtënuxun ca ꞌitsa unin —Nucën Papa Diosan sinánmicëxun cana uni bana ñuixuni —quiquinbi an sinánmicëxunmabi anbia sináncë bana uni ñuixunia. Usa ꞌain camina —Nucën Papa Diosan ca ꞌë sinánmia —quiquian unin ñuicë bana acamaira cuatima ꞌain. Upí oquin pain camina asérabi cara Nucën Papa Diosan sinánmicëxun uni ñuixunia quixun cuati ꞌain.