Jeremías 14:13 - Kashibo-Kakataibo Biblia

¹³ Ësai kiabi kana ꞌën Dios kakën: Nukën ꞌIbu Dios an bana ñuikë unikaman ka unikama ësokin bana ñuixunia, ꞌakánanti ka ꞌaíma ꞌinuxun ꞌaia, ꞌimainun ka numiribi ꞌitima ꞌikën, usa ꞌain ismina min ënë menu basi uni upitax nuibanani tsónun ꞌiminuxun ꞌai ka atux kia.

Jeremías 14:13 ပူးပေါင်းရင်းမြစ်များ

Jeremías 1:6

Ësakin kakëxun ꞌënribi kan: ¡ꞌËn ꞌIbu Dios! ¡ꞌËx bëná pain ꞌixun uisai banati kara abi ꞌunaniman!

Jeremías 20:6

ꞌImainun ka Pashur miribi axa mimi nishkë unikaman Babilonianu min aintsikama këñunbi buánti ꞌikën. Anuax ñuia ka min ꞌunánkë unikama këñunbi anubi mi mainkanti ꞌikën, min kamina këmëkin asérabi ꞌikëmabi usai isa ñu ꞌiti ꞌikë kixun bana atu ñuixuankën.”

Jeremías 23:17

Uikaman kara ꞌën bana kikësabiokin ꞌaisama tankin timaia, atun ka mitsu kati ꞌikën: Kamabi mitsun ꞌakë ñukama ax upí ꞌia. ꞌImainun ka ꞌain sinánkësa okinshia, an ñu ꞌakë unikamanribi mitsu kaia: Uisa ñu ꞌatimabi ka mitsunu ꞌitima ꞌikën.”

Jeremías 37:19

¿Uinu kara an Dios kikë bana ñuikë ꞌixunbi ꞌatimakin ñuikin Babilonianu ꞌikë ꞌapun ka aín suntárukambëtan ꞌanan mitsun meribi ꞌatimotima ꞌikë kixun ká unikama ax ꞌik?

Miqueas 3:11

Axa Jerusalén ëmanu ꞌikë an bana mëníokë unikama an ka uin kara kupíoia a ëanan an kupíokë a ꞌatima oti sinania, ꞌimainun ka sacerdotekaman kupíokëxunshi uni ꞌunánmiti kuëënia, ꞌianan ka an Dios kikë bana ñuikë unikamanribi kuríki kupíshi abi sinántankëx ësai kia: Nukën ꞌIbu ka nubë ꞌikën usa ꞌixun ka ñu ꞌatima inútima rabanan Nukën ꞌIbun nu bërúaia.

2 Pedro 2:1

Usa ꞌaínbi ca ꞌiacëxa, uni raíri, an —Nucën Papa Dios ca usai quia —quixun cëmëquin anbi sináncë bana nucën raracama ñuixuncë. Usaribiti ca an mitsu bana ñuixunti uni cëmëquin parani mitsubë ꞌiti ꞌicën. Atúnbi sinánxun ca Nucën Papa Diosan banamabi ꞌatima bana ñuixunquin, Nucën ꞌIbu Jesucristo ami catamëtia uni Nucën Papa Diosnan ꞌiti, ami catamëaxma ꞌinun quixun ñuixunquin uni sinanamiti ꞌicën. Usaquin ꞌacë ꞌaish ca a unicamax bënëtishi cëñúti ꞌicën.