Jeremías 14:12 - Kashibo-Kakataibo Biblia

¹² Usa ꞌain kana ꞌitsa nëtë imi pima samákin atun ñukákëxunbi kuatima ꞌain; ꞌianan kana ꞌitsaira ñuina xaroxuanan ñu ꞌapákë aín bimi ꞌë bëxun nanxunkëxunbi ꞌën upí istima ꞌain. Usa ꞌain kana ꞌën suntárukama abë ꞌakanankin ꞌakëx ꞌianan, atun piti ꞌaíma ꞌain numin ꞌianan, ꞌinsinan këñunun ꞌimiti ꞌain.

Jeremías 14:12 ပူးပေါင်းရင်းမြစ်များ

Proverbios 1:28

Usai ꞌikin kamina a nëtën ꞌakinnun kixun ꞌë kuënkanti ꞌain, ꞌaínbi kana ꞌën mitsun kakëxunbi kuashiti ꞌain; usokëxun barikinbi kamina ꞌë mërakantima ꞌain;

Proverbios 15:8

Nukën ꞌIbu Diosan ka uni ꞌatima sinánñukaman ñu ꞌaxunkëxunbi a upí isima, ꞌaínbi ka uni upí sinánñukama an ñukákëxun kuni kuatia.

Isaías 58:3

usai ꞌibi ka kikania. ¿Uisa kupín karanuna Diosan iskëbëtanmabi pikëmëti ꞌain? ¿Uisa kupín karanuna Diosan ka usai ꞌi tëmëraia kixun ꞌunánkëbëmabi usai ꞌiti ꞌain? Anunmi pikëmëti nëtën kamina mitsun ñukama marutishi ꞌanan, a mitsun ñu mëmikë unikamaribi ꞌatima okanin;

Jeremías 15:1

Ësakin ka Nukën ꞌIbun ꞌë kakëxa: Mitsun chaitiokë Moisés ꞌimainun Samuelnën ꞌë bëtánain nirakëxun usakin kamina ꞌatima ꞌai kixun kakëxunbi kana ënë unikama nuibatima ꞌain. Usa ꞌain kamina anu ꞌëx ꞌikë ënuax chikíkiania kuantanun ënë unikama kati ꞌain.

Jeremías 6:20

¿Uisoti kaina mitsun Sabá menu ꞌikë sanuira ñu a ꞌimainun ro ua sanuira ꞌura ꞌikë me kamanua ꞌikë a ꞌë bëxun kanin? ꞌËx kana kuëënima ꞌaímai këñutanun xarokë a ꞌianan, bëtsi ñukamaribi bëxun xarokëxbi ka ꞌën iskëx upíma ꞌikën:

Jeremías 9:16

Usakin ꞌanan kana ꞌën mekamanu ꞌikë atun papanbi ꞌunánma ëmakamanu kuani abístanun ꞌiminuxun ꞌain; usakin ꞌanan kana axa ami nishkë unikaman ꞌain manë xëtokë tuínxun anun ꞌanan achirabi nitánuma kamabi binun bimiti ꞌain.

Oseas 5:6

Achúshi nëtën ka atun ovejakama ꞌimainun vacakama buánxun ꞌë barikanti ꞌikën, usokin ꞌakinbi ka atun ꞌë mërakantima ꞌikën, atunuax urakin kana ꞌën ëankën.

Amós 5:21

ꞌËn kana mitsunmi timë́xun fiesta ꞌakë a asérabi kuëëniman; ꞌimainun kana ñu rabi timëkankë abi istisama tankin timain.

Miqueas 3:4

Achúshi nëtën kamina mitsun Dios ꞌakinun kixun kati ꞌain, ꞌaínbi ka mitsun ñukákëxun an kuatima ꞌikën. A nëtën ka Dios mitsumi unë́kësa ꞌiti ꞌikën ñu ꞌatimaira ꞌaimi ami ꞌuchakankë ꞌain.

Malaquías 1:10

“¡Uisati kara mitsu achúshinën anuxun Dios rabiti xubu xëpútikama xëpútima ꞌikën, anuxunma ꞌë ñuina xaroxunti anu ñankabi tsi bimitëkënkania usa ꞌain! ꞌËn kana mitsu nuibakëmapan ꞌain, ꞌianan kana mitsun ꞌë ꞌinaishikë ñukama abi bitëkëntima ꞌain:

Malaquías 2:13

ꞌAínbi kamina mitsun ꞌaisamaira okin ꞌakanin: usakin ꞌai ꞌitsaira inkin kamina anuxun Dios ñuina xaroxunti a ꞌitsaira mitsun bëunan buchutisa oi ꞌin, i kamina chaiira masá nuitutin, usai kamina Diosan mitsun ñukama bëxunkëxunbi upíokin kuëënkin bisama tankëbë inkanin.

Apocalipsis 6:8

Cuaquin isquin cana bëtsi caballo, curua, chiquitia isan. Axa anu tsócë uni aín anëx ca Bamati cacë ꞌiaxa. An Bamati cacë uni a nuibiancë, a unix ca Anua Uni Bamacë ꞌIti caquin anëcë a ꞌiaxa. A uni rabë́ ca, ënë menu ꞌicë unicama ꞌaisamaira ꞌaísha nëbë́tsi, rabë́ ꞌimainun rabë́ oquin tëacësa ꞌicëbia amo ꞌicë achúshi cëñunun Nucën Papa Diosan ꞌimiaxa. Usaquin ꞌimicëxun ca a uni rabëtan ꞌacananía ꞌaisamaira uni bamanun ꞌimianan ꞌacëñuma ꞌaísha ꞌaisamaira uni bamanun ꞌimianan ꞌinsinan ꞌaisamaira uni bamanun ꞌimianan axa piánancë ñuinacan picë́xa ꞌaisamaira uni bamanun ꞌimiaxa.