Jeremías 14:10 - Kashibo-Kakataibo Biblia

¹⁰ Diosan ka Jeremías Judá menu tsókë aín uni Israelkama ñuikin kakëxa: Ënë unikamax ka atun kuëënkësa oi ñu ꞌaíma bëtsinu bëtsinu kuani niti kuëënia. Usa ꞌikë kana a unikama ꞌën kuëënkin isiman. Usa ꞌain kana bërí atun ñu ꞌatima ꞌakë a sinánkin, atun ꞌuchakë kupí ꞌatima oti ꞌain.

Jeremías 14:10 ပူးပေါင်းရင်းမြစ်များ

1 Reyes 17:18

Usaia aín tuá ꞌian ka kasunamëkë xanu an ësokin Elías kakëxa: —¿Añu karana ꞌën mixmi Diosan uni ꞌain, mibëtan ꞌati ꞌain? ¿Mix kaina ꞌën ꞌucha kupín ꞌuchañu kamina ꞌai ꞌë kakin ꞌën tuá ñumiti kupín ënu uan?

Salmos 119:101

ꞌËn kana kamabi ñu ꞌatima ꞌën ꞌakëkama ëan, usa ꞌixun kana min banakama kikësokinshi ꞌain.

Salmos 95:10

ꞌËx kana cuarenta baritia ꞌimi ꞌitsaira atumi nishakën, usai ꞌikin kana a unikama ꞌatimati kananuna tsóti kixuan unánun ꞌunánmiakën; ¡usai ꞌikin ka ax kikësabi oi ꞌiti ꞌën bana a tankama ꞌikën!

Éxodo 32:34

Usa ꞌain kamina ënë unikama a me ꞌinánnuxun mi kakë anu uanti ꞌain. ꞌËn ángel kana an mi rëkuë́n obianun xuti ꞌain. ꞌImainun kana uínsaran kara uni ꞌaisamaira tëmëramiti nëtë ꞌia a nëtën, kana atun ꞌucha kupín ꞌën ꞌaisamaira tëmëramikin ꞌatima oti ꞌain.

Jeremías 2:36

¿Uisa kupín kaina bëtsi unikamabë biranankatsi kixun bënë́kinshi sinanin? Usa ꞌaínbi ka Egipto menu tsókë unikaman ka mitsu ꞌakintima ꞌikën, Asiria menu tsókë unikaman mitsu ꞌakianmasa okin.

Jeremías 31:34

Usa ꞌain ka uínsaranbi uínbi bëtsi uni usa ka Nukën ꞌIbu ꞌikë kixun ꞌunámitima ꞌikën, an ꞌunánkë unikama ꞌimainun aín aintsikama ꞌëa ꞌunánun ꞌunánmitëkëinsama ꞌiti ꞌikën, atun ka kamaxunbi uni apanbu ꞌimainun tuáxura kamanbi ka Dios ꞌikë ꞌë ꞌunánkë ꞌiti ꞌikën. ꞌËn kana atun ñu ꞌatima ꞌakëkama mëníoxunkin, atun ꞌuchakëkama a amiribishi sinántëkëntima ꞌain. ꞌËx mitsun ꞌIbu ꞌaish kana asérabi ësai kiakën.

Jeremías 6:20

¿Uisoti kaina mitsun Sabá menu ꞌikë sanuira ñu a ꞌimainun ro ua sanuira ꞌura ꞌikë me kamanua ꞌikë a ꞌë bëxun kanin? ꞌËx kana kuëënima ꞌaímai këñutanun xarokë a ꞌianan, bëtsi ñukamaribi bëxun xarokëxbi ka ꞌën iskëx upíma ꞌikën:

Oseas 11:7

ꞌËn unikama ka bëtsi ñuishi ꞌai ꞌë ꞌura ꞌia; usa ꞌixun ka bëtsi dioskamaishi nuikin ꞌë ënkanxa; usa ꞌixun kamina ax isa ꞌësamaira kushi ꞌikë kixun sinánkanin, ꞌaínbi ka an mitsu ꞌakintima ꞌikën.

Oseas 11:9

Usa ꞌain kana ꞌëx nishkësokinshi ꞌatima ꞌain: usakin ꞌakin kana Efraín amiribishi ꞌatima okin këñutima ꞌain, ꞌëx kana Dios ꞌain, usa ꞌaish kana ꞌëx unima ꞌain, ꞌëx kana upíira ꞌaish mi nëbëtsi ꞌain, usa ꞌaish kana mitsu këñui ukëma ꞌain.”

Amós 3:2

“ꞌËn kana kamabi menu ꞌikë unikama ꞌakima mitsuishi kaisakën. Usa ꞌikë kana uisa ñu ꞌatimakama kaina ꞌakan usakinbi a kupín mitsu tëmëramiti ꞌain.”

Amós 5:22

ꞌËn kana mitsunmi ñuina ꞌaímai xarátanun ꞌë xaroxunkë abi kuëëniman, ꞌimainun kana ꞌë ꞌinaínshiti bikë ñu bimikama abi istisama tanin; ꞌianan kana vaca bakë xuairabu anúnmi mitsux ꞌuchakë mëníokakanti ꞌë ꞌaxunti mi bëkankë akamabi istisama tanin.

Hebreos 8:12

Usaía ax ꞌicë uni a cana ñu ꞌatima ꞌacëbi nuibaquin aín ꞌuchacama tërë́nti ꞌain. Tërë́nxun cana manuquin aín ꞌuchacama sinántëcëntima ꞌain.

1 Samuel 15:2

Nukën ꞌIbu kamabi kushiñuira an ka mi ësokin kaia: bërí kana amalecita unikamami ꞌën ꞌamikëxun ꞌanun mi ꞌamiti ꞌain, usa ꞌaínbi ka atun Israel unikama Egipto menuaxa aia atubë ꞌakanankin ꞌakëxa.