Jeremías 1:18 - Kashibo-Kakataibo Biblia

¹⁸ ꞌËn kana mi bërí kushiira ꞌinun ꞌimikin, ëma upíokin kënëkin ꞌakë usa ꞌianan, manë tunan ami xubu buaruti nitsínkë usaribi ꞌinun ꞌimianan, anun ëma kënëarakë manë panshian iruira usaribi ꞌixunmi, Judá menu ꞌikë ꞌapukama ꞌimainun aín kushibu ꞌianan, sacerdotekama ꞌianan, kamabi unikama atusamaira ꞌixun minra kanun mi ꞌimiti ꞌain.

Jeremías 1:18 ပူးပေါင်းရင်းမြစ်များ

Isaías 50:7

Nukën ꞌIbu ax ka an ꞌë ꞌakinkë ꞌikën: usa ꞌain ka ꞌatimokin ꞌë ñuikë bana an ꞌë uisabi oima; usa ꞌain kana, ꞌëx achúshi mapara irusaribi ꞌaish anubi ꞌian, usa ꞌixun kana, ꞌëx usai ꞌikë anun kana katë́ti rabinkë ꞌitima ꞌai kixun ꞌunan.

Jeremías 1:17

Usa ꞌain kamina mix atu ꞌën kakë banakama kai kuanux rakuë́ti sinanima, anun ꞌakánanti nëtën ꞌikësai mëníokati ꞌain; usa ꞌain kamina kuantankëxun ꞌën mi kakë banakama atu kai kuanti ꞌain. Atumi kamina rakuë́tima ꞌain, atumi rakuë́tia kana ꞌën mi, atunu kuanimi rakuë́ti bërënun ꞌimiti ꞌain.

Jeremías 1:19

A unikamax ka mibë mëëananti ꞌikën, ꞌixunbi ka mi kanantima ꞌikën, ꞌëx kana mi bërúai mibë ꞌiti ꞌain. ꞌËn kana Dios ꞌixun kakësa okinbi asérabi mi ꞌakinti ꞌain.

Jeremías 15:10

¡Ësai ka an bana ñuikë kiakëxa: Uisai karana ꞌiti ꞌain, uisa ꞌixun kara ꞌën titan bëtsi rabanan nëëti kamabi unibë mëëananti okin ꞌë tuakëxa! Uibi kana ꞌën kuríki ꞌinántëkënua ꞌë kuríki ꞌinánun ñukákëma ꞌain, ꞌianan ka ꞌëribi kuríki ꞌinantëkënuxun ñukákëma ꞌikën, usa ꞌaínbi ka kamaxunbi ꞌatima okin sinánkin ꞌë ñuia.

Jeremías 15:20

ꞌËn kana mixmi ënë unikamanan achúshi kënë manë panshianën kënëarakin kushiokin nitsinkë usaribi ꞌinun mi ꞌimiti ꞌain. Usa ꞌikë ka mibë ꞌakanankinbi uínbi mi kanantima ꞌikën, ꞌën kana mi bërúankin ië́miti ꞌain. ꞌËx kana Min ꞌIbu ꞌaish usai kin.

Jeremías 20:11

ꞌAínbi kamina mix Nukën ꞌIbu ꞌaish ꞌëbë ꞌai, achúshi uni ꞌakánanti ꞌunáinra ꞌikë uínbi kanánkëma usaribi ꞌain; usa ꞌain ka an ꞌë ꞌakatsi kixun nuikë unikaman, ꞌë rëtëtima ꞌikën; usai ꞌika atun ꞌanuxun sinánkë usakin ꞌaíma rabinkë bërúti ꞌikën, usaía rabinkë ax ka uínsaranbi uínbi manukëma ꞌiti ꞌikën.

Jeremías 26:24

Usa ꞌain ka Ahicam, Safánën bakë bëchikë axribi an bana ñuikë Jeremíasnën rabanan nëëti kiakëxa, kikëbëtan ka an ꞌati unikama ꞌináma ꞌikën.

Jeremías 37:7

min kamina ësai ka Nukën ꞌIbu Israel unikaman Dios ax kiaxa kixun axa ukë unikama kati ꞌain: “Judánu ꞌikë ꞌapu an ꞌëbë banati uni xukë a kamina kati ꞌain, axa ukë faraónën suntárukama axa a ꞌakini ukë ax ka bainu bërukiani Egiptonu kuantëkëanxa.

Jeremías 38:18

ꞌAínbi ka mixmi atunu ꞌinamëkëbëtama ënë ëma ꞌibuakin Babilonia unikaman në́nti ꞌikën, në́nkëbë kamina mix abátima ꞌain.

Jeremías 38:2

“Nukën ꞌIbu Dios ka ësai kiaxa: Uix kara ënë ëmanu bërútia atux ka ꞌakanani ꞌianan numin ꞌiananbi ꞌinsinan ꞌi këñuti ꞌikën. ꞌAínbi ka uikamax kara Babilonio unikamanu chikiti ꞌinamëtia akamax kuni bamatima ꞌikën.

Jeremías 6:27

Ësakin ka Diosan ꞌë kakëxa: ꞌËn kana uisai kara ꞌën unikama ꞌia isnuxumi tanun mi ꞌamiti ꞌain. Usa ꞌain kamina uisai kara atux, nitsia kixun isti ꞌain.

Juan 1:42

Cabianquin ca aín xucën Jesúsnu buáncëxa. Buáncëx bëbaia isquin ca Jesusan bëñachaquin cacëxa: —Mix camina Juanën bëchicë, Simón, a ꞌain. ꞌAíshbi camina Cefas caquin anëcë ꞌiti ꞌain. Cefas quicë bana, ax ca Pedro qui quicë ꞌicën.

Apocalipsis 3:12

Axa ꞌëmi catamëquin ꞌëx cuëëncësabi oi ꞌiti ëncëma unicama, a cana anua Nucën Papa Dios ꞌicë anubia nëtë́timoi ꞌinun ꞌimiti ꞌain. Anuaxa chiquítimoquin ca Nucën Papa Diosan ꞌimiti ꞌicën. ꞌËn Papa Diosan anëbi cana a unicamanu cuënëoti ꞌain. Cuënëonan cana anu Nucën Papa Dios ꞌiti Jerusalén ió, axa naínuax ubúti, aín anëribi ꞌanan cana ꞌën anë ióribi atunu cuënëoti ꞌain.