Jeremías 1:17 - Kashibo-Kakataibo Biblia

¹⁷ Usa ꞌain kamina mix atu ꞌën kakë banakama kai kuanux rakuë́ti sinanima, anun ꞌakánanti nëtën ꞌikësai mëníokati ꞌain; usa ꞌain kamina kuantankëxun ꞌën mi kakë banakama atu kai kuanti ꞌain. Atumi kamina rakuë́tima ꞌain, atumi rakuë́tia kana ꞌën mi, atunu kuanimi rakuë́ti bërënun ꞌimiti ꞌain.

Jeremías 1:17 ပူးပေါင်းရင်းမြစ်များ

1 Reyes 18:46

Usai ꞌimainun ka Diosan Elías kushioia tsitëkërëkinun kakëxa, kakëx ꞌaímai kushioi tsitëkërëkianan aín chupa mëniobiani kuanx ka Jezreel kakë ëmanu abákianx Ahab bëbatisa ꞌaímabi anpan bëbakëxa.

2 Reyes 4:29

Usakin kakëxun ka Eliseonën Guehazí kakëxa: —Mëníokakiani kamina ꞌën tatsi bibiani xanu ënën xubunu kuanti ꞌain. ꞌAínbi kamina kuankin unibë mëranankin uisakinbi katima ꞌain, ꞌimainun kamina uin kara uisa karamina ꞌai mi kaia a unibi uisokinbi katima ꞌain. Kaima kuantankëxun kamina tuá aín bëmánanu ꞌën tsati nanti ꞌain.

Job 38:3

Bërí kamina ꞌë asérabi rakuëma ꞌixun, ꞌën mi ñukákë banakama ñuikin ꞌë kati ꞌain:

Éxodo 3:12

Ësai kia ka Diosan kakëxa: —ꞌËx kana mibë ꞌiti ꞌain, ënëx ka ami unántiokin ꞌënbi mi xukë ꞌiti ꞌikën: Egipto menua ꞌën unikama chikínkë ꞌain kamina kamaxunbi mikaman ënë menuxun ꞌë rabiti ꞌain.

Éxodo 7:2

Min kamina min xukë́n Aarón ꞌën mi kakësokinbi kati ꞌain; usakinmi kakëxuan an kakëxun ka faraónën Israel unikama ꞌain menuaxa chikitanun kati ꞌikën.

Jeremías 1:18

ꞌËn kana mi bërí kushiira ꞌinun ꞌimikin, ëma upíokin kënëkin ꞌakë usa ꞌianan, manë tunan ami xubu buaruti nitsínkë usaribi ꞌinun ꞌimianan, anun ëma kënëarakë manë panshian iruira usaribi ꞌixunmi, Judá menu ꞌikë ꞌapukama ꞌimainun aín kushibu ꞌianan, sacerdotekama ꞌianan, kamabi unikama atusamaira ꞌixun minra kanun mi ꞌimiti ꞌain.

Jeremías 23:28

¡An Dios kikë bana ñuikë unin namáxun ka aín namákë ashi bëtsi ñu ñuikinma ñuiti ꞌikën, ꞌaínbi ka uin kara ꞌën bana ñuia an ꞌën banaishi ñui kiti ꞌikën! Usai ka Nukën ꞌIbu kiakëxa.

Jeremías 26:12

Usai kitankëxa atux sënë́nkëbëtan ka Jeremíasnën aín kushikama ꞌimainun kamabi uni timë́kë a ësokin kakëxa: “Nukën ꞌIbunbi ka ꞌë xuaxa aín anë ñui rakuë́timaishi bananun, ꞌianan anuxun a rabiti xubu ñui kianan ënë ëma ñui kinun, mitsúnbi kamina ꞌëx kikë bana a kuakan.

Jeremías 26:2

ësokin kakëxa: “Anuxun ꞌë rabiti ꞌën xubunu ꞌikë me mëníokë anu nirakëxun, kamina ꞌën mi kakë banakama axa Judá menu ꞌikë ëmakamanuax anuxun ꞌë rabiti ꞌën xubunu ukë unikama kati ꞌain. Kakin kamina kamabi ꞌën mi kakë banakama a ñuixunkin tëokima kati ꞌain.

Jeremías 36:8

Usakin an bana ñuikë Jeremíasnën kakëxun ka Barucnën an kakësabiokin kamabi ꞌakëxa: ꞌaika anuxun Dios rabiti xubunu kuanxun kirika tarankënu kuënëokë Nukën ꞌIbu kikë banakama a unikaman kuanun ꞌisi kiakëxa.

Jonás 3:2

Anu kuanxun kamina chaiira ëma Nínive kakë anu tsókë unikama ꞌën mi kakë banakama ñuixuni kuanti ꞌain.

Lucas 12:35

Jesusan ca ësaquinribi aín ꞌunánmicë unicama cacëxa: —Ënëx ca ësa ꞌicën. Achúshi uníxa an xanu bicë unin camicëx, abëtan pi cuanx utëcënia ca an ñu mëëxuncë unicaman cainia. Caínquin ca an uni ñu mëëxuncë unicama an ñu mëëxunuxuan pañucë chupa pañuanan lamparíncama upí oquin bimitancëxun nania. Usoxun caíncëx uquian, xëcuë taxcaia ca cuëënquin bënë́nquinshi atsínmiquin xëocaia. Usaribiti camina mitsux ꞌiti ꞌain, ꞌëx aia caini.

Hechos 20:20

Usai ꞌiquinbi cana ënquinma uisai caramina Nucën Papa Dios cuëëncësabi oi ꞌinux upí ꞌiti ꞌai quixun racuë́quinma mitsu bana ñuixuan. Usaquin nëtë́quinma mitsúxmi timë́cë ñuixuanan cana mitsun xubucamanuxunribi mitsu bana ñuixuan.

1 Corintios 9:16

ꞌËn Jesusan bana unicama ñuixuncë cupí cana rabiacátima ꞌain. ¡Aín bana ñuixunun Jesucristonën ꞌë cacë ꞌixunbi an cacësa oquin ꞌacëma ꞌaish carana uisai ꞌicë ꞌitsían!

1 Tesalonicenses 2:2

Filipos ëmanuxun ca nu ñui ꞌatimati bananan bëtsi bëtsi oquin unin nu tëmëramiaxa quixun camina ꞌunanin. Usai tëmëratancëxunbi cananuna Nucën Papa Diosan ꞌaquincëxun mitsuribi Jesucristomi catamëti ca uni Nucën Papa Diosnan ꞌiti ꞌicë quixun a bana ñuixuan, ꞌaisamaira uníxa numi nishcëxunbi.

1 Pedro 1:13

Usa ꞌain camina Jesucristonan ꞌixun upí oquin sinani ax quicësabi oi ꞌiti ꞌain. ꞌIquin camina Nucën Papa Diosan ca abëmi aín nëtënu ꞌiti mëníocëxa quixun sinani cuëënquin Jesucristo anun uti nëtë caínti ꞌain.