Isaías 9:3 - Kashibo-Kakataibo Biblia

³ Dios min kamina chaiira kuëënun nu ꞌimin; usa ꞌain ka anun nux kuëënti ax chaiira ꞌikën. Kamabi unix ka min ismainunbi kuëëni anun ñu ꞌapáxun biti nëtë ꞌikëbëtan aín ñu ꞌapákë bitankëx bëtsibë ꞌinánani kuëënkë usaribi ꞌikën, ꞌianan ka ꞌakanankin aín ꞌibu ꞌaxun ñu bitankëx bëtsibë ꞌinani kuëënkë usaribi ꞌiti ꞌikën.

Isaías 9:3 ပူးပေါင်းရင်းမြစ်များ

Nehemías 9:23

Usonan kamina atúxa ꞌitsaira bëchipati naínua imë́ ꞌispa iskësa ꞌitanua bakë bëchipanun ꞌimianan, atunan ꞌinun a ꞌinánnuxumi nun chaitiokëkama ká me a bitsi kuanun minbi a menu kuanun atu buánkën.

Salmos 107:38

Usakin ꞌaia ka Diosanbi bakë bëchipatia kaínu ꞌimianan atun ꞌarakakë ñuinakamaribi ꞌaisamaira kaínun ꞌimiakëxa.

Isaías 35:10

a unikamax ka Nukën ꞌIbun ainan ꞌinun bitëkënkë unikama ꞌiti ꞌikën; usa ꞌaish ka Jerusalén ëmanu atsini kantai kuëënkanti ꞌikën, usai ꞌika anu kuëëni xënibua ꞌaínbi tsóti ꞌikën. Usai kuëëni chuámarua tani anu tsókëbë ka uínsaranbi masá nuituti inkë ax atunu ꞌitëkëntima ꞌikën.

Isaías 35:2

ꞌianan ka ro ua ax ꞌapákësa ꞌinun uábuti ꞌikën, usaía ꞌikëbë ka unikama ꞌitsaira kuëënti ꞌikën. Diosan ka a menu ni upíira ꞌimiti ꞌikë, Líbano menu ꞌikësa ꞌinun, ꞌimianan ka Carmelo kakë me upíira a ꞌimainun me sapan Sarón kakë usaribi ꞌimiti ꞌikën. Kamabi unikaman Nukën ꞌIbu ax ka kushiira ꞌianan, ꞌapuira ꞌikë kixun ꞌunánti ꞌikën.

Isaías 54:1

Jerusalén ax ka tuáñuma xanu ꞌianan tuakëma xanusa ꞌaish munuma kuëëni kantati ꞌikën, mix kamina bakënkin paëtankë usaribi ꞌain usai ka Nun ꞌIbu kiaxa: xanu aín bënë ënkë an ka xanu bënuñunën ꞌakësamaira okin ꞌitsaira tuati ꞌikën.

Isaías 55:12

Usa ꞌain kamina mitsux kuëënkiani anuaxmi tëmërakankë, anuax kamina mitsun menubi uínbi uisokinbi kakëma kuantëkënti ꞌain. Usai mitsux kuania isi ka ꞌain bashikama kuëëni kantati ꞌikën, ꞌimainun ka kamabi ikama ninu ꞌikë akamax mëtashkiti ꞌikën.

Isaías 61:10

¡Uisai karana ꞌëx Nukën ꞌIbumi chuámarua tani kuëënti ꞌain! Diosan ka kuëëira kuëënun ꞌë ꞌimiaxa, usa ꞌixun ka, ¡kamabi ñu kanankin ꞌanun ꞌë ꞌamiaxa! Usa ꞌain kana an xanu biti unían mëníokakin mañuti mañukësa ꞌianan, achúshi xanun birakanuxun mëníokin ain ñu ꞌupíikama pañukë usaribi ꞌain.

Isaías 61:7

Axa ꞌën unimi nishkë unikaman ka ꞌitsaira ꞌichananbi bëtsi bëtsi okin ñuikëxa katë́nun tëmëramiakëxa, usa ꞌixun ka aín menuxun atúnbi ꞌitsaira ñu chaiirabu biti ꞌikën, bitsi ka xënibua ꞌaínbi kuëënti ꞌikën.

Isaías 65:18

Kamina upiti xënibua ꞌaínbi, kuëënti ꞌain amiribishi kana ñukama unioti ꞌain, Jerusalén ió anuax kuëënti ꞌanuxun ꞌain, anuax ka anu tsókë unikamax kuëënti ꞌikën.

Jeremías 31:7

Ësai ka Nukën ꞌIbu kiaxa: “Israel unikama Jacobnën rëbúnki, mitsux kamina munuma kantai kuëëni ësai kikanti ꞌain, nux kananuna bëtsi ëma kamasamaira ꞌain. Usa ꞌain kamina ësaiki kantakin mitsun bana kuami ësai kikanti ꞌain. Nukën ꞌIbun ka aín unikama ꞌakinkin ië́miakëxa, nukamax kananuna bëtsi menu bua ꞌaíshbi ñukëma amiribishi utëkëan.

Oseas 4:7

Sacerdotekama ꞌitsakëbë ka uníxribi ꞌitsaira ꞌëmi ꞌuchakëxa; usa ꞌain kana atúan biti ñu ꞌinankima ñuumasara ꞌinun ꞌimiti ꞌain.

Lucas 11:22

Usa ꞌaínbi ca asamaira cushi uni uquin a mëëquin ñusmoquin axa anun ꞌacanancë ñucama, amia catamëcë, acama bianan aín ñu raíriribi biquin aín unicama mëtícaquin ꞌinánti ꞌicën. Usaribi oquin cana ꞌën aín ꞌapusama cushiira ꞌixun ñunshin ꞌatima chiquinin.

Hechos 8:8

Usaía ꞌicëbë ca a ëmanu ꞌicë unicama chuáma tani cuëëinra cuëëancëxa.

Filipenses 4:4

Mitsux camina Nucën ꞌIbu Jesucristonan ꞌai quixun sinani camina camabi nëtën uisa ñu cara ꞌicëbëbi chuámarua tani cuëënti ꞌain. Usai ꞌinun caxunbi cana mitsu catëcënin, chuámarua ca ꞌican.

1 Pedro 1:8

A isúnmabi camina mitsun Jesucristo sinanin. Usa ꞌain camina a isaxmabi ami sinani chuámarua tani cuëëinra cuëënin, anúnmi uisairai caramina cuëëni quixun nu ñuixunti bana ꞌaíma ꞌaínbi.

Jueces 5:3

¡ꞌË kamina kuati ꞌain, ꞌapuirakama! ¡ꞌËx kimainun kamina bëtsi ëmanu ꞌikë ꞌapukama mitsun kuati ꞌain! ¡ꞌËx kana Nukën ꞌIbu rabi kantain! ¡Kantai kana Israel unikaman Dios a rabi kantain!

Jueces 7:22

usai kuankëbëtan ka trescientos Israel suntárukama an ënkinma atun carnero manchan banokëxa, banokëbë ka axa abákëmakama ax Nukën ꞌIbun ꞌimikëx atúxbi ꞌakanankëxa, ꞌakanani abati ka raírinëx anun Sereránu kuanti bainu ꞌikë Bet-sitá kakë ëma anu bëbakëxa, ꞌimainun ka raírinëx anua Abel-meholá kakë ëma aín me sënënakëkë Tabat kakë ëma ꞌikë abu kuankëxa.

Jueces 8:12

ꞌAkëbë ka Zébah ꞌimainun Salmuná anuax abákëxa: ꞌAínbi ka Gedeónën abatiabi ain suntárukamabëtan nuibianxun ñatankëxa, ñatankëbë ka aín suntárukama ꞌaisamairai rakuëkankëxa.