Isaías 8:6 - Kashibo-Kakataibo Biblia

⁶ “Judá menu ꞌikë unikamax ka Resín ꞌimainun Remalíasnën bëchikë ami rakuë́tia, usa ꞌain ka aín suntárukamabëtan Judá ꞌakatsia, ꞌaínbi ka Judánu ꞌikë unikaman Dios, Siloé kakë baka pakaxkima rakákë usaribi ꞌikëbi kuëënima,

Isaías 8:6 ပူးပေါင်းရင်းမြစ်များ

Salmos 46:4

Achúshi baka xobutia aín panakakama ꞌikësa usaribiti ka anua ꞌikë Diosan ëma Jerusalén kakë ax ëmakamasama upíira ꞌikën.

Isaías 1:20

ꞌaínbi kamina abi ñunshinakëkin kakëxunbi ñu ꞌakani, an mitsu ꞌakinti ꞌaíma ꞌain ꞌakanankënuax bamakanti ꞌain.” “Usakin mitsu kanun ka Diosanbi ꞌë kaxa.”

Isaías 28:2

Ësokin mitsu kamainun kamina kuati ꞌain: Nun ꞌIbun kaískë achúshi uni kushiira ka anu ꞌikën, ax ka matsi bëruñunëxa masákuatsinkë usaribi ꞌikën, ꞌianan ka nëtë masákuatsinkëbë ukian suñuanën ñu masókë usaribi ꞌianan, nëtë́timaira uñe ꞌibúkian me mapukë usaribi ꞌiti ꞌikën. Usa ꞌixun ka ꞌain mëkënan menu nipakëisokin ꞌanan,

Isaías 30:12

Usa ꞌain ka Israel unikaman Dios upíira ax ësai kia: “Mitsun kamina usai ꞌiaxma ꞌinun kakë bana a kuaisama tanan, bënë́kinshi ñu ꞌatima ꞌanan, ñu ꞌatimaira ꞌai ami katamëkanin;

Isaías 7:4

kuanxun kamina anua kai kuanti ꞌain: ꞌËn mi kakëx kamina bërúankati ꞌain, ꞌaínbi kamina ratutima ꞌain; ꞌianan kamina ami rakuë́ti ñusma kantima ꞌain a ꞌapu rabë́ ax ka tsi bimikëxa aín kuin tëxëkirui ënxakë usaribi ꞌikën, ꞌitankëx nëtë́kë usaíshi ka Resín aín suntáru siriokamabë, ꞌianan Remalíasnën bëchikë akamax tsi ërë́rukësaribi ꞌitánun nishaxa.

Isaías 7:6

Nun kananuna Judánu ꞌikë unikama rakuë́nun: ꞌimitankëxun atun ëma ꞌibuati ꞌain, usakin ꞌatankëxun kananuna Tabeelnën bakë bëchikë a ꞌapu ꞌinun ꞌimiti ꞌain.

Isaías 7:9

mitsúxribi ꞌëmi katamëtima kamina, atux ꞌikësaribiti ëmañuma bërúkanti ꞌain.”

Isaías 8:5

Ësokin katankëxun ka amiribishi Diosan ꞌë katëkëanxa:

Jeremías 18:14

¿Líbano bashinu ꞌikë maparakama anua ꞌikë matsin tita ax kara uínsaran nëtë́ti ꞌik? ¿ꞌUmpax matsira bashinuax shióbukë ax kara ꞌain bashi kamanuax ëskiti ꞌik?

Jeremías 2:13

ꞌËn unikama ka ꞌiásamaira ꞌinun chaiira ꞌuchaxa: Usai ꞌikin ka ꞌën bana kikësama oi ꞌikin ꞌë manukankëxa, anua ꞌumpax ꞌikë nëminra usaribi ꞌixun na tsónun ꞌakinkëxunbi ꞌë manúakëxa, usakin ꞌë manuika anua ꞌumpax biti nëminra ꞌumpaxñuma ꞌinun ëskikë usai atux ꞌiakëxa.

Jeremías 2:18

Bërí kaina, ¿Egipto menu ꞌikë Nilo kakë baka ꞌumpax xëanan, anu ꞌikë unikaman ꞌakinun ñukati kuankin kaina añu biti ꞌain? ¿Añu kaina Asiria menu ꞌikë Éufrates kakë baka ꞌumpax a xëanan, anu ꞌikë unikaman mitsu ꞌakinun ñukákin biti ꞌain?

Lucas 13:4

¿Siloénu ꞌicë torre manáinra ꞌaish chaxcë́ira, ax atunu rurucubucëbëa bamacë dieciocho uni ax isa Jerusalénu ꞌicë uni raíri ꞌicësamaira oi ꞌuchaxa quixun caramina sinanin?

Juan 9:7

bëshíquin ca cacëxa: —ꞌIan cha, Siloé cacë, anu cuanx ca anuax bëchucatan. Siloé quicë bana ax ca cuanun xucë qui quicë bana ꞌicën. Cacëxëshi cuanx bëchucacuatsini ca bëpë́xcüax uacëxa.