Isaías 8:3 - Kashibo-Kakataibo Biblia

³ Usakin ꞌë kakë a inúkë ꞌain kana an bana ñuikë ꞌën xanu ain pëi machakë sënë́nkë ꞌain, abë ꞌian ka tutankëx aín ꞌuxë ꞌikëbë bakëankëxa. Usai ꞌikëbëtan ka Diosan ꞌë kaxa: “Min bakë bëchikë bakënkë akamina Maher-salal-hasbaz kakin anëti ꞌain.

Isaías 8:3 ပူးပေါင်းရင်းမြစ်များ

2 Reyes 22:14

Usakia kakëx ka ꞌain kushibu Hilquías, Ahicam, Acbor, Safán ꞌimainun Asaías, an bana ñuikë Hulda kakë xanu Salum kakë uni aín xanu abë banai rikiankëxa, Salum ain bakë bëchikë Ticvá, Harhás aín xuta ꞌiakëxa, ax ka anuxun Dios rabiti xubunu ꞌikë chupakama anu nankë a bërúankë ꞌiakëxa. Hulda ax ka Jerusalén ëmanuira ꞌima a ꞌuria ꞌikë ëma itsinu tsókë ꞌikë ka anu kuanxun kakankëxa,

Isaías 8:1

Bëtsi nëtën ka Nukën ꞌIbun ꞌë kaxa: “Cha ꞌitánun parókin tukakë i bitankëxun kamina anu kuënëoti ꞌain, kamabi unían a bana istisabi okin kamina: Maher-salal-hasbaz kitánun kuënëoti ꞌain. (Maher-salal-hasbaz kikë ënë banax ka ënuax basikëma ꞌaínshi ka ꞌatimonan këñukë ꞌiti ꞌikë ki kikë ꞌikën.)

Jeremías 20:3

Usokin ónkë achúshi nëtë ꞌinukëbëtan ka Pashur, an Jeremías sipuakë anua chikínti uni xuakëxa, xukëxuan bitsínkin bëkëxun ka Jeremíasnën kakëxa: “Bërí ka Nukën ꞌIbun min anë Pashur ꞌikëbi bëtsiokin nankin Magor-misabib kakin min anë nanxa, ‘Magor-misabib ënë banax ka kamabinuax ka uni rakuë́ti ꞌikë ki kikë ꞌikën.’

Jueces 4:4

A nëtëkaman ka Débora Lapidotnën xanu an Israelkaman ñu ꞌatima ꞌaia aín ꞌapu ꞌixun mëníoxuankëxa.