Isaías 8:22 - Kashibo-Kakataibo Biblia

²² mëuküaribi isbëkinkin iskanti ꞌikën, usakin iskinbi ka añu ñubi ꞌaíma ꞌikë isanan, tëmërati ashi ꞌain bë́anbëankibukënu ꞌikësa isti ꞌikën. Usa ꞌaish ka kamabi imë́nu ꞌikësashi ꞌiti ꞌikën, usa ꞌain ka bëtsían tëmëramikë uni ax uinubi kuani abátima ꞌikën.

Isaías 8:22 ပူးပေါင်းရင်းမြစ်များ

Éxodo 10:21

Usa ꞌain ka faraónëan Israel unibu xuisamaira tankëbëtan Nukën ꞌIbun Moisés kakëxa: —Kamabi Egipto mea bëánkitanun kamina min mëkën manámi mëshpakin naí mëtunti aín, usakinmi ꞌakëbë ka bëánkibukë ax mëkënan mëëtisa këxtuira ꞌiti ꞌikën.

Éxodo 10:22

Kakëxuan Moisésnën aín mëkën manámi sanani mëshpakëbëishi ka kamabi Egipto menu bëánkibukë chaiira ꞌiakëxa,

Isaías 30:6

Bërí kana ñuinakama Négueb menu ꞌikë akama ñui kin: a mex ꞌatimaira ꞌain ka anu paru ꞌinúankama axa kuëëkë, ꞌimainun runukama ꞌianan kapë́sa ñuina taëñu axa nuánkë akama ꞌikën. Burro ꞌimainun camello kaxunu puruxun ka ñu kupíkë Egipto me anua upa unikama ꞌikë anu buánti ꞌikën,

Isaías 50:3

ꞌËn kana naíkamëꞌ ëo uni ñukë ꞌain unix masánuituti chupan mapukësa ꞌitánun ꞌimiti ꞌain, usakin kana ꞌën ꞌimiti ꞌain.”

Isaías 60:2

Kamina kuakanti ꞌain, nëtë kuin tunankuatsinkë an ka me mapuia, ꞌimainun ka bëtsi ëmakamanu ꞌikë unikama ax bë́anbëankikë an mapukënu ꞌikësa ꞌikën, ꞌaínbi ka Nukën ꞌIbu ax tirítan pë́kakësa mitsunu ꞌiti ꞌikën, usai ꞌia ka usai ka Diosan kushi mitsunu ꞌia kixun bëtsi unikaman isti ꞌikën.

Isaías 8:20

kati ꞌikë kixun ñukáti ꞌit?” Ësai ka atux sinanimaishi banati ꞌikën, ꞌaínbi ka axa këmëishi kikë ꞌikën.

Isaías 9:1

Diosan ka ꞌatabakin an kuëënkësa oia ꞌinun Galilea ꞌimiakëxa, anu ka Zabulón ꞌimainun Neftalí kakë uni aín me ꞌiakëxa, ax ka an Diosan bana kuakëma a rapasu ꞌikë unikaman me anuaxi Jordán kakë baka ꞌikë ꞌukëmanan, anuaxi kuanx parúmpapa kuëbí anubi sënë́nkë ꞌiakëxa; ꞌaínbi ka nuibakin ꞌitsaira ꞌakiankëxa.

Jeremías 23:12

Usa ꞌain ka atun tsóti ax tëira ꞌaish bai bëánkibukë ꞌianan, anun nikëxa me tsëtsërui tuñukë usaribi ꞌikën: ꞌën kana bëtsin titikakëx pakëkësa usairibi ꞌinun atu ꞌimiti ꞌain usokin ꞌakin kana atun sinánkësokin ꞌanun ꞌamiti ꞌain. Uínsaran karana ꞌën atun ñu ꞌatima ꞌakëkama mënioin anun kana atun ñu ꞌatima ꞌakë, uisakin karana ꞌati ꞌai usakin ꞌati ꞌain. ꞌËx Dios ꞌaish, kana asérabi ësai kin.

Mateo 22:13

Usa isquin ca ꞌapun an mesanu piti nancë unicama caxa: Ënë uni camina mëtanianan tatanitancëxun ëman bëánquibucënu buántancëxun niti ꞌain. Nicëx ca anuax anu ꞌicë unicamabë tëmërai bënëti inti ꞌicën.

Mateo 24:29

Usoquin canan ca ësaquinribi Jesusan aín ꞌunánmicë unicama cacëxa: —Usaía tëmërai anun uni bënë́ti nëtëcama ꞌicëbë ca bari bëánquinuxun ꞌaia, ꞌuxë́nribi ca pëcanuxunma ꞌaia. ꞌIsparibi ca rëucunuxun ꞌaia, naícamëꞌëo shaíquicëbë ca anua ꞌicë ñucamaxribi shaíquinuxun ꞌaia.

Mateo 8:12

Usaía atux ꞌimainun ca judíos unicama axira Nucën Papa Diosan nëtënu ꞌiti ꞌaíshbi ꞌën bana cuaisama tancë, acamax ëman ꞌicë bëánquibucë anu ꞌiti ꞌicën. Anuax ca anu ꞌicë unicamabë tëmërai bënëti inti ꞌicën.

Judas 1:13

Bëchunan tucánquiquin masinu chinan purucësa, usaribi ꞌinun ca aín nuitu upíma ꞌain ꞌatimati bananan ñu upíma ꞌaia. Chiquíquianxa ꞌispa amanu tacúcë, usaribi ca atux ꞌicën. Usa ꞌaish ca atux nëtë́timoi xënibua ꞌaínbi bëánquibucënu ꞌiti ꞌicën.

Apocalipsis 16:10

Usai ꞌicëbëtan ca bëtsi ángelnënribi aín xanpanu ꞌicë ñu, anua parúnpapanuax uax ꞌirucë ñuinacanꞌëo ꞌicë, anu tutucaxa. Tutucacëbë ca anua an ꞌibuacë unicama ꞌicë ax bëánquiaxa. Usai ꞌicëbëtan ꞌaisamaira oquin paë tani ca aín unicama bënë́axa.