Isaías 8:19 - Kashibo-Kakataibo Biblia

¹⁹ Usa ꞌain ka unikaman mitsu káshibuinxun ësakin kati ꞌikën: “Mitsux kamina uni ñukëkama aín ñunshinbë banati ꞌain, ꞌianan ka axa usai ka ñu ꞌiti ꞌikë kixun ꞌunánkë akamabëribi munura banati ꞌain. ¿Achúshi ëmanu ꞌikë unikaman kara atun dioskamabë, bananan uni bamakëkama a kara uisakin

Isaías 8:19 ပူးပေါင်းရင်းမြစ်များ

Génesis 41:24

A trigo bimi chushikësa ꞌimainun mënukësa an ka mapai ꞌimainun rabë́ trigo bimi upíirabu a piaxa. Usakin namáxun kana an ñu tankë unikama timëxun ñuixuan, ꞌaínbi ka atu achúshinënbi usakin namákë ka ax ꞌikë kixun ꞌë kakëma ꞌikën.

2 Reyes 23:24

Josíasnën ka ñubë́ unikama ꞌimainun an ñutankë unikama, ꞌianan aín aintsi kamabëtan rabikë unínbia ꞌakë ñu a ꞌianan bëtsi ñukama ꞌimainun kamabi ñukama anun atun dioskama rabikë ꞌikëa Nukën ꞌIbun kuëënkëma ñukama Judá ꞌimainun Jerusalénnu ꞌikë akama këñuakëxa. Usakin ka a tanti bana kirikanu kuënëo ꞌikë sacerdote Hilquíasnën anuxun Nukën ꞌIbu rabiti xubunua mërakë usakinbi ꞌati kupin ꞌamiakëxa.

Isaías 30:2

Usai ꞌika bënë́kiani Egipto menu ꞌikë ꞌapu faraón an isa bërúankin ꞌakinun kixun ñukati kuania, ꞌaínbi ka atun ꞌë pain ñukátima; an isa ꞌakinun kixun ꞌapu faraón ñukati kuania, usai ꞌika Egiptonu ꞌikë unikamami atun isa ꞌakinun kiax ami katamëtia.

Isaías 45:11

Ësai ka aín Israel unikama ꞌIbu Dios upíira an unio ax kia: “¿Mitsun kaina uisai kara ꞌën bakë bëchikëkama ꞌinuxun ꞌaia ꞌë ñuixuanan, uisakin karana ꞌën ñu ꞌati ꞌai kixun ꞌë ꞌunánmiti ꞌain?

Levítico 19:31

Uni an ñunshinan ꞌamikëxun ñu ꞌakë ꞌimainun an ñu tankë uni kamanu kamina kuankantima ꞌain. Usai abë banakin kamina mitsúnbi ꞌaisama ñu ꞌati ꞌain. ꞌËx kana mitsun ꞌIbu Dios a ꞌain.

Miqueas 5:12

usakin ꞌanan kana minua ꞌikë ñubë́ unikama nëtënun ꞌimiti ꞌain, ꞌimianan kana an ñu tankë unikama aribi minu ꞌaíma ꞌinun ꞌimiti ꞌain;

Hechos 16:16

Nëtë itsin anuaxa uni abë banacë anuax Nucën Papa Diosbë banai cuanquinbi cananuna xanu xuntacu achúshi ñunshin ꞌatimañu isacën. A xanun ca ñunshin ꞌatimanëan ꞌunánmicëxun uisai cara ꞌiti ꞌicë quixun ñucácëxun uni usai camina ꞌiti ꞌain quixun ñuixuancëxa. Usoquin ꞌaquin ca aín patróncama ꞌitsa curíqui bimiacëxa.

1 Tesalonicenses 1:9

Usa ꞌixun ca nun cacëxunmabi mitsúnmi nu upí oquin bicë a ñuia. Ñuianan ca mitsux ismina unínbia ꞌacë ñuishi rabia ꞌixunbi a ënquin, axëshia Dios ꞌaish bamatimoi tsócë Nucën Papa Dios, ashi rabianan ax quicësabi oi ꞌi quixun ñuia.

2 Pedro 2:1

Usa ꞌaínbi ca ꞌiacëxa, uni raíri, an —Nucën Papa Dios ca usai quia —quixun cëmëquin anbi sináncë bana nucën raracama ñuixuncë. Usaribiti ca an mitsu bana ñuixunti uni cëmëquin parani mitsubë ꞌiti ꞌicën. Atúnbi sinánxun ca Nucën Papa Diosan banamabi ꞌatima bana ñuixunquin, Nucën ꞌIbu Jesucristo ami catamëtia uni Nucën Papa Diosnan ꞌiti, ami catamëaxma ꞌinun quixun ñuixunquin uni sinanamiti ꞌicën. Usaquin ꞌacë ꞌaish ca a unicamax bënëtishi cëñúti ꞌicën.

1 Samuel 28:11

—¿Ui uni mi bëxúnti kaina kuëënin? —kixun ka a xanun kakëxa. —Kakëxun ka ꞌë kamina Samuel kuënxunti ꞌai —kixun ka Saúlnën kakëxa.

1 Samuel 28:16

Kakëxun ka Samuelnën bëru ñunshinan kakëxa: —¿Uisati kaina ꞌën Nukën ꞌIbun ka mi ꞌakintima ꞌikë kixun kakë ꞌixunbi mimisa bërí nishia kixun kain?

1 Samuel 28:7

Usokëxun ka ain suntárunën kushikama kakëxa: —Axa ñukë uni aín ñunshinbë banakë xanu achúshi kamina ꞌë barixunkanti ꞌain, ꞌëx abë banai anu kuanun. Kakëxun ka ain suntárunën kushikaman kakëxa: —Endor kakë ëmanu ka axa ñukë unikaman ñunshin kuëntankëxa abë banakë xanu ꞌikën kixun ka kakëxa.

1 Samuel 28:8

Kakëxun ka Saúlnën an pañukë chupa a pëanan bëtsi chupa pañuakëxa ax ka Saúl ꞌikë kixun ꞌunántima rabanan. ꞌIkiani ka aín suntárunën kushi rabë́ buani imë́ xanu a iskatsi kiax kuankëxa. Kuankin ka aín xubunu bëbakin kakëxa: —ꞌËn kana mi ësokin kain añu karana ꞌati ꞌain ꞌë tanxunkin kamina, uni ñukënën ñunshin añu karana ꞌati ꞌai kixuan ꞌë kanun kuëënti ꞌain.